يامرحبا بمعزب الضيف والجار=الشاعر اللي يقتحم جرّد البيد

الشعر يسريله على سمح الاكوار=مسرا النظا بذياب غانم وابا زيد

ماهو شعر شواية الشعر بالنار=شوي الصقر في نار ما يعرف الصيد

اشعارهم تشبه سواليف ثرار=جرة بهم في ملعب الغنّج الغيد!!

يبلش به المذهِب ويفحم ويحتار=لاهو مصادير ٍ ولاهو مواريد

اكثر قوافيهم تعسّر وتكرار=والمشكله مايعرفون المناقيد!!

قصيد لكن كله أوهام واعذار=جمعا مقاريد ٍ وفرقا مقاريد!

وان عودت لانظار شرهين الانظار=ياكثر ماابسمع عن الصيد بالحيد

مير ان الاجوا ارعود وابروق وامطار=كل ٍ يسوي ماتبا النفس وتريد

واليا عصف عج الرمك والدخن ثار=تلقى الحباري بالمذاري ملابيد

والحر الأشقر تل مسباقه وطار= سبره بعيد وطالع ارموقه ابعيد

هاك النهار اتميز اطوال الاشبار= والحمل تبعد عنه ملح المفاريد

لاتشتحن يالسبع قطاع الاقفار =مادام ضموك الرجال الصناديد ههههههههههه
خلك بضف اللي ليا قال مابار = لاجيت يمه تقل في عالي الحيد
اللي يعرف الحرب مدخل ومظهار= وبالحرب مايفزع بعجر وبواريد
يفزع بقواتٍ يقصن الاعمار = صاروخها ماينبطح بالحواسيد
مع طايراتن ياشلعه كل طيار = الارض من حسه تهزهز بترديد
العمده اللي شاع ذكره بالاقطار = ذكره مثل سالم ضعيه ومرعيد
ولاتلفت انظارك على حنت حوار = اللي يبا يلحق بركب القواصيد
ولا تنجرف يالسبع مع كل تيار = ولاتجاوب الاصوات مع زيد وعبيد
ينزل مقامك وانت من ناسن اخيار = خلك مع العمده ولا تقطع السيد
هاذي نصيحه وانت فيما تبا اختار = عن النزول اضرب وساع الجراهيد

يامرحبا بمعزب الضيف والجار=الشاعر اللي يقتحم جرّد البيد
الشعر يسريله على سمح الاكوار=مسرا النظا بذياب غانم وابا زيد
ماهو شعر شواية الشعر بالنار=شوي الصقر في نار ما يعرف الصيد
اشعارهم تشبه سواليف ثرار=جرة بهم في ملعب الغنّج الغيد!!
يبلش به المذهِب ويفحم ويحتار=لاهو مصادير ٍ ولاهو مواريد
اكثر قوافيهم تعسّر وتكرار=والمشكله مايعرفون المناقيد!!
قصيد لكن كله أوهام واعذار=جمعا مقاريد ٍ وفرقا مقاريد!
وان عودت لانظار شرهين الانظار=ياكثر ماابسمع عن الصيد بالحيد
مير ان الاجوا ارعود وابروق وامطار=كل ٍ يسوي ماتبا النفس وتريد
واليا عصف عج الرمك والدخن ثار=تلقى الحباري بالمذاري ملابيد
والحر الأشقر تل مسباقه وطار= سبره بعيد وطالع ارموقه ابعيد
هاك النهار اتميز اطوال الاشبار= والحمل تبعد عنه ملح المفاريد