|
|
ابمسح كومة هْمومك و اقول ان الأمـل لا زال
يعيش في داخل عيـونِ ِ مـن الاحـزان تتألـم طلبتك انسي احزانك لجل نغفـوا براحـة بـال وبعد ما تغمضي عْيونك ابي قلبك معـي يحلـم واذا اصبحتي مع النسمه خذي من قهوتك فنجال اكيد انها بتصيـر احلـى لأن الحـزن متلعثـم حنان الحب في بنت ٍ ترى اقوى من قوى الرجال نعم و الحب في قلبك خـذا قلبـي و لـه سلّـم |
يسألني الوقت عن آخر ، مكــاتيبـي=وأجاوبه .. عن مكاتيبي ، وش آخرها منهو يحــاول يــدوّر عن .. عذاريبي=ما يسأل الناس ، وش سبّة تفاخرها ؟ سكوتي ما هو رضا ، لكنّ من طيبي= ولاْن عندي كلمه لأيامــي ، وذاخـرهــا ! |
من لهفة الاشواق بكتب سيـرة ايجـاز عن عشقي اللي مرتكب أثـم و كبايـر واوصف حلا حسنك وشاللي فيه يمتـاز لين الحروف تفزّ لك بأحلـى البشايـر واغزوا فضاءات الغزل والقلب قـزّاز وبيت الشعر بفتح لـه ابـواب وستايـر واصعد على سطح القمر واحقق انجـاز واكتب على وجهه .. زمن عاشق مغاير وألملم اصداف البحر واعمل لها افـراز واهدي لك احلاهم شكل يغري النظايـر واصنع مدينه مالهـا معـدن ومركـاز وابنى على الشاطي لك بْيوت وعمايـر الحب يدفعني علـى تحقيـق الاعجـاز وان ما قدرت اوصل ترى قصدي أساير حبيبتي جيتك وانا عنـدي لـك ألغـاز ألغاز ضلّـت تشتكـي عنـد الضمايـر وش حال بنتٍ مغرمه في شخص معتاز عاشت على وهم الهوى والقلـب بايـر حبيبهـا لـه قاعـده مـا بيـن بـرواز عشق الصبايا يمتثـل شـرب الزقايـر وش حال من شاف الحكم للخصْم منحاز يندب على جوز الزمـن والا العزايـر وش حال قلبك يوم سحر الحب يجتـاز كـل الحـدود المغلقـه بيـن العشايـر |
لاجزى الله حمامه فوق الابراج ناحت =اشغلتني ولا ادري وش بلاها تنوحي سامره ليلها في برجها مااستراحت =لوهي تندب لها حيٍ لزومٍ بيوحي ذكرتني ليال باول العمر راحت = قبل تظهر مغاتيرٍ بوجهي تلوحي آه يافرصتي ضيعتها يوم تاحت =احسبن الليالي الممتعه ماتروحي |
مالك عذر والجرح معـاد يعنيـك ياللي فتحت الك الخفوق ودعيتـك |
كل ماهب نسناس الهوى ذكرني= بواحد يجرني سلك المحبة صوبه واحدِ لا من طرالي في الغلا يجبرني=فيه يجبرني حلاه ونظرته واسلوبه من غلاه أموت وأحيا وبالمنام أسهرني= ما أقدر انسى صورته لو غاب عني نوبه ولو أقول الحب يسحر قلت له ساحرني= كان أحمل كامل الاوصاف كل اذنوبه والله اني من سواته فيني محيرني = ولو حصل لي سجةٍ عنه لقول التوبه |
شبه كامل واتصالك كملك=ياهلابك يابعد كل الاماكن |
الله اأجمل بسمعي لأنسكب صوتك
وانا من ايام فاقد حلو نظراتك لاتنحرج لا يضيع الوقت بسكوتك الحب يكبر وتصغر كل زلاتك ما قلت لك بالمفارق يبتدي موتك ما قلت لك لو تعاند تنتهي ذاتك بالهجر تضرب مسامير بتابوتك وبالوصل تجمع اكاليل وجناتك رديت تقدر تعمر كل بيروتك الجرح جرحك وكيفك في معاناتك فتحت قلبي تفضل واكشف كروتك يكفيني الحزن واللوعه وغيباتك سمعني الشعر واغاني عذبه بيوتك مشتاق للصوت والبحه وزفاتك |
