|
حيّا الله اللي عقلها راجح ونظرتهـا دمـار ومبرقعه..ومكحّله..ومدلّعه..ومخـصّـره لو إنّها فاالغرب ماعدّوا ضحايـا الإنتحـار هذا وهي في شعبنا المسلم ماهيب مقصّره.! |
مدخل . . لي عام أوضحّلك و ألمّح ولا فـاد واليوم خذها كـاش ولا تحاتـي يا معتبرني (صاحبك) إحذف الصاد و تعرف أنا وش معّتبـرك بحياتـي . . على طاري الشعر خل الكـلام المغلّـف بالحسـد خلّـه وقلّي على طاري أشعاري وش أخبارك؟ سمعـت بإنّـك تعبـت تـدوّر الزلّـه أشغلت مخك معي و إحتارت أفكـارك هدفك واضح ولكن صعـب تاصلّـه دامك على جرّتي .. ياطـول مشـوارك إلقط حصا جرّتي ثم خذ معـك سلّـه وإحذف على غصون شعري وإجمع ثمارك واليا تعبت و ظهر فـي مشّيتـك خلّـه يهديلـك اليـاس باقـة ورد لا زارك معها عبـارة (يمـوت الحاسـد بغلّـه) تنبيك عن فرق مقـداري و مقـدارك . . |
على درب الغرام / وضيقتك يالخاطر المسكين=رحلت ابحث عن أشيائي .. وضاعت كل حاجاتي
مشيت وكل خطوة في طرفها دمعة وبيتين=ووصلت ولا لقيت الا سرابٍ يشرح أبياتي يقولون : التعب يخلف / وانا اقول : الرجا بعدين=عشقت من التعب دربه وملّت فيه خطواتي لأني عاشقٍ ضحّى ولا يلعب على الحبلين=طموحي أفرح لغيري / ولا أدوّر مسرّاتي كتمت آهاتي بصدري / وفاضت مع دموع العين=ومسحت دموعي بكمّي , ولا حسّيت بآهاتي |
الغالي اللي رحل واشعل (شموع الغياب) ماله من اللي يحبه غير .. بـوح السهـر يشره على قلب ودى في غرامه وجـاب ينبض له الحب والاحساس .. سر وجهر بعد ما طاولت في حبه .. شموخ السحاب واهديته (احساس سعد) للمحبـه مهـر راح وترك في صميم القلب جرحٍ شباب يكبر ويكبر ويكبر لين (شيبـه ظهـر) طعني وطعنتة .. ماهي بشلفـا ذيـاب لا والله اقسى عليّه من طعـون الظهـر الله يسمح خٍطى رجله عزيـز الجنـاب ويصبر اللي علـى فرقـاه ميّـت قهـر من دونه احس بـإن سنين عمري سراب افرح بها يوم وآعيـش التعاسـه شهـر آعيش غربة وطن وافتح للافكار بـاب واستنتج إن (الحياه ابـلا محبـه دهـر) |
من عيون الحزن والضيق ظلما ما بعدها نور تقوم أول مواجع فالصـدر تاخـذ مساحاتـه يعيش الهم وتموت السعاده ما وصلهـا دور ويبقى للفرح ذكرى تمـر القلـب شمّاتـه ! نعم ما فالحياه قصور لو إن الزمـان يـدور ولا ضاق الفضا ساعـه بروحاتـه وجيّاتـه وأنا ما فيه لذه عانقت قلبـي عشـان يثـور لأني فالزمن عابـر ولا استوطـن ملذاتـه ! تعلمت الحقيقه من حقيقة خاطـر المكسـور وعرفت ( الخاطر المكسور ) ما يحتاج لإثباته أعيش بعالم الفوضى مقيّد للحـزن والجـور وأداعب سيرة دموع الفرح لا شفت دمعاته ! أعانق ما بقى فأغلا خيـال يشدنـي للنـور تحت كف الظلام اللي رسم بالزيف بسماتـه هذا واقع حياه وما على فعل الزمان قصـور زرع فيني بساتين الشعر من طيب هقواته ! وإذا قالوا الشعر كله أحاسيس وغلا وشعـور أنا أقول الشعر ذنب الخيال وحشمـة سكاتـه |
ماودي اتـركّ ، لكـن ودي آخونـك من باب تغييـر الاجـواء الغراميـه ! واول خياناتـي الجآيـه مـع عيونـك بناظـر ف...هـذي وبحـب هاذيـه تريحـي مالقيـت اللـي يحالـونـك من عآمة الناس ، واوصافك خصوصيه تبسمـي للحيـاه وخـلـي سنـونـك تفضح عيوب الظلام ، وتلغـي الفيـه |
