اصدورنا قبل سنه اوسع من عروق النفود= والصدورنا قبل شهر تقول ثقب الميبره
وديارنا قبل سنه ياتيه من كل الوفود= وديارنا قبل شهر ماغير خمسه وعشره
وجموعنا قبل سنه من طيب نيتنا تزود =وجموعنا قبل شهر ماغير هرج ومصخره
واخاف في تال الزمن يصيبنا بعض الجمود= نبني ويات عمير يم اللي بنينا ويدمره
والفكر ياهل العرف بين الناس ياصار محدود= تشين شوفات العرب يابيع رجال امره ههههههههه

خذ الرد على الطائر
لعيون البرمكي والبرامكه
ياالبرمكي هاذي هي الدنيا متاع بلا خلود= واكبر دليل انا نشوف بكل ديره مقبره
متلقبه متغيره تجود نوب ولا تجود=هذاك تضحك له وهذا عند هاذا تنحره
والعام نلقى ناصر خنيفرلاجينا بالوجود= والنار تشعم والنشاما من عصير محضره
وضاح بالدله وبالبراد ويروح ويعود= والبرمكي لاشاف وضاح متراخي ينزره ههه
سوالفن حلوه وطاروقٍ مثل عد النقود= والعود الاشهب نزرعه بلارض والصبح شجره
ماهي طواريق الخبول اللي يغثون الكبود= لابارك الله بالخبول ان الخبول بلاثمره

قال الذي غنا بيوته والوطن دار السعود=وعمدة في القلعة وختمه في يده والمحبره
اصدورنا من فضل ربي مالها رسم وحدود=وان كان ضايق صدركم راجع طبيب القصدره ههههههه
وسط الدير اكل الجحش يالبرمكي قسم القعود=ولولا سنام شعيل قالوا عود شعيل بقره هههههه
الجمع يمكنه يعود ويمكن انه مايعود=مير المهم انك صدقت وجونا فيه كدره
تال الزمن يازين وقت راح والمرقى سنود=يوم الحثول محثله يوم الشمور مشمره
والناس ذا الحينه احد فايد واحد مافيه فود=اصابعك ماهي سوا مطوله ومقصره