البارحة طول ليلي قضيته وحيدي = كني خلاوي ماسكن عندي اوناس

جرح بقلبي جاه جرح جديدي = نقض الجرح وودع الفكر محتاس

لو اتسلى بالغنا والقصيدي = سهران جفن العين مادشه انعاس

هجس وهجوس وهم يزيدي = واللي يلوم القلب ماعنده احساس

واللي يلوم القلب قلبه بليدي = ماسكن من يحبه اشقر الراس

يابو ماجد يامسندي ياعضيدي = هو عطر ماشفت مثله مع الناس

لبسه جديدي وزاهي بالجديدي = تو النهود اصفار بالصدر جلاس

هواجيس في قلبي وهمن وضيقة بال= ولاني بطيب صارلي مدة ايامي
ولامن صديق اجيه واشكي عليه الحال= جميع البشر عدوان خلفي وقدامي

عجزت اصبر ما تعودت فرقاك =في غيبتك ماني على الصبر قاوي
وين انت عني ؟ وش حياتي بلياك= عقبك حياتي والممات متساوي
زولك معي دايم وطيفك وذكراك= والقلب ماله غير قربك مداوي ..