http://www.bl101.net/forums/uploads/...1196781494.jpg عن دروب الحزن .. وظروف المصير ما لقيت اللي يوصّف حالتي انتحى الليل .. وبدا الثلث الاخير لا رقدت .. ولا شربت بيالتي ! |
بعد ان عسعس ليلي .. بــ روتينه الممل كـ عادته ! يحدوني الأمل والشوق .. ان يتنفّس صباحي بــ عبق عودتك من جديد .. وإطلالتك التي تشبه بزوغ الشمس من مشرقها ولكن الأمل اضحى ألماً .. والشوق يزداد توهجاً وصبابه ، كلما زاد الألم ، وها أنا اتأرجح منذ يومان بين الاهرامان ..! رغم ان إطلالتك كل صباح .. إطلاله معنويه ~ إلا انها .. كــ النسيم الذي يعطي كل من يتنفّسه نشوه وحيويه .. وما الى ذلك نعم يا انتي ..، اعترف بــ أنني لا أُجيد التشدّق بــ اجمل العبارات وأرق المشاعر واعذب الأحاسيس .. ولكن أُجيد الصدق وانا اتحدث عن أحبّ من وطأت قدماه على هذه الأرض ، أُجيد التحدث عن من " لو علم الملوك والأمراء وعلية القوم .. وحسن أولئك رفيقا " بها ..! لــ جالدوني عليها بالسيوف ..! ولــ الجنون بقيه ~ |
الحياه .. ايام تتبعها .. الليالي = والليالي تطوي الآيام .. معها ..، عمرها ماجات كنز ورأس مالي=فانيه بـ أفراحها والاّ وجعها ..، |
صحيح الحبّ الأعمى خالقه ربي بدون عيـون=لكنّي شايف اللـي فيـك يـا خلّـي محبّبنـي
نزاهة روحك و ندرة وفاك وعرضك المصيون=وطهارة قلبك وسطـوة حـلاك اللـي معذبنـي وذكاك ومنطق أسلوبك لا سولفت بغلا مجنـون=هذا غير الوصوف اللـي مخبيّهـا وتعجبنـي أنا ما ودّي أبحث في خبايا الشكل والمضمـون=أقول المختصر .. كلّك على بعضـك تناسبنـي أناظرك وتناظرني ونظـرات العيـون تمـون=لا قمت أسألك بعيوني .. وبعيونـك تجاوبنـي أحبّك كثر ما قلبي يـدق وخاطـري مشحـون=وأحّبك كثر ما طيفك علـى طاريـك يجذبنـي وأحبّك كثر ما شابت من لحون الغـرام لحـون=وأحبّك كثـر مـا تقرانـي عيونـك وتكتبنـي رميت بفلسفة عشقك على سقراط وافلاطـون=ولا فكوّا رموز ٍ في غرامـك بيتهـا مبنـي ! تغيب ويمتلي صدري من الشوق ويضيق الكون=تقول أنّك مـع غيابـك عـن الدنيـا مغيّبنـي أخذني معك يا سيد الحبايب لا تقـول شلـون=على كف المحبّه ودّني فـي قلبـك وجبنـي ! لا تتركني تحت رجوى وصالك والجفاء ملعون=عقوبه .. مالي ومال العقوبـه .. لا تعاقبنـي |
فراغ العاطفه قاتل .. و روتين الحياه / مْخيف !=سهر / حرمان / هم / وقافيه مغقود ( ملهمـها ) عبث نبحث عن خيوط الأمل في وسط بحر الزيف=مشاعرنا " شتات " ولالقت منهو [ يلـملـمها ] نعيش الحب ، وأصل الحب ماله عندنا تعريف !=و يصبح حبـنا ، لوحـة غرام ٍ ( مات راسـمها ) |
|
,’ للصدر بوح وللمدامـع سواليـف وللسجه اللي كل ساعـة حكايـه كتمتها ليـن أوقدتهـا الصواديـف ورويتها والحـزن صـوت الروايـه عن ماخسرته .. قد قطعت التحاسيف ليه اتحسـف والعمـر .. فالبدايـه أفنيت حالـي بالبـذل والمعاريـف و لاطلت غير جحودهم فالنهايه ..! الحل اصد وصدتـي صـدة معيـف وأقفي .. وهم أدعي لهـم بالهدآيـه .. |
.