بسألك يا نور عيني والعـذر موصـول من بعد ما غاب نورك تحسبينـي ايـش من بعيد اليا بعيـد استـدرج المؤمـول واخذ اخبارك عسى يستبعـد التطفيـش مااقتنع باللي رفضته وان غـدى مقبـول مااصدق من يقـول ان الحيـاه تطنيـش من يطنش جرحه اللي في الجسد مغلول! من يقول ان الزمن يعطي بلا بخشيـش بعض من جد انتهى فيما وجد من هـول ما حصد غير التعب ينبي على التهميـش في زمن صار الطموح اكبر من المعقول وينه اللي مكتفي بس بالخبـر والعيـش نحمد الله عالعباده و قسمـة المحصـول نسأله يغفر لنـا كـلّ الزلـل والطيـش اتركينا مـن سوالـف هرجهـا بيطـول دام تزيّـن الحقيقـه يقبـل التشـويـش من ليالي الهمّ جيتـك والامـل مقفـول اسمعيني ياالغلا من غيـر ويـن وليـش ليلة البـارح سألنـي خافـي المجهـول لو بكت مجنونتك كيف الحـزن بيعيـش وقتها زاد التسـاؤل والحشـا مذهـول وش حصل في قلبها لو صوّبه تخديـش |
جيتك وأنا كلي عتاب ومشاريه
ليتك تقدر جيتي يوم جيتك جيتك أرتل في قصيدي واغنيه رغم المفارق والجفا مانسيتك قصيدة الشاعر عيد غازي الرشيدي |
شفتك معه وقفيت عنكم وصديت
اخاف اموت من القهر لانسيتك |
رحــلت مدري وش أسباب فرقاكـ
الناس انا ولا أنت ولا الزمــاني .. رحلـت وما عـــلمتي وين أبلقاكـ رحـلت بعد ما أخـذت كل الحناني .. |
لغائبٌ .. حاضر ..
بالدهشه العذرا رضيت او ما رضيت مصادفه=جتني وغابت واختفت لحظة جنون عشتها ماشفتها!!! لا .. شفتها لكن .. بلمحة خاطفه=فز الخفوق وخابره لي فز يعني شفتها معذور طاوعها النسيم سحر وغموض وعاطفه=الله يقول لمن خلق في ذبحكم كلفتها خصر يكسر خاطرك .. مهرٌ كفر.. بة عاسفه=هيبه واعرفك ياقصيد تموت ما وصفتها مرت وانا من يومها صارت بعمري سالفه=ياليتني مافاد ليت.... يا ليتني وقفتها |
للبيع ..
يابنت أنا صعب أنفهم .. صعب أنكتب .. صعب أنقري=مخلوق من طينة أسى .. وهموم .. وشوية حنين ببيع أنا .. من يشتري .. من يشتري .. من يشتري=قلبٍ أرق من الندى .. وهموم .. وشوية حنين |
الجربعه .. ومطارد البنت ياهن = في سلمنا .. عيبٍ وذل وسفاهه والهايفه .. ومخالف القلب والظن = ماناوشت .. قلبٍ طمح للوجاهه .. . ``ذيباني بحت.. |
يذكرني القمر ظلك عجب ياللي ظلالك نور=وانا اللي ماعرفت الليل لولا عتمة أهدابك حبستك في السما شمس وعلى وجه السحاب طيور=ونخيل باسق يشرب رضاك ويعطش عتابك وجلست اناظرك ما رف لي جفن تقل مسحور=أقول ان الجمال انتي وكل العشق باسبابك هقيت اني ملكتك مادريت ان الأماني غرور=وانك في يدي لين انتحابي الوقت واقفا بك سقا الله يوم كان اكبر همومك خاطري المكسور=وكنت الضي في عينك وكنت السقم في ثيابك سقا الله يوم كنتي الارض أنهار وشجر وقصور=ديار نورها من طاقتك .. وأحلامها بابك عيوني ياشقى عيوني من الجدب الموات البور=أراضي مابها الا ماذوى وانهد في غيابك أحبك كان لي قلب يجض من الجفا مقهور=وصار اليوم يفرح لو لقى به عذر يشقى بك |
ذيباااااااااااااااااااان منورنااااااااااااااااااااااا ياهلا وغلا ومرحبا اقراء هذي مجارات هذي القصيده
