وجه الأيام في يوم المـوادع .. حزيـن=ماتـرك للنفـوس ... ألا تناهيتهـا .!
طاحت الشمس من عيني قبل .. ساعتين=غافلتني .. وانـا ماخنـت .. توقيتهـا
يازماني .. مشاريهك لذيك .. السنيـن=ولا أنا .. جملـة أحلامـي تحديتهـا .!
طبع الايام .. لا منه قسـى .. مايليـن=ملت النفس .. من جرحي .. ومليتهـا
يمكن أخطيت في حق الغلا ... مرتيـن=يوم اخيل السحاب ... ويوم حبيتها .!
مهرة ٍ صافحت .. كف الجفا باليديـن=سامح الله .. خطاها كثر .. مأغليتهـا
افترقنا .. وكل ٍ قال له .. ( كلمتيـن )=ويوم قالت ..( فمان الله ) .. ناديتهـا
قلت في صوتي المبحوح .. ماتسمعين .؟=انتي اليـوم : غيـر اللـي .. تمنيتهـا
يومها .. شحت الدنيا .. وطار اليقيـن=والاحاسيس .. بكتنـي ... وبكيتهـا
أعتذرت لغلاها .. من دمـوع الحنيـن=دمعة ٍ لـو نستنـي ... ماتناسيتهـا .!

الله يازيـنـك بـعـزّ انفعـالـك =مثل البخور ليا احترق فاح ريحـه
كنّك تقول بها العتب كيـف حالـك =ونفسي من معاتبك ماهي جريحـه
لمعاتبـك مرتـاح قـل مابـدالـك =خل يختلط ريحان صوتك وشيحـه
عاتب تـرى ماعنـدك الاّ حلالـك =قـل ماتريـده وبعبـاره صريحـه
غصن القصيد ليا زعلـت انثنالـك =كن الزعل بـك يستفـز القريحـه
كنّك تلبّـي مطلـب اللـي شكالـك =وتكسر حواجز صمت نفسك بصيحه
وكنّك تقول اللـي يـدور بخيالـك =وانا استمع وآخذ مع البال سيحـه
وحين اتسمّع فالجـواب وسؤالـك =اشوف منزلتـي بقلبـك صحيحـه
في وقتها اشعر بارتياح لوصالـك =وعن همّي اخرج في حياة فسيحـه
تعجبني ليـا ثـار فيـك انفعالـك =مثل البخور ليا احترق فاح ريحـه