. لا تبني المجد في حلمك وتستانس المجد في واقع .. الدنيا ماهو هيّن . . |
.
صمتي وتفكيري وجرحي والايام تجمّعت ضدي وانا كنت غافل حفلة مواجع قسّمت صدري اقسام منها عرفت إني للاوجاع كافل . . |
:
: قرّرت األف كتاب .. اسمـه (كفايـه قلـق) يحكي عن (الإختناق)، اللي يُسمى (هـوى) اللي نعيشه (ظلام) ونحسـب انّـه (فلـق) وهو قوافـل (جـروح) وماعليهـا (دوى) يقراه مطلق ، على نايف وسيـف وطلـق وتقراه عليا ، على جـود وشمايـل سـوى مخلوق ، وجّه معاليقك علـى اللـي خلـق وان قلت : قلبي لشخص ، اقول : مالك لوى لاصار الإنسان ، من مـاءٍ مهيـن وعلـق وشلون ! يحيي وهو مخلوق .. غصنٍ ذوى وان كان .. ودّك ترى للقلـب نـور وألـق ابعد عن الشر ..واقرب من عدود الـروى : : : |
جار قلبي وتعرف وش حقوق الجيره طيّـب نفـوس جيرانـك ولاتذيهـا لاتفسـر كـلام يضايقـك تفسيـره بعضنـا ينطـق الكلمـه ولايعنيهـا ابتسم ، لاتعلـم وجهـك التكشيـره ابتسامتـك تملكهـا ، ولاتعطيهـا ! شب نآر الوصال ، وطف نار الغيره حاجةٍ ماتهمك .. لاتسولف فيهـا |
خذ من سعه أياك تاخذ مـن الضيـق=ماضاقـت الدنيـا الوسيعـه باهلهـا يرضيك ما يرضي جميـع المخاليـق=اللـي يجـازي كـل نفـس بعملهـا سـج القـدم والله عليـه التوافـيـق=واليـا جفتـك الــدار دور بدلـهـا الصبـر مفتـاح الفـرج للمطالـيـق=ونفـس تعـدى حدهـا مـن جهلهـا كـم واحـد قـد ذاق مـر التفاريـق=وعقب الرضا نفسـه تزايـد زعلهـا عليه مالت غـرب عقـب التشاريـق=وحتى ايش لو مالت على الله عدلهـا محد يلوم اهـل القلـوب المشافيـق=الرجل تركـض ليـن يوقـف اجلهـا الحب هو سـاس الشقـا للعشاشيـق=والنـاس بالايـام يـاطـول املـهـا من ذاق عشـرة لابسـات العشاريـق=ما طاعتـه نفسـه لـو انـه عذلهـا الحب كايد والهـوى ييبـس الريـق=واهـل التغـزل لاهيـه فـي غزلهـا تل قلبـي مـن سخـاف المعاليـق=تلة دلـي اللـي حيـا مـن رسلهـا قمنا علـى علـم وعهـود ومواثيـق=مـا نختلـف وارزاقنـا الله كفلـهـا راع الهـوى بالليـل نومـه تخافيـق=دار رحــل منـهـا ودار نـزلـهـا ترى الهوى قتـال مـا فيـه تفريـق=ياكـم قتـل نفـس ونفـس عزلهـا |
: : : ياورد !ليش ازرعك ورد ، ولاكبرت اجنيك شوك ؟ إمّا السما ماهي سما ، ولاّ الثـرى ماهـو ثـرى صبرت صبر ايوّب ، واوصلت الفقـارى للملـوك واسمي ليا جا للوفـا طـاري خبـر .. ماينطـرى ان كان حظ !ارضى .. ولانـي قايـلٍ :يانعنبـوك وان كان من نسج الزوايا ، مامعـي عيـنٍ تـرى ياورد ! علّمني وانا فـي ذمّـة امّـك ثـم ابـوك ليه الكلام اللي علـى وضـح النقـا ، ماينقـرا ؟ والساقيه ماها جـرى ، والوقـت عيّـا لايـدوك والعشب مابيّن! .. ماكنّ الساقيـه ماهـا جـرى ! اشكّ ، لو انّي مااحب اجرح ضميري من شكـوك انّ الخليج محاصره من الورى .. مـن هـو ورى ياورد !لو نملك علـى قلـوب خلـق الله صكـوك ماكان لاطاح المسـا ، كـلٍّ علـى همّـه سـرى ياورد !حزني ضاق حتى كسّـر اقفـال الضحـوك وطاحت بقايـا دمعـةٍ حمـرا ، وجـرحٍ مابـرى ياليت .. خفّاقي ، وجرحـي ، والمدامـع علّمـوك ماكان اشوف الظلم مستشـري بوجـهٍ ..مـادرى : : : |
بين امس والليلـه مسافـات وكـلام ودي اقوله .. بس لا شفتـك سكْـت يطري علي البعد .. ويزيـد المـلام كم خفت من نظرة عيونك وارتبكـت ياصاحبي خذني من عيـون الغـرام مبطي وانا من كل قلبـي ماضحكـت لا تلومني ( والنور جلاي الظـلام ) مشيت لكنـي علـى دربـك هلكـت انا تركت الحب مـن فـوق السنـام وشف انت لعيون المحبه وش تركت ؟ تغيب عنـي .. لا سـؤال ولا سـلام وتاخذ ثلاث اربـع ليالـي ماشبكـت ماتدري إن اللي تسويبي .. حـرام ؟ ملكتنـي وانـا احسبنـك . ماملكـت 0 0 0 0 |
أغيـب عنهـا .. وتذكـرنـي لياليـهـا وأقـول ابنسـى غلاهـا .. واتذكرهـا هي من سكـن قلـب عاشقهـا ومغليهـا وهي من سهرت الليالي فـي محاجرهـا اللي بقى لي من الاحـلام ( ماضيهـا ) وياويل قلبي من جروحي و ( حاضرها ) خلوني أرتـاح .. لـو مانـي بناسيهـا وياجعلهـا ماتشـوف اللـي .. يكدرهـا القلب يفرح .. ليا من مـر .. طاريهـا والعين تدمع غلا مـن شـان خاطرهـا ياكثر مـازعل على نفسـي واراضيهـا وتكبر جروحي من الفرقـا واصغرهـا حتـى القصايـد تعانيـنـي واعانيـهـا وكتبت فيها القصيد وصـرت شاعرهـا |
ماذا يقوووووول وماذا يفعل من فقد اغلى صديق عنده
لاشك ان الدنيا تضيق عليه بأكملها ولاشك انه يتمنى ان الموت اخذه قبل هذا الموقف الرهيب اللذي يطير العقل ويهش العظام ويهز الكيان... ويجري الدموووووع لا شعوريا .. صدمه وليست كأي صدمه فقد فقدت اغلى صديق .. عزوتي ورفيق دربي أبراهيم حمد اليامي أبا مشاري لا وا عزاي الان فقد ذهب ورحل صديق العمر عن هذه الحياه وانا بعده اتجرع مرارات الاسى والحزن العميق التفت يمنة ويسرة والدموع تتسابق على وجنتي وكلما تذكرت الاماكن القريبه منه اتذكر كل بسمه وكل كلمه وكل همسه قالها ذهبت الى المستشفى لكي ألقي النظرة الاخيره عليه وليتني لم أفعل فقد حارت الاقدام ولم استطيع الحراك وماأساءني عندما نتقلت لـ أطمن على من نجى من الحادث المؤلم أبنه الذي لم يبلغ الرابعه بعد ضممته على صدري ولم أعلم ماذا حدث بعدها ...!!!!!!!! ماشاهدته منظر سيبقي خالدا في الذاكره الى أن تنتقل روحي الى بارئه رحمك الله يا أبراهيم اليامي وأسكنك الفردوس الاعلا انت ومن توفي معك من أهلك وأقرباءك الى الله المشتكى يا ابو مشاري و أن لله وأن أليه راجعون والحمد لله على كل حال لا وا عزاي اليوووووووم فلقد فقدت فقد عظيم ولو بكيت ما بكيت فوالله لن يفيد البكاء وليس معي الا الصبر و هذا حكم الله والقدر وانا راضي بما جاء به الله . أبا أدعي للصديق إنه يفـوز ويسلـم التعذيـب=وأقول بدعوتـي زلـت خطـاه الله يسددهـا
عسى قبرٍ سكن به روضةٍ يلقى بها ترحيـب=وتسقيـه السحايـب كـل مادلّـت قلايدهـا كريمٍ شهم طيب ساس صاحب دين منقع طيب=ولو جبت القلـم يتعـب خصالهـا مايعددهـا ورى ما أرثيه يوم إنه ليا جات الصعاب صعيب=ليا زانت لي القيفان أبا آخـذ مـن فرايدهـا تقدّم يالقلـم رابـع ثلاثـة لا فقـدت ذهيـب=أبا أملي وأنت سجّل ضيقةٍ راسـي مواسدهـا ليا مني ضوت لي ليلةٍ تشبـه لوجـه الذيـب=وضاقت بـي مناكبهـا دخيلـك لا تساعدهـا توقع زين واكتب لي بيوت القـاف بالترتيـب=علي أطرد واجيب الشاردة وإكتـب شرايدهـا تعبر عن ضميرٍ كن فيه من السمـوم لهيـب=تحدانـي همـومٍ ضيقـت بالـي وأكابـدهـا سنينٍ دبّرت يالله تكافـي شـر مـا فالغيـب=خذت لي من ضروسي خمسةٍ ما أنسى فوايدها طواحينٍ تلين لها العظـام ولا دخلهـا العيـب=ليا دارت تهون لهـا الصعـاب ولا تعاندهـا أقول الوقت وأقول المصيبة في الدهر والشيب=وأقول إن القضية ليلٍ أظلـم غـاب شاهدهـا |
عواصـف الحـزن تكسـر كـل ضلـعٍ متيـن لاهي تهاب الشجـاع ولا تـروف ب.. جبـان جتني ومعهـا الألـم .. جتنـي ومعهـا الأنيـن وخذت مابيـن الحنايـا وسـط صـدري مكـان مـعَ شهيقـي تزيـد ومـعْ زفـيـري تبـيـن فقـدت منهـا شعـوري بـالأمِـن والأمــان و لي عين من شوق تبكي وعيـن تبكـي حنيـن للّـي خذتـه المنايـا ساعـة الصـبـح بــان قالـت تـراك أنـت وأيامـك معـي راحليـن ودّع .. وسيرتـك تبقـى ماطواهـا الـزمـان طيّـب وباكـر ب.. يبكـي فـقـدك الطيبـيـن لكـن عزاهـم مصيـر المسْلمـيـن الجـنـان الله عطا .. يا ( عطالله ) .. وان خذا صابريـن لو لك في وسط الصـدر قـدر ومحبّـه وشـان واسمك فـي وجـه المعـزّه والطهـاره جبيـن يمنـاك بالخيـر وفعـولـك شـهـود العـيـان عساك مـن صالـح أعمالـك مـع الصالحيـن وتختـار ف..أبـواب جنـات النعيـم الثـمـان تصبح مع الأنبيـا .. وتمسـي مـع المرسليـن ولك بين صحبـة أبـو القاسـم محمـد مكـان |