ما اظن في صبـري علـى الانـذال فايـده ومع هالحثاله المقرفه مـا للصبـر مفتـاح عزيت نفسـي عـن فعـل هفـوات كايـده وايقنت بأن الطيب لابد فـي الشـدد ينـزاح فـي ساحـة التجّـار كـلٍّ مـع طرايـده ولولا شمول النصب ماطال المبيـع اربـاح لأن النزاهـه فـي العـدل تبقـى محايـده والحق في صوت الضمير ان ما ظلم يرتاح واللي يظـن انـه فكـر مسـراي صايـده مهما سرى حول الفكر يرجع مثل مـا راح قد قيل عن بـو طبيـع مـا يبـدل عوايـده حتى ولو طبعه بشـع هـذا الطبـع منبـاح ترى الـردي يبقـى علـى فعلـة سوايـده لو تغرق الدنيا مطر تبقـى غيومـه شْحـاح ياهـو بخيـل ٍ بالعطـا و الـشـر قـايـده ما ينفع اللي يطلبـه وقـت العلـل وان لاح وان قارنـوا لـه بيـن شـئٍ فيـه فايـده فلس ٍ حمر ندا ً لأخوه اعطى الحمر مصلاح ارفض سؤال الوقت عـن حاجـات بايـده وليه التجي للي نوى يفرض علـي الحـاح وان كـان للحاجـه سـؤال ٍ كنـت رايـده بسأل عمود الفاس وش سوّى بيـد الفـلاح نلقـى بعلاقـات التعـارف نـاس زايــده دام المصالح تتفق معنـى الصداقـه طـاح |
تولعت و ما أدري عن الحب به كدر=أحسب الغضي يداري الهوى مثل ما أداري أمر كل يومٍ حول بيت الغضي أمر=عساني أشوفه ساعةٍ و أسأل اشـ جاري عليلٍ على فرقاه و من ضيقة الصدر=تراني أهيم الليل و مشرد أفكاري |
مدري .. جحود الوقت والإ شرابيك= والإ ليـالٍ .. روحتبـي وشآحـت ’ وإلا همومٍ .. وردتني علـى ذيـك= وإلا وروداً .. جاذبتنـي وفاحـت ’ أمشي وأسولف .. بين ذولا وذوليك= وأضحك وأنا .. كلي جروحٍ تناحت ’ وأذكر لقانا .. وألتفتلك وأناديـك = وأراجع أوقاتٍ .. لنا معك رآحـت ’ وأشتاقلك شوقٍ .. يغربل معاليـك = شوقٍ .. له الورقا من الضيق ناحت ’ .. . ``ذيباني بحت.. |
تمشـي تمخطـر .. بيـن ذولا وذولـيـك= مــاكـــن مـثــلــك .. عــايـــشٍ بـالـمـجــره ترجي ربيع الوقـت .. والقيـظ حاديـك= وتنسـى الرفـيـق .. الـلـي هــواك وتـحـره واليا استضاقت .. واستدارت لياليك= جـيـتـه تـســوق الـشــوق .. مــــره ومــــره النور نورك يابو شنب يسعدلي الله أوقاتك بخيره والسعد والفرح والمسره ياولد عمي .. ويالحمي ودمي .. . ``ذيباني بحت.. |
_على ذكر المواجع والسفر والحل والترحال
طويت آخر ورق عندي باقي في دفتر أحزاني" طويته وأنكسر قلبي وصوتي بالمواجع سال ودريت إن الظلام اللي تحت كف السهر جاني" جلست أجمع مسافاتي وأغني للسفر موال على صفحه من الماضي بها حلمي وعنواني" بها كم سافرت عيني ليالي والظلام أهوال وبها كم سافرت روحي وأنا بالليل وحداني" حبيبي ليلة البارح مشيت من الغرام أميال وراك وفلت الذكرى شعرها لين غطاني" حبيبي كل ما أشوفك تجي بالذاكره تختال نهر من فايض الذكرى يجي من داخل أشجاني" تخيل يوم عانقني خيالك خاطري وش قال تخيل قبل أسولف لك نشدني _عنك وجداني" نشدني لين خلاني مدينه هزها زلزال تخيل ماهدى حتى لقاك بوسط شرياني" أروح لسدرة الموعد معاي لموعدك مرسال وأخاف إنك تجي قبلي وترحل قبل تلقاني" هنا كانت ليالينا غلا والمقبلات آمال وهنا كانت مواعيدك مطر تخضر به أغصاني" هنا كانت نواظرنا سوالف في كلام أطفال وهنا كانت عصافيرك على دربي تحراني" هنا شف باقي آثارك على رمل الوعد مازال وهنا شف دمعة طاحت من عيونك على شاني" حبيبي لا تنشدني عن أوضاعي وكيف الحال أنا بعدك سحاب أبيض أضم الريح بأحضاني" غلاك بدلة الذكرى بهار وهاجسي فنجال تقهواه الجروج اللي بها ذكراك تنصاني" تسافر بي وأحسب إني وصلت آخر وطن بالبال وأثرني ماوصلت إلا بداية درب حرماني" وتبقى سيرة الذكرى قصيده تكتب الترحال سوالف للعيون اللي صداها دمعة أحزاني" نزف/ عادل آلذيابي |
