(ايدل عرب) رقص وطرب / والناس تذبح في حلب =والشر للعالم قرب / يالله عفوك يا كريم
ما طار طير ٍ وارتفع / الا كما طار وقع = قول ٍ لقيناه برقع / يشقى بها القلب الكليم
زبد البحر غطى البحر / واثر على كل البشر = شفنا عمر ما هو عمر / والجرح محتاج ٍ حكيم
كل ٍ يعيش بعالمه / ناس ٍ طموحه وحالمه =واللي يدور ظالمه / ما فيه قانون سليم
واللي يخلي واجبه / يشيل حمل بغاربه = من له جناح طار به / يهاب نيران الجحيم
ثيران في احدى القصص / اموزعين اربع حصص=والليث عينه للفرص / ما للغريم الا الغريم
استفرد بثور ٍ سمين / يقول لونه في البطين = مكشوف لعيون الفطين / يرميه فالعظم الصميم
وأقبل على الثاني بعد / ما عاش بايام السعد = واخلف مضامين الوعد / يا ثور ما ليثك غشيم
واقبل على الثالث عجل / والثور من ليثه وجل = والخوف مخلوط بخجل / امسيت في كف ٍ حشيم
والرابع ايصيح بخلاه / الليث ما منه نجاه = ما صنت عربون الحياه / ما فاد صوتك يا حليم
ربط الفرس مثل الحرس / واحد درس واحد غرس = وان كان جاء دق الجرس / لا تبكي القلب الفهيم
هذي تماثيل وعبر / كتبتها بدمي حبر = تبقى معي لين القبر / والله فعباده رحيم