يـا ذو الجـلال منـزّل القرآنـي=انـت الإلـه .. ولا إلـه ثـانـي يا باسطٍ ارضك ومعلـي عرشـك=ويا مفضّل المسلم على النصرانـي انا الضعيف اللي سجد لك .. وجهه=يخشى العذاب ويطلـب الغفرانـي سبحـانـك اللهم إنــي تـائـب=من زلة اقدامـي ونطـق لسانـي يا وجد حالي من تِـردّي الحالـه=كلي حـزن وادنـات مـا بكانـي احس في صـدري لهيـب وتكـه=وهزة ضمير تهـز كـل اركانـي ما فيه موتٍ مثـل مـوت الفجـأه=حتى لو ان عمر البنادم .. فانـي كم واحدٍ يضحك وهو مـا يـدري=انـه مَديـن وخلـفـه الديـانـي امـا تقـفّـاه وخــذاه بثـوبـه=والا عطاه الوجه .. فـي ثوانـي يا أبو مشاري رحمـك المولـى=حزني عليك .. اماتنـي واحيانـي الله ما اقوى صدمتي فـي موتـك=تقول كنـك واحـد مـن اخوانـي الطيـب واجـد والمزايـا عــده=وسيرتك هيّ شهودي .. وبرهاني متألّـقٍ .. شخصيّـاً وفكريّـاً=وشموخ لا يِخفـى .. ولا يخفانـي الله يأمّـن روعتـك فـي قبـرك=ويجبر عزانا كلنـا .. مـن دانـي ارثيك .. ماهو لجل اسجل موقـف=حزنٍ جديد .. وصار ضمن احزاني! |
يا أبوي حبك وسط قلبي يبني كبار الصـروح يشهد على ما اقـول عـلام الخفايـا كلهـا يا أبوي شوفك يبري العله وتشفى به جـروح ولا غبـت دار ٍ ماتجيهـا مايظلـل ظلـهـا أرتاح لا شفتك بخير و ضيقتي عنـي تـروح شوفك يكفيني عن الدنيـا ومـن فـي حلهـا أنت الأبو و أنت الأخو و أنته رفيق ٍ لي نصوح ياكم نصيحه منك جتني لين صرت أفطن لهـا ياتاج راسي يا بعد روحي يا أبو قلب ٍ سموح إن كان ما القيفان غنـت فيـك ليـه أشلهـا يمناك من فوق القمم بالطيبـه دايـم تلـوح واسمك على روس السطور العاليه محتلهـا لك فالحشا حب ٍ كبير ٍ مـا توفيـه الشـروح تعجز بيوت الشعر عن وصفه بوسط سجلهـا أنت الأمل عندي وبري فيك مابعـده طمـوح والطيبه منّك و مـن طيبـك عرفـت أدلهـا من صغر سني مصغي ٍ لك دوم لا شفتك تبوح يالشامخ اللي وقفته من فالعرب ياصـل لهـا شيخ ٍ وبابه ما يـرد و دلتـه دايـم تفـوح كريم و صفات الكـرام الطيبـه كفـو ٍ لهـا |
صحيح اني كتبت من القصايد كثير و ما كتبته كان جايد ولكن لا نويت أكتب قصيده عن أمي غصب أعبيها فرايد وش أوصف من حنان أمي و أعدد أببطي ثم أببطي بالشهايد أنا روحي فدا أمي دون منه و ألبسها من أبياتي قلايد حنونة قلب ربتني و كانت تخلي لي يديها كالوسايد ليا مني مرضت النوم يبعد عن أمي مير تصبر بالنكايد تشربني دوايه لين ربي يشافيني من أمراض ٍ تزايد ألا يمه ألا يا بعد روحي فداك جموع وأقوام وبدايد هبيتي ثم هبيتي يا القصيده توفين بشعوري شي كايد أنا ما قصدي أوفي جزاها ولكن شي للتوضيح رايد ألا يا رب أنا طالبك طوّل لي بعمر أمي أعوام ٍ مدايد |
