هذا انت ماخذها دلال وتغـلّي=نشـّفـت ريقي مايفيد الحكي فيك

تزعل علي ساعه وترجع تهلّي=نفس الطريق اللي يجيبك يوديك

شـ اخذ من اعتابي عليك وش اخلـّي=تخطى بحقي واتنازل واراضيك

والله مالك غير شمسي وظلّي=مع كل هذا تملك القلب بيديك

لو تطلب اللي تطلبه جيت كلـّي=غالي عسى الله يحفظك لي ويهديك

ماني مقصر وان تخاذلت قلـّي=والله لاحطك في عيوني واغطيك

من ذاق مر الحب لازم يحلـّي=مرمرتني في عيشتي وين حاذيك

خل العناد اللي براسك يولـّي=اخاف لاتصغر بعيني واخليك

أربعـة أشياء في حياتك لا تفعلها

فقد الثقة ونكث الوعد وتحطيم العلاقات وكسر القلب
لأنها لا تحدث صوتا ولكنها تحدث الكثير من الألم

دامك سكنت وداخل القلب كونت=حبك تعال ارجوك وارفق بحالي
ريح فؤادي دام منه تمكنت=يكفيه هم وغم ذيك الليالي
سعادتي بالكون دايم معك انت=انت الغلا والناس عقبك توالي