نـٍآدتنٍيّ الـٍذكـٍرى ـٍآ’ . . . . . . . . . . . . . .لأنفـٍآسك. . ! وْ حنيّت. . . . لأحـٍلآمـٍي العـٍذرآ’ ؛ . . . . . . . . . . . . . . . . .للـٍي بقـٍىْ مآ’ ضـٍآع’ مـٍن طهًرك الأجمًل! يـآ’ عـٍذريّ الأبـكـٍم . . . . . . . . . . .مـٍن يفهًمك مثٍليّ؟ دآم الحـٍديثّ عيـًونّ. .! . . . . . . . . . . . . . .وْ اللـٍي سًمع’ أعمـٍى |
طال السكوت.. وظاق صدر السواليف
والبال.. من كثر الهواجيس عايف.! والليل طااال.. وطارق الصبح ماشيف.!! وانا..وصمت الحزن..صرنا ولايف. اسج..مع هجس الطواريق..واعيف هجسي..وطاروق الضلوع النحايف.! تجوع.. سلمى.! واترك..الكم.. والكيف! واقسم..رغيفي بيننا بالنصـايف.؟ اقرأ..وتكتبني..قضيه, وتعريف وتظما. وتشربني ..نجيب, وذرايف!! صمت الشعور.. احساس.. ماله تواصيف أكبر من حروف الحكي, والوصايف..؟؟ ياسيف كيف اشرح لك الوضع ياسيف؟؟ اقلامنا جفت ورفعت صحايف.!! كيف ابتدي يامسندي..وانتهي كيف؟؟ من دون كيف؟ انا مثل مانت شايف.،! شفني بقايا انسان والوقت كالسيف.! وحظي كفيف..! وفرحتي.؟ حلم زايف! همي بحر..وضلوع صدري..مجاديف والعمر مركب..بين الأمواج طايف.! وقلبي وطن..وعروق قلبي تجاووويف للحزن.. وهمومي.! شعووب وطوائف..! صوعات بقعا ..والقدر ..والصواديف ورتني اهوال السنين العجايف. أتبع.."خريف العمر" في رحلة الصيف..! وازحف ..على حد السيوف الرهايف.. الليل ..مفتاح السهر والتكاليف. والصبح ..مفتاح القهر والحسايف. والصبر.. مفتاح الضلوع المناحيف.! والحزن ..مفتاح الجروح الرعايف!! والمصلحه ..مفتاح باب المواقيف . والواسطه ..مفتاح باب الوظايف ..!! والفقر..يفتح للوجيه المصاليف. باب الصلافه و الضعايف ضعايف لاصار لك حاجه ولالك معاريف بشت القناعه........,.......,....! ان قلت لك خايف! ترى ماني ضعيف ولاني شجاع !!ان قلت ماني بخايف؟ ياسيف وش عذر المعازيب للضيف؟ لامنها ضاقت صدور المضايف.! قل للسوافي لوتهب العواصيف عنها رقينا عاليات النوايف.. تسفي وحنا فوق روس المشاريف في راس نايف.. والخلايف ..خلايف وقل للضعوف اللي تحسب المصاريف حنا ترانا ماحسبنا الكلايف. لوشحت ..يدين الزمان.. المناكيف نبقى على ..عهد الوفا.. مانزايف وان طال.. بال الليل.. قل لـلسواليف بوح السهر من ظيقه الصدر عايف..! |
انا على نوي ونوي على كيف
