خلّك مثل ماعرفتك ياحبيبي صبور "
" لايفرح الحزن بدموعك ولا تكتئب
الوقت مايهدي الآنسان باقة زهور "
" الا ومع باقته يهديه شوك التعـب

إياك تعشق في هذا الوقت ، إنسانه=ماتت غصون الهوى والعشق والغيره
إما تكون ( الوفي ) ، والبنت خوانه=وإلا إنك تكون قبل العرس تقزيره !

اشتقت لك وارسلت عيني تشوفك = علها تبرد خاطرٍ مابرى منك
رديتها ومعها بقايا طيوفك = ياليتها جابتك .. مب صورةٍ عنك

ياحي برقه لابـرق تالـي عصيـر=يبرق ورى متن السحايـب بنـوره
سودن من القبلـه تسـوق التباشيـر=اول ليـال الـوسـم اول بـكـوره
وصوت الرعد يدوي بصم المظاهير=حدره ربابن مكتسـي فـي نشـوره
هبت هبوبه فـي حقـوق الشخاتيـر=وريح المطر زاهي بنفحت عطـوره
وصوت المطر يسوى رنيين المزامير=اسمع وشيمه قبـل ياتـي حضـوره
والجو رايـع فـاق كـل اتصاويـر=في صورتـن مامثلهـا اي صـوره

كان يسأل عن اسباب إنعزالي =لا يتضايق ليا جته ( الملامه )
( كان ) غالي , ولا يزال غالي =له على كل ما فيّ ( إحترامه )
لو جوابه صدق وأقنع سؤالي =ماتردد قبل ينطق ( كلامه )
لا يحسب المحبه راس مالي =راس مالي من الدنيا الكرامه !

تكفى ! ما أبيك تطيح من عيني الحين ،=إن كانها : [ غلطتك ] ابـ ( أدفع ) ثمنها

إصبر ترى [ الفرقا / قريبه ] ، و بعدين :=تغيب عن ( عيني ) ولا تطيح منها ..!

يقولون مزيونه وعليها الحلا جذاب =ليت حظها للقريب يصونها
ليت ياخذها ولد عم ولا من اقراب=حرام تطلع لناسٍ مايثمنونها
..
بنت شيخٍ معتلي صم الهضاب =بصيته اللي لاطرآ يطرونها
قلت خلوني واسمعوا مني الجواب=غير ذا الدنيا كوتني طعونها
..
لا ولد عم ولا حبيبٍ ولا اقراب =ان ماكتبها خالق الكون ماياتونها
لو إن حظي ممسيٍ بين تلعات الرقاب =وكلٍ يسابقني على الدنيا وانا من دونها
..
عندي يقين و واثقه واعتلي متن السحاب =وآتقوا بخالقي ما دام انا في كونها
دنيا خلقنا بها لآجل العمل ليوم الحساب =يوم تطوى الصحف بما حوى مضمونها
..
مالي بذا الدنيا سوى اقرب من الناس القراب=اللي غلاها مايحده حد وانتم تعرفونها
امي جعلني آفدى مواطيها والتراب =ما همني لو اخسر العمر لعيونها

يا سيد الشوق لا تنشد عن أحوالي ،=تعرف علومي من اولها ليا آخرها !

أجر صوتي و اكرر وقفة اطلالي ،=و ماهو على كيف كيفي يوم أكررها

لوحت بـ يديني الثنتين لـ [ آمالي ]=طارت وانا ما عرفت اللي مطيرها !

اضيق من عالمي و أصك جوالي ،=و البسمه ازريت اجاملها و امررها !

جعل يسقى يوم آجيك بـ صدر ضايق ،=ولا نتوادع ، قبل لا يضحك حجاجي !
يوم كأنك من ورى ضلوعي توآيق ،=يوم تقرأ قبل لا أتكلم .. مزاجي .. !
كان وصلك ( يوم ) أقل من الدقايق ،=قبل لا تبعد و يهجرني ، سرآجي .. !

عشتك حكااايه في كتاااب الحكايات =اقراك واعبر بحرفي حكااايه

ابشر و سم و تم و امرك طوع ..=فـ اشفاي مكتوبه علشانـه

عشتك حكآيه في كتآب الحكايات =اقراك واعبر بحرفي حكااايه

شلتِك, وصنتِك عَن عيون الشامتين,=وفرَشت لك صدري زُهور..

وْ عَن عيني اليسرى حفَظْتِك باليمين,=واشعَلْت لِك شِعري بُخور

كل يوم احبك غير والبارحه غير,,=بديت احس ان الخلايق ولاشئ,,

بعدك آنآ بخير بس آشتقت لك وآجد=آلله يردّك لَقلب مَا يبي غيرك

سمر/ وبقايا/ جمر / ودلال/ ووجآر=يا هآجسي / لا تنزعج / لازهمتك
ما ادري وش اكتب من حشاء الصدر /محتار=يرجع شتات الفكر/لسباب صمتك
عتيم ليلك / لا انبلج كله اسرار=كنه /يتمتم لي /فهمتك /فهمتك
ليتك دريت انك سبب كل ما صار=وانك بقآيا حلمي / الي حلمتك
طبقت في حبك/ معي كل الادوار=وليا انسرق قلبي / تراي اتهمتك

أنـت ماغيـرك [ فتـن كلـي ] وفـاح



عطـرك المجنـون ` فيـني يـبـللـك