فزي مثل صفرا عسيف محلاه=وأرخي على متن السحايب جدايلك

ليتني قبل أجازف وأعشقك مستخير=كان نبقى على طول الزمان أصدقا .
وليت أنا وأنت نتشارك بنفس المصير=لكن الوقت قاسي والظروف محقى .
شوفتك كنت أبيها بس جت فالأخير=كاتب الله يجي يوم الموادع لقا .
ألتقينا وكان الدمع سرً خطير=ودّه يشاع لكن بالعيون اتقى .
بعدها غبت لكن شف غلاك الكثير=كلما طحت من عيني خذاك ورقا .

وإستلهمي مجدك من اقصاه لـ .. أقصاه=لين القلوب اللي تخِيلك تَخَيلك

طلبتك كان لي في داخلك بعض الغلا أجفيني=ترى حر الجفا اهون كثير من الوهم لو دام

حزين من الشتا وإلا حزين من الظمـا ياطيـر=دخيل الريشتين اللي تضفك حل عن عينـي
دخيل الما وملح الما وحزن الما قبل ماتطيـر=تـهــيـا للهبوب اللـي تصافـق فـي شرايينـي
دخيل الغصن والظل والهزيل وهفهفات إعصير=دخيلك لاتشح بنجمتـي و الليـل ممسينـي
تـرفـرف يـا فقير الريش ضيقه و النهار قـصـيــر= علامك كل ما ليّل جناحـك جيـت ســاريـنـي
أنا ماني بخير وجيت يمي وانت مانت بـخـيـر=وأنا ياطير فيّ مـن الــهـجـاد اللـي مكـفينـي
ترى لو شفت لي ظل ومهابه في عيون الغير=ترى كل الزهاب اللي معي جرحي وسكينـي

ولع رماد الشوق يامعذبي نار
من كان يحلم باشتعال الرمادي

اهدااااء للامير بن برااااك ^_^

لمحتك وأمطرت غيمه وطار من الوله عصفور=ذكرتك بس مايعني نسيت بيوم (دمعاتــك) !!

رحلت وتاركٍ بأرضك حنين وذكريات شهور=غريب وشايل هموم ٍ صداها صوت ~ ونّاتــك!

الشوق خيل وطاري الشوق خــــــــيّال=خيل المحبــة للمحـبـين تــجــــــــــــري
شوق الغلا جــــــــــامح وللـــخل مــيال=لاهب نــســنــــــــــاس المحبين عذري
وارسل معـــاه الشوق والشوق مرسال=ويجيب لي طاري هـــوى الــروح بــدري

يٌقولون العرب صدر الشمالي مايضيق بـ ساع

تجاهلت الوداع .. وقلت لك : يا صاحبي وش جاك ؟!
ترش الماء على رمضى الطريق .. وصاحبك ضامـي !!

إلى انطلق ما كنه ألا يبي ثــآر= يسوق في شوف الخصيم التـبـآشـيـر

يــا مـرحـبـا وأهلين وأعز ترحاب=اعـداد ما لاحت بروق المخايل
واعداد من للنار يشعم وشباب=و اعداد منـهو ينتسب للقبايل
حييت ياللي وتّد البيت بأطناب=ولاهي غريـبه من رجال دلايل

من يقول إني بنسيانك نويت
ون تناسيتك يذكرني التعب
مستحيل أنساك لوحتى قويت
ون قويت أنساك نسيانك صعب