جوي..وجووي حزن ماهو ثقافه!! من ليلة البارح..! وانا احذف،واضيف..! وطالت وانا مابين حذف، وإضافه؟ ولاصار وصفك فوق كل التواصيف اقبل عذر حرفي ووزنه وقافه!! للناي في جوفي من الحزن تجويف وتعزفني رياح الخريف وجفافه..! أقراء نحيب وتلتفت لي غطاريف! واكتب وفاة الحلم لية زفافه! عليّ من جرب الليالي تواسيف وعليّ من صوعات بقعا مخافه الوذ بوجيه الدروب المصاليف واجيب من فوق، الصلافه.. صلافه واسري على ومض البروق المكاشيف واصبح.. واضيع بارقي وانكشافه واسهر ..واتوب ،من السهر..ذنب! واعيف! ذنبي!..واعزز توبتي ..باقترافه!! مرات.. اقول اقدار حظ وحواذيف ومراات.. اقول اني سبب كل آفه!! ومرااات.. تمسك صح.. واقول تخفيف ذنوب.. ومن الله رحمه ورافه ومراااات.. اعرفها على كل تعريف وتمسك غلط..! واقلب على عذر تافه وارجع.. واخربها.. من الكم..للكيف والهم، الزّه بين سينه.،. وكافه وافلها فلّت قليل التحاسيف واسلك طريق المنحرف وانحرافه! واسج مع فكري ودربي تصاريف مابين صدفات الزمن وإلـتفافه.! |
ساقـت مشاويـر الشقـاء .. واردف اللـيـل
وسـريـت .. ودروب السـهـر سرمـديـه ازريـت اسـوق الهـم .. واحـط .. واشيـل وتعـبـت اكـابـر... والمـواجـع نـديــه الحيـل مـل مـن التعـب .. مابقـى حـيـل والجـفـن.. مـالـه بالسـهـر مـقـدريـه الـــبـــهــــذلــــه .. والـــمـــهـــزلــــه .. والـــغـــرابــــيــــل ابطـال ... وسنيـن العـمـر .. مسرحـيـه والـــــــهــــــــم.. والــــحــــرمــــان .. والــــــحـــــــزن .. والــــــــويــــــــل ضيـوف .. وجـروح الـوفـاء .. شاذلـيـه والــــصــــمـــــت .. والــــهــــوجــــاس .. بــــــوح الـتـعـالــيــل والخـوف مـسـرى.. والليـالـي مطـيـه يالله عـسـى درب الـسـنـع بالمقـابـيـل والاالليـالي الـلـي مـضـت جرهـديـه حـر(ن) كفـخ .. واستأسـرتـه المحابـيـل وعقـب السمـاء الرحبـه هـوى للوطـيـه حــر(ن) غدرفـيـه الـزمـن والمداخـيـل مـقـرود وكـفـوف العـطـايـا رديـــه غلطـة عمـر منـهـا جنـيـت البهـاذيـل ذنــوب غـيـري حـطـهـا الله عـلـيـه غلطـة .. ودحدرهـا الـقـدر بالمحاصـيـل ورضيـت بالمقسـوم غـصـب(ن) علـيـه تناقلتـهـا شـلـة الـقــال .. والـقـيـل وحطـوا عليهـا ليـن صـارت .. قضيـه !! وقـامـت تناهشـنـي رخــوم الرجاجـيـل اهــل المـلامـه .. والعـلـوم الـرديــه الـلـي تجـيـك اخبـارهـم بالتفـاصـيـل ويحرفـون الهـرج عــن ســوء نـيـه بالله قـل لـي ياسـود الـوجـه ... يالـيـل وضـح النوايـا .. كيـف صـارت خطيـه؟؟ قل لي .. مـن اللـي ضلـل الحـق تضليـل ومـن علـم الوافـي يـخـون بخـويـه ؟؟ ومـن بـروز الاوهـام .. خدعـه وتمثـيـل ومـن طلسـم الواقـع ؟ وخـان الوصيـه ؟ مـن قـال لـي.. دربـك مهود..وتساهـيـل ومـن علـم الضحكـات تمشـي علـيـه !!؟ مـن كفـن دمـوع الـوفـاء بالمنـاديـل ؟ ومـن هـو جـزاء الحسنـه بمليـون سيـه اللـي قـتـل حـلـم الضـلـوع المناحـيـل وقـال انقتـل فيـك الـعـوض والبقـيـه !! جـاوب سؤالـي يـاسـود الـوجـه يالـيـل وضـح النوايـا .. كيـف صـارت خطيـه !؟ |
بـيـنـي و بـيـن الـنـفــس نـيّــه عـلــى مـوعــد لـقــا
