|
أتجاهل حكي ألآنذال وهروج الرخوم
وأدري إني بالتجاهل فركت خشومها ::::: سلم عليهم قلهم اني ارتحت |
رميـت فـي وجـه اللئيـم المواثيـق وطلبت من وجـه الكريـم السماحـي ودوّنت فـي قسـم المجانيـن تعليـق من يشتم المجنون ماهـوب صاحـي ؟ |
اليتم يتم الأدب والموت موت الضمير
والحب حب المعالي بإختلافاتها . والجرح جرح المشاعر من لسان الحقير والصوم صوم الجوارح عن شهواتها . والبخل بخل الغني والجود جود الفقير والفوز ما هوب في الدنيا ولذاتها |
اتنفّسك عشق .. ولاّ اتنفّسك غيـره والله مدري مع احساسي وش اسوّي اذا تخلصت من بـاب انفتـح غيـره واذا تغاضيت عن جرح اختلف جوّي كم موقف ٍ من طرفك احتاج تبريـره وكم نظرة ٍ من عيونك خالفت نـوّي سوّرت صدري عليك وموجز السيره من نقطة الضعف حاولت اختلص قوّي انت اجمل الحب .. وانت اكمل معاييره وانا شعوري كبير .. وصوتي مـدوّي الشوق في الفقد .. والتفكير في الحيره تربّعت في ضلوعي .. واشعلت ضوّي |
تدري وش الابداع .. لاقالوا ابداع انك تسوي شي .. من صلب لاشي اما كذا والاّ استرح وامسك القاع ماياخذ الميّت .. مكانه مع الحـي |
حالـة ظهـورك متصـل والاّ ظهور بـلا اتصـال السيف مجده في النصـل والمسك في قرن الغـزال وامر الغلا .. وامر الوصل ماهيب من ضرب الخيـال تكوّنـت اصـل وفصـل بين الضلـوع ولا تـزال مهما على الواقع حصـل مافـي تكوّنهـا جــدال |
فمان الله مسافر للغيـاب وديـرة المجهـول وانا ماني مسافر للغيـاب الاّ مـن اسبابـك تعب كف الرضا يطرق عشانك بابك المقفـول وتعبت اموت منك وفيك والك وعنك واحيا بك وفيت ولا جنيت الاّ التعب في ساعة المحصول لـك الله وخّـري عنّـي خنقتينـي بجلبابـك بشوف الشمس وآشمّ الهوى واحرّر المعقـول عسى ربي يعوضني طعـم توتـك وعنّابـك لو انّي مستحيل انسى صراحه ريقك المعسول هذاك اللي بعد مامرّ قلبـي طالـت اعشابـك حليمه خيّطي ثوب الغريب القاتـل المقتـول وشيلي جثـة آمالـه وحطّيهـا علـى بابـك فجوج الارض واجد والقوافل خيرها موصـول توّديني على ايّـة ديـرةٍ ماتحسـب حسابـك دخيل الليل والشوق الكبير ورمشك المكحـول تجلّي للحياه وحـرّري قلبـك مـن اعجابـك تعبت اسأل سؤال السائل اللي يسأل المسؤول من المسؤول ؟ عن زفرة زعلك وجمرة عتابك وانا في ذمة القلب اليتيم الصـادق المعلـول بريٍّ من مشاريـه احتمـالٍ ثـوّر اعصابـك فمان الله والضيق انتهازي والفـرح مشلـول فمان الله من عظمة لسـانٍ كـان هـلاّ بـك نهار الحب طفـلٍ فالبـراءه هـزّه الهنـدول قبـل مايكبـر ويستعمـرك ويشقّـق ثيابـك عماك الظن وارهقتي ضريبة سيفك المسلـول ماعاد لسيفك الجارح مكـان بسيّـد احبابـك فمان الله يااغلى من نزل في رمشي المبلـول وانا لك وعد مني ماانشدك عن سبّة غيابـك |
صباح الهيل مدري يا صباح الشيـح و القيصـوم و صباح العود و انفاس النـدى للشعـر مدفوعـه جمعته وسط باقة و العبـق فـي وسطهـا مزحـوم وتنشقهـا لـيـا حــدود الثمـالـة و أدركــه جـوعـه و منهـا مالنـا مقصـد سـوى فـالـه عـسـاه يـعـوم و يبحـر بـي و أجيـب مـن الفرايـد جزلـة بنوعـه ولا هـي بالرثـاء لأن الرثـاء للـي غـدى مطمـوم فـي قبـره و الجسـد مـن فوقـه اللبنـات مربوعـه ولاهـي فلسفـة شاعـر حزيـن و خاطـره محمـوم ولـكـن شـاعـرٍ عـيـا و سـكــر دونـــه سـمـوعـه تـرك جـل الـكـلام الـلـي يـقـول بمـوتـة الـزيـزوم قبـل تسعـة سنيـن و شوفـتـه للـنـاس و دمـوعـه لأنـه داخلـي ينبـض مـن أيامـه إلــى هــا