اعرضت في طريقي صومعة سلحفاه=راسها مرسلٍ يمي عراقيبها

يوم حكيت جنبك في جبال السراه=حملتك حملتك لازم تزوزيبها

أنت جدرك قزازة مايتقي تقاه=تصبغ لحيتك مير انكشف شيبها
فيك ريشة غراب وفيك ريشة قطاة =والجناحين مدري وش تخفيبها

وش يعديك حدك ياخبيث اللغاة= رد رجلك بدارك لاتجينيبها

وان تعديت حدك مالك الا الذكاه=لعنبو لحيةٍ تكرمك أشانيبها

أنت مثل البعير اللي يدربي اللهاة=مير رجع لهاتك في لغابيبها
أنت مدري تبي المشعاب والا القناة =يمكن سليم كافيتك مشاعيبها

أقدر أدخل بفمك من البداية حصااه=لكن أعطيك فرصة مانت ضارييبها

تنقل السيف لكن تضربه في صفاة=لين راحت سيوفك في مثاليبها

أنت راعي حلال ولاتطلّع زكاة=هاك بروة لونك ماتزكيبها
صاحب الحب يوم يجمّعه مانقاه=والرحى تستدير وتطحن اللي بها