هواجس لآ جـيـت آبي النوم جتني=تــرودنــي مــن كـــل فـــج ومــنـــهاج
لآ قـلت خـلـيـنـي لـ نومـي عصتني=وحطت حنايا الصدر مدهل ومسهاج
وهــاجـت عليــّه عـبــرة جــاذبـتـني=ونـار بـ قلبي كـن الأقشر على صاج
من يـوم شفت أسناعكم خالفتني=وطـاوعـت بـيّ دكـات حـاسد وهراج
وسفحت دم القلب مـن فوق متني=بـ سيف الجفا ياحاجز القلب بسياج
أقـسمت بالله مـن جـفـاكم جفتني=سـعـآدة الـدنـيـا وبـسـمـات الافــراج
أقسم بـ من حط لك مع الناس فتني=يـمتك مهما حصل منك مانعاج
إن ردك الله و الــلــيــآلـي عـطـتـني=عـلـى هـواي ارتــاح قـلب به اخلاج
و إن دام صــدك ذكـريـاتـي كـفـتني=أعـيـش مـعـهـا دآم لـ البيت حجـاج

تدري اِنت لا منْ ضحكت{ وش يِصيِر} .. !

الحل يا اللي في لحدهـا مسجـاه=قريبـة بعيـدة حولـهـا حــال
بعيـدة عنـا صباحـه وممـسـاه=قريبة منـا علـى كـل الأحـوال
ياليت من وايـق عليهـا بمثـواه=لعـل قبـره للمراهيـش مدهـال
خبري بها تضحك وهي عارفـه داه=ما شفت منها في مرضها تملمـال
تضحك تبي تسلى وهي داه بـرداه=تدري عن العله ولا تشكي الحـال
عساك من ربي تفوزيـن برضـاه=في جنة الفردوس يا حـي منـزال
ونا معك يـا قـرة العيـن ومنـاه=انا معك باسـم المثانـي والأنفـال
عقبك نضير العين لونه نثـر مـاه=من كثر نوحي والبكـا والتولـوال
عقبك عميت وكل دكتـور انصـاه=من كثر ماابكي لو يرد البكا غـال
بكيت حـول كامـل طـول فرقـاه=بكيـت واببكـي ولا نيـب مـلال
أيوب شاف الضر من حـر بلـواه=وأنا من البلوى تجرعـت الأهـوال
ما لوم حي جـاوب الذيـب بعـواه=واللي فقد غاليه يعول لـه اعـوال
غيري بكى وابكي وبيـح خفايـاه=الورق والسرحان ونسوان ورجـال
ناق تحن وكن فـي جوفـه رحـاه=من وجدها الناهي على نوق وجمال
تحـن للـذود الولايـف ومرعـاه=ونا على روحي حنينـي والاعـوال
تاجد كما وجدي ونا وجدي اكمـاه=أخاف من هرج العـواذل والانـذال
ثم الذي يصبر على حكـم مـولاه=يفوز من ربـه بتوفيـق واجـلال
وأنا سمعت وطعـت واستغفـر الله=وارجي ثوابه يوم توزيع الأعمـال
لكن نــجــــلا واسمها ما اقـدر أنسـاه=وجه المحبه والرضا وجه الاقبـال
مع الحضر والا مع البـدو مربـاه=يفـز قلبـي للاسـامـي والأزوال
أحب نـــجـــلا و اسمها كل مـا أقـراه=وأحب طاريها ولو قال مـن قـال
اسم يفوح بغالـي الطيـب معنـاه=يصيبنـي لا قيـل نجـلا تحـروال
لو أجحد العبرة فضح عينـي بكـاه=دمعي على الخدين دايم له اهمـال
دمعي مع العبـره مـع الأوه والآه=لو جت على عالي شمنصير ينهال
يعقوب من قبلي ترى حزنه اعمـاه=وانا عميت وجاري الدمع مـا زال
دمع ذرف من ثومة القلب ما اقواه=إلى انفجر دمع المعاليـق غربـال
وش لون أرده والمحاجيـر تنحـاه=إلى امتلت فاضت على كل مكيـال
واحزني اللي طاول القلـب يشعـاه=يشعاه مثل الطيـر بيديـن جهـال
الدار عقبك يا بهـا الـدار عفنـاه=ينعاف منـزال رحـل عنـه نـزال

لـ الشاعر / عبدالله بن عبد الرحمن العرفج ..

يادخيل الله إرجع لي أنتهيت=لا تخليني أموت بحسرتي