و زيّـنـت قـاف الـمـسـألـه وانـتـعـش ضـيـق الـطـواريــق بـديـت فـي حـسـاب الـعـمــر كــم بــه افــراح و شـقــا لـقـيـت بـأنـي مـتـهـم و الـخـطـا يـحـتــاج تـحـقـيــق بـعــض الامــور تـخـيــب آمــال هـقــوة مــن هــقــا مـن يـوم تـشـويـش الـحـقـايـق طـمـس صـدق الـمـواثـيـق عـنــدي قـنـاعــه و اعـتـبـرهــا طـريـقــي لـلــوقــا الـحــظ صـنّــاع الـفــرص لـكــن الـدنـيــا تـوافـيــق وانـا خـذيـت مْــن الـفــرص حـاجـتــي وقــت الـنـقــا والـحـمـد لـلـه جـت كـمـا يـنـبـغـي مـن غـيـر تـلـفـيـق الـنــاس مـلـيـانــه حـســد و الـضــرر مــن الاصـدقــا لا خـيـر فـي مـن يـخـذل ظْـنـون ربـعـه حــزة الـضـيــق مـاحــدٍ عـلــى الارزاق حـــدد نـصـيــبــه و انـتــقــا الـرزق بـيـديـن الـولـي و الـسـعــي هـمــه و تـشـويــق الـمــال حـاجــه لـلـتــرف و الـغـنــي فـيــه ارتــقــا مـا ضـاعـت فـلـوس ٍ حـلال اجُـمـعـت مـن نـشـفـة الـريـق مـن شــدّ بـالـنـفــس الـتـحــدي الــى الـعـلـيــا رقــا ولا انـدثـر جـهـد ابـذلـه لـجــل يـوصــل لـلـشـواعـيــق الــزرع يـشـفــع لــه يـبــاس الــورق لــو مــا سـقــا و الـعـيـب لـو طـال الـرجـاجـيـل مـا ضـرّ الـشـواهـيــق الـخـيـر فــي بـعــض الـخـسـايــر اشــوف انــه وقــا يـامـا اسـتـفـدت مـن الـخـسـايـر ولا هـزّ الـصـدر ضـيـق وان كــان بـاقــي لــي نـصـيــبٍ بـــدوّر مـــا بــقــا مـن فـرصـةٍ تـروي ضـمـا اوراقـي و ضـيــق الـطـواريــق |
تَحتْ ظِلْ أيْ شيْ خبيني معاك != لا أغادر هـَ المكان بكل سكـووت... ! .. غَربتي ويـآآك تَمنحني .. عَطاكْ != بس بدونك ! ..غربتي يعني أمووت .. |
اما تجي كلـك معـي والا تـرى تقـدر تـروح
ما اقدر اقـاوم لهفتـي بقيـود تفرضهـا علـي مره تجينـي مندفـع بالحـب واشواقـك تفـوح و مره تصد عن درب قلبـي واتجاهـل منزلـي خابرك تشتاق لدفاي و راعي الشـوق مْفضـوح قلي بعـد ذيـك الليالـي ويـن قلبـك الألوّلـي الحب ماهـو بالمـزاج يْهيـج و يبـل الجـروح متناقض و وصلك صعب و الشوق يغليني غلـي خلك معي واضح اذا انك جدّ تحتـاج الوضـوح بقول لـك شـيٍ يفيـدك وانـت دوّن مـا يلـي ان كنت محتار بْقرار اعرف ترى الراي النصوح عاند هواك و ينفـرج حـل الصـواب الامثلـي ولو بالسما برق و رعد والغيم بأمطـاره شحـوح جايز سحابة صيف مـرّت كـم يـوم و تنجلـي وان عاش غيرك بالأمل لا تحرمه حلم الطمـوح خلّـه يعيـش بْلذتـه مـا دام بـه بـال ٍ خلـي |
آسمع صدى صوتك مع ضجة الناس=والحس يسري للضماير حسوسي انسى معاك العزم والفكر والياس=وحبك بقلبي للضمير مغروسي واهيم في بحرٍ بالآمواج غطآس=وآسج وآنسى عن ربوعي جلوسي |
عقول يامال الغبى وعيون يامال العمى=وأزوال يامال المرض وأموال يامال السبي الله ياحلم نلوكه كثر مالعايل زمى=ما قوم الدوله وخلى الحلم يولد ويحبي إلا (دلال المغربي) يوم أرخصت غصن نمى=ياأهل العزاوي مادريتوا من دلال المغربي؟ هذي شجرة ثابته وفروعها وسط السما=قال قبل توديعنا : ياأرضي من الروح أشربي يالله مادام أهلنا فوق طاولت أزعما=أنك تقدينا السراط المستقيم اللي نبي وإن كان طالت والعصافير أسرف بها اللي رما=يالله بجيل كله يشابه (دلال المغربي) |
ياليت تحكي لي شعورك بالـذي حـاز
يوم امتلكتـي خافقـي والحـب ثايـر لمّا ارتقص غصن الشجر للريح هـزّاز وطبع الشجر يطرب على تغريد طايـر كأن الشجر والطير صاروا حسبة اجواز من يفترق يجني علـى نفسـه خسايـر |
