لبيه كلمه هـزت اقصـى كيانـي
وساقتني لطيفك وانا مغرم(ن) فيـك


لبيـه بشفاهـك لهـا طعـم ثانـي
لامرت بطعم العسل بيـن اشافيـك


يومـك نطقتيهـا شعـرت بأمانـي
حسيت قلبي صار في راحة يديك !


زاد الفرح والشوق ثوبـه كسانـي
تحركت الاغصان في قلب مغليك !!


ياسيـدة قافـي وكـل المعـانـي
لاقبل سواد الليـل دايـم اطريـك


لايابعد من عـاش بيـن المحانـي
القلب بيتـك جعـل ربـي يخليـك


ضامي حنانك وانتي اروي حنانـي
وصفوة غلا من صافي الحب بهديك


هاتي من اوقـات السعـاده ثوانـي
واعطيك عمرا" ضاع سبـة تغليـك


واخر كلام(ن) ينذكر مـن لسانـي
لبيك يالبيـك . . لبيـك . . لبيـك

فمان الله يا حب وقف ما كمل المشوار
عرفنا مفرق الدربين مانحتاج تكميله

تباعدنا بلا موعد ولا شكوى ولا أسرار

خلاصنا وأنتهينا من شقى الحب وغرابيله

بقت بس المعزه بيننا ماكن شيء صار

وصرنا أغراب عقب الود يادنيا من انتي له

وإذا صدفه جمعت مابيننا في شارع الأقدار

بيصير الكل منا بس شوف العين كافي له

غريبه لعبة الدنيا وأعرف ان الزمن غدار

ولكن هذه الدنيا ولا تنفع بها الحيله

فمان الله ياقصة غرام اصبحت تذكار

صنعها الحب في لحظه ولا كمل مراسيله....