اقتباس من مشاركة دنياك أنا (المشاركة 1871960) تعال رتب ... ( فوضويه حنيني) عشان ارتب لك جميع امنياتي لا قلت وينك قصدي آقول ويني ....... لنّي بـْعـْدك آضيع بآربع جهاتي

اقتباس من مشاركة عبد العزيز (المشاركة 1871965) ياااهلا ومرحباااا ترليوووون منورة بقوووة

تساوت عندي الدنيا تساوت=وهي يومه قريب تفاوت
حياتي عقب نورك مثل مزن=مراهيشه هماليل تهاوت

من بدايات العمـر .. لأوّل خريفـه=من مراهيش الحنين .. إليـا عجافـه
.،.
كل ما سلّ العتب فـــ / الصدر سيفه=قام يحصد ما بلـغ منّـي قطافـه
.،.
خلّها تقنب ورى العوج الرهيفـه=الشعور أحيان .. موته فـي ضفافـه
.،.
كنت الأجمل للطواريـق العفيفـه=آه يـا ذنـبٍ تعمّـدت إقترافـه
.،.
غيمك إللي مـرّ .. عدّانـي رفيفـه=ما سقى جِرد الضلوع .. ولا جفافـه
.،.
صدّة ( المقفّي ) عـن ( المقبـل ) كليفـه=وأنت .. ما قصّرت في مـدّ الكلافـه
.،.
هاجسي .. وعيون هالليلـه كفيفـه=لا تلوم القلب .. وإن ناظـر إخلافـه
.،.
غنّ .. ما للــ / آه في صـدرك طريفـه=المقفّـي مـا ترجعـه الحسـافـه
.،.
لا توجّس من حنين القلب خيفـه=ما بقى شـي ٍ مـن الدنيـا نخافـه
.،.
عقب شفت الظنّ ما يِشبع رغيفـه=والقلوب أحيان تغريهـا اللطافـه
.،.
قلت أدرّجها علـى راس المنيفـه=وأرجع أزرع للجفا .. (( عمر ومسافـه ))

ترى البخل من كريم الأصل مثلك ظلم=ياظالم اللي يودك ليه تجهدني
سويت في قلبي اللي قد .. عطيتك ثلم=ياماخذ القلب تاخذني وتجحدني

روس المناعير .. تدري وش يليّنها .؟؟=الكلمه الطيبّه ... لا جات من طيّب

لي شهر وشوي ماني مستريح=ضآآآيق واحس في صدري كلام
ياجبل قامت تهزك كل ريح=لاعليك ولا على الدنيا سلام

شحنة ( بنات البدو ) غير ... وحبهم عوق الكبود=جمرة غضى تدّفي ... ولكن يحترق من داسها
،.،
لا حسّت إنك تحبها .. إعطتك حب إبلا حدود=ولا حسّت إنك تهيّنها ... ذقت العنا من كاسها

وهج المكابر ترآه بيحرقك لمعه=بكره ترى آقول لك ماعاد يمديني
أبعدتني والدروب القشر مجتمعه=دايم وأنا ألقاك .. دايم وأنت مغديني

مغليك ... لا من طريت .. وما عرف يحكي .؟؟=كّن السحابه تسلّف لا أمطـرت خـّده
،.،
ما هو علشان جرحك يوجعه ... يبكي .!!=يبكي ... علشان شوقه ... فاض عن حـدّه

أستأذنك .. لحظه .. دقيقه .. بخليك=بروح أبشر عالمي في قدومك
لك وقت متغير على قلب مغليك=ومهما تسوي أعذرك ماألومك
حببتني في كل حاجة حواليك=مانيب من قومك وأحامي لقومك

ضمني حيل أنا محتاج صدر ٍ حنووون
مدري وش صار فيني بس ماني بخير

في نظرتي دمعه .. تربت يتيمه =نااامت من الضيقه على سور طرفي

كنت اظن الجهل ظلما .. واظن العلم نور=واثر جهل النفس بعض الامور افضل لها
اثرني لو اني اعلم بما تخفـي الصـدور=كـان يمدينـي كرهـت الاوادم كلـهـا

جرحت قلبي على فرقاك من بدري=..........لا عاد تنشد ولا تسأل عن أخباري
بـ الأمس سولفت عن حبك وأنا مدري=..........واليوم سولفت عن جرحك وأنا داري

عليه من الثياب أثنين واحد تحت واحد فوق=وله ورث اليتيم اللي توفن كل عماته

يا وطنا دام عزك شامخ والدين سيره=مارضينا غير ارضك نسكن ونعشق ثراها
انتمي لك والفخر لي شخص وارضه جزيرة= من يلوم اللي يحبك ام وتغلي ضناها
السعودي بس اسمك لا لمع في كل ديرة= والله انه تاج اكبر من على هامة سناها
شعب ودستور وأمه ترتوي من فيض خيرة= لا عدمنا من حكمنا ولا نسينا من بناها
من شمالك لي جنوبك كل شبر فيه غيره= حاسدك ربي يعينه مادرى انه ما نساها
يحتمي بك رغم غيضه اه ياشين البصيره= وين ماترحل عيونه يرجع ويذكر سماها
كل حرف لا كتبته غير اسمك استشيره=وين يا كلي تمهل ارفق ولملم حلاها
ايه احبك يا بلادي دون شك ودون حيره= كل عرق لا نشدته قال ينبض من غلاها
يا فديتك بالمشاعر والا روحي لك ذخيره= ما تردينا من اول كيف لاجت في سواها
يحفظك رب كريم من صودايف عسيره= يا منار الحق للي ضاعت حقوقه لقاها
دام ابو متعب يقودك سيري دروبك يسيره= والمواطن في يمينه خط ما نبغى سواها
ايه احبك يا بلادي دون شك ودون حيره= كل عرق لا نشدته قال ينبض من غلاها

دام الجسد فـ بلاد .. و(.....) فـ بلاد=الله لحصل غربتي وين ماروح

أن تعبنا نحب ولا لقينا قبول=ماتسر الأماني ولا يفيد العذل
مابقى في ضلوعي كود ريح معمول=وثوب شاش عليه من الندامه وحل
لكن الله كريم وكل هم يزول=ماعلى الله بعيد ولو جفاك المحل