اول تـرى مالـك مــع الـنـاس داعــي
ومن بعد حبي صرت للناس مشهـور طالـت علـيـه وانــت بالـصـد سـاعـي ملـزوم اوضـح كــل مـاكـان مسـتـور تـوي عرفـت انـك تـحـاول ضيـاعـي وصديت عني لاجل انا اعيش مقهور مالي على بعض الظروف استطاعـي مـدام قلبـك قـاسـي(ن) مـابـه شـعـور انـا خسـرت اللـي مـضـى باندفـاعـي دايم اضمد(جـرح الاحـزان) ويثـور جاملـت غـدرك لكـن الحلـم ضـاعـي مجبور اصحح غلطتي معـك مجبـور كيـف انتظـر عطفـك؟؟ وهـذا وداعـي وشمس الحقيقـه كلهـا زور فـي زور لاتنـتـظـر بـعــد الـفــراق اجتـمـاعـي وحب(ن) حظنته داخل الصدر مقبور تـشـرب بـعـد فـرقـاي ســم الافـاعـي هـذا جـزا اللـي عـاش دنيـاه مغـرور الشـعـر ذكــرى والمـواجـع مـتـاعـي والياتركت الشعر لاتقول : (ماجـور) اقولـهـا مـالـك مـــع الـنــاس داعـــي مـدام (خلـي ) صـار للنـاس مشهـور |
ملامح خوف تجتاح الشفق والشمس وقت غروب
وانا اسوق الـدروب العـوج لاوجهـه ولايمـه مواجع ثار عجـت بالضلـوع ولالقيـت دروب توديني علـى حلـم قتيـل وجيـت ابـي دمـه تولـم للرحيـل ومابقـى للراحليـن ذهــوب ياقلب(ن)ٍ كل ماقلت الفـراق يزيـد بـه همـه تولم يلعن اسلااف القتيل وحسـرت المغصـوب ورجل (ن) عاش خوفه وسط قلبه ( ينهدر دمه ) ترى للموت في عمر البنآدم وقتـه المحسـوب وترى ماتقصر اسباب المنايـا عمـر ماتمـه ! انا نوب اتسلى بالقصيد اليـا استضقـت ونـوب يضيق الصدر والعـن حظـي المقـرود وأذمـه انـا ماقلـت للعثـرات درب وللنـجـاة دروب انا اللي قلت للعليـا رجـال(ن) تعشـق الهمـه ومدام ان الرجال اللي على وجهي ضعاف قلوب اباصل لعنبو حلم(ن) قصر عـن عالـي القمـه وفيت وكان معدوم الوفاء يحسب وفاي عيـوب اجل وش عاد باقـي للغـدر دام الوفـاء ذمـه تولم لليـال السرمديـة(( والوفـي منكـوب )) ورجلٍ عاش خوفه وسط قلبه عاش مثل امه. |
السما بوابة الليل الحزينه ..والمدى شاعر خيالي
والنوافذ وسط روح الصمت ترنيمة بكاوأحساس رده والزوايا نفس تقطيبة حواجب غالي بصوت أنفعالي والتعب/امي..وصوت البحر والفندق وغربة روح جده كانت اضواء الكلام الخافت المفعم تراود حزن بالي والنثيث الغافي بشاطــيّها الاصفر يهيجن ... لاموّده كنت فيهاالاغرب /العالم وأشيل بشفتي طاغي سؤالي ليه يزفر هالبحر حزنه على الشاطي ويرجع يسترده؟ |
ياحمام الورق لآتنادي=خل هذا الشوق لي خله .. لآ آهتنيت بصافي اودادي=قمت اردد شعري واشله .. يوم صرت تحب البعادي=بس انا يازين لي الله .. ما احب الحب لي عادي=ابغي اللي يشعر بخله .. روف بي ياسيد الآسيادي=لآتعذب قلب متوله .. بك وليع وعايف رقادي=والفكر لي طيفك احتله .. يا حمام بصوته ينادي =لا تزيد جروح متولّه .. هاضني منظومك الشادي=وزادني فوق العنا علّه .. وش علامك تعلن احدادي =وانت ريشك تقدر تفلّه .. تعتلي في روس لاشهادي=ودرب خلك لازم تدلّه .. تلتقيه ف جو البلادي=ومستحيل الغير يوصل لّه .. ما سمعتوا قول حسادي=ولا بدت رمسات او زلّه .. والا انا قفت بي اعيادي =ضاع حلمي والامل كلّه |
بيتين.. لي ..!
