ياوجد حالي وجد من ماله اعيال=كم له وهو يرجي ومالله وهبله
عود(ن) ولو مال الزمن فيه مامال=ماكن بالميقاف بعده وقبله
عود(ن) قضى عمره مع البدو وبال=ولاجر صوته كل ذيب قنبله
مايانسه ياكود لاهل همال=همال وسم(ن) زان سيله وبله
يبى يتمشى مع طويلات الأزوال=في خايعن نبته اخزامى وربله
وضح(ن) غلاهن عنده أغلاء من المال=ياما زهى فيهن شمالن وقبله
حلو عليه القوم في وقت مقيال=وتشاوحوه القوم وأقفو على أبله
ماهو اقليل شر وقليل أفعال=ماضي فعايل والرجال اتحسبله
حزنه مثل حزني على سمح الأقبال=اللي قطع بيدي حبلي وحبله
روح بلا علمن ولارقم جوال=رحنا مثل مرواح عنتر وعبله