مسائي غير في حضرة جنابك , يا آخر الاحباب , مساء الورد ، يا عطر المساء.. في حفلة اشواقي معاك الحزن يا نبض المحبه .. فص ملح وذاب بعد ما كان .. يسرق : فرحتي " ويبعثر اوراقي " عطيتك ما بخلت وشرهة .. الحاضر على الغيّاب عطيتك كل شيٍ .. فالحياه " وما بقى باقي " |
على كثر المعاند في هوانا واختلاف والراي علاقتنا حميمه .. والغلا باقي على ماهو .! |
أنـا وشعـري كلـنـا مــن فـدايـاك آمـر واعبّـر ماتبـي فــي قصـيـده زرني,تصفـح ركـن شعـري وحـيـاك تابـع مكاتيـبـي وأنــا المستفـيـده لازرتـنـي رش المـطـر زار ويــاك والقـاف غنّـى فـي حضـورك جديـده رفيـق عمـري وش حيـاتـي بلـيـاك ملكتـنـي والمـالـك الامــر بـيـده شف كم على الصفحه زهى الحرف طرياك شف كم ذكرتـك فـي مواقـف عديـده غنيـت فـي طيبـك وجملـة مـزايـاك وغنيـت لـك فـي كـل لحظـه سعيـده وغنيت لامـن غبـت واشتقـت لقيـاك والشـوق قـاتـل والمسـافـه بعـيـده وأن كان ضاعت فـي مكاتيبـي أريـاك؟ قلـلـي وألــوّن بالقـلـم ماتـريـده |
مانيب مسؤول عن ( القال و القيل ) لو إن يلزم بعض الأشيـاء / قـراءه كم واحدٍ قوله مايحتـاج ، تحليـل ! لا صار ينضح بـ/ النميمـه إنـاءه ذكي ! ولكنّـه ذكـاء ( المهابيـل ) من خيبته ، روّح ضحيـة ذكائـه ! و كم واحدٍ عادل و / ميزانه يْميل ! ميلة ( علو ) ماهيب ميلـة ، دنـاءه لا قال له قـولٍ مايحتـاج / تأويـل صادق ولو إنه كـذب فـ/ إدعائـه يا فكري إستنتج هدف كذبة إبريـل ولا ترد لْه الإسـاءه بـ/ إسـاءه ! مـ/ انته مُغفل عن جميـع التفاصيـل من الألف مكشوف لك لين يـاءه ! لا تشمت و خلّك من الحط و الشيل مـ/ أنته برئ ولا بـ/ حاجة ( براءه ) وما دام لك حسٍ يهـز / التماثيـل إكتب أدبك بـ/ كل صدق و جراءه |
يا نفسي أرضي بالمودّة لو سراب الحب غاب=آنا تعبت من الوعود الزايفة وأربابها
صحيح ما يملا فراغ العاطفة غير الصِّحاب=اللي مفتّحةٍ مع جور الزمان أبوابها لكنّ أنا قانع بمقدوري ومضمون الكتاب=والناس غيري قانعة باللي يضمّ كتابها |
اليا مشت تنتابك الحيره .. ويذْبحك الفضـول : كن بعضها ماهوب وياها وكنهـا تسحبـه !! لبّا غنجها .. والكلام الذرب .. والطرف الخجول اللي اليا سلهـم عرفـت ان المنيّـه بسببـه |