إلي على صاحبي مشروه=وعتاب ثم عتاب ثم عتاب أتوه ياصاحبي ماأتوه=هذا هو معاتب الأصحاب |
لـنا على الماضي مـشاريــه وأعــتاب ..
حــزين لكن نــ عشقه رغــم ذالكـ ! |
سنبليني للعِجاف
لحظة اللحظة يكون الموت ماثل بين صدر الرغبة / الدفو وتقاسيم ( النْحاف ) سنبليني يمكن أحتاج أرتوي فيك وأخاف بردْ يصلبني على المطلاع وأفتح في ثيابي كل أزارير السما الزرقا وأتشكّل ضِفاف سنبليني دون أرض ودون ماي ودون ضوّ أعرف إني ( حي بالتقطير ) في هذا الجفاف آآخ لوّك تعرفين صرت أمقت كل حرف يقول شفني في قصيده صرت أضحك دون ما اشعر كل مامريت بيت وصدر عجزه كان يتوسل أزيده إغرسيني بك لآخر ما أكونك طلة العالم : عيونك جنونك مجون الطهر بك أو طهر لونك وأستريح .. |
جوع قلبي لو تشكّى ما أكـل غيـر العـذاب
بذر حلمي مات ضامي و الهوايـل تزرعـه الشكاوي عند ظالـم مالهـا صـوتٍ يجـاب والتجارب ما تفيدك ان خلـت مـن زوبعـه و المبادئ لو تهاوت مـا بقـى للعـز بـاب و المصايب ان تخاوت قـد تجـي متجمعـه من لمس شمس المعزه موطنه فوق السحـاب و من غلب شهوات نفسه ف / الشهامه تصنعه ليت كل عاشق تمنى ما انجرح قلبه و خـاب وليت كـل مفقـود يقـدر فاقـده يسترجعـه من رحلتي عن دياري في ذهاب ابـلا ايـاب افتقد عمري وجوده و احتـرق حلمـي معـه شاب في زهرة ربيعه مات في عمر الشبـاب يوم غبتي عن عيوني ذاق عمـري مصرعـه وش تقولي في حبيبٍ يرتجي حظـن التـراب ما قدر يقضي حياته في عمر ما انتـي معـه شاهدٍ مالـه هويـه يشهـد اوجـاع الغيـاب كان يشهد ضد حضـوري و الدلايـل مقنعـه غبت كلّي يوم غبتي و اللقـا ليـل اغتـراب وانكسر وجـه الحقيقـه و استـزال الأقنعـه اتركيني وسـط نـاري أحتـرق بيـن اللهاب واذكرينـي قلـب سافـر دون ياخـذ أمتعـه ولو طرى لك مع هيامك حرف يتوسد كتـاب امسحي ألحـان فكـره لأن مـا بـه منفعـه واحذري طيش الهوى لو مدمعه شد الركـاب وان سهرتي .. لا تنامي بين دمعـه موجعـه وان تظني تاج عشقي لبسـك أحلـى الثيـاب ما نصفتي من تمنـى قصـر عـزك يرفعـه لك طريقك / لي طريقي / واللقا كله صعـاب دام غيري نال قربـك .. ليـه دربـك أتبعـه هالمواجع لك هدايا و لا ابـي منـك جـواب وان بغيتي تذبحينـي ارسلـي لـي زوبعـه عاشق ٍ محكوك قلبه كيـف يقـوى هالعتـاب وش يفيده ان مسحتـي مـن عيونـه مدمعـه |
خساره إني جيت بالـطيب سآعي ~~ ومديت طيب لعالم(ن) ما رضوبه
|
| الساعة الآن +4: 07:44 AM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