صوتي حزين و عيني ايضاً حزينه محتاج هـ( اللحظة ) لـ[ لحظة سكينه ]! في عزلتي .. زحمه و صجه ولجه اثر الصخب .. ماهو بـ[ زحمة مدينه ] الزحمه بـ( قلبي و عيني و بالي ) وكلاً على قلبه و باله و عينه لكن ! صخب ذاتي على ذاتي .. اهون الرجل .. ما تكسر يساره / يمينه من كثر ماني منسجم مع ضميري لو يخطي أي انسان والله ما ادينه الا ! أدين اللي غيابه .. يخوف تعبان ؟ ضايق ؟ نايم ؟ الحين وينه ؟ ما استحمل غيابه و لو ربع ساعه هذا الغياب اللي يسمى .. غبينه اللي حضوره لا حضر .. شيء ثاني كأنه يقدم لي .. فرح من يدينه لا شفت رقمه .. قمت أرّحب و اهلي يستعذب الجوال .. نغمة رنينه سفينه اشواقي .. تدور لـمرسى ومرسى السفينه ما له الا السفينه |
يمر .. العين واجد .. ما خذوا من ما خذيت اعجاب ! فديتك يا آخر احبابي .. فديتك يا أجمل احبابي فـ [ قلبك ] ..مستريح البال .. لا يزعل و لايرتاب ! هنا بـ إرادتي .. حطيت ما يصلح .. من اركابي على كفك زرعت احلام بيضاء ما حسبت حساب لو انك بكره تلوح ب ( كفك ) .. تحرق اعصابي اخاف ان جيت في بالك .. تسجلني مع الغيّاب و من خوفي لا تفقدني .. كسرت لـ جيتك بابي |
مستوطن الوحده و متغرّب إحساس ،
و الراحه .. آمالي و قمة طموحي ! واضح مع نفسي و واضح مع الناس ، و أحب من قلبي .. و أقدر جروحي ! |
المساله مهيب في القصر والطـول
ولاهي بخفض الصوت والا ضجيجه اهم شي النـاس تـدري وش نقـول وتطلع من الـي يسمعـون بنتيجـه |
:
أنا أرسلت روحي ، لتسكن جسدها ،، ، أبت الدخول لها ،، ، رغم ان كل مكان في جسدها به جرح مكشوف ،، ، يسهل معه اختراق جدار الحماية الذي يلف الناس ويحميها ،، ، ولكن الدخول الى المقابر أمراً لانحبه ،، ، فكيف بنا اذا كنا نراها قبراً متنقل ،، ، ارغمت روحي .. ولااعلم الى متى ستظل روحي ،، ، تنصاع الى طلباتي ،، ، لذا هنا ،، ، يوم سأكون انا من يكتب عنها ،، ، ويوماً أخر هي تكتب ،، ، بحسب درجة الحزن ومرارته ،، ، : . |
أكثر مشافيح الشعر عاشوا على بحث البيـوت مثل ما عاش النمل يكنز للشتاء قبـل الشتـاء سلم على اللي من على الساعد يشيلون البشوت من عاد واحدهم يشيل العز فـي سـن الفتـى |
يا ....
ياليتني قلب في صدرك وأدخل معك داخل ثيابك |
على حدود الصراحه ما لقيت الصريـح=على حدود الوفاء مال الوفاء من حضور
لسان وقتي حجر ولسان حالـي فصيـح=بين الحجر والفصاحه وش مصير الشعور ؟ ياللي تعلقت في رمشـي وودك تطيـح=هذي يدي ما ملاها الوقت كذب وغرور أنت اعتبرها على جيتك كـونٍ فسيـح=وانا اعتبر طيحتك ظلماء وجيتك نور ! |
| الساعة الآن +4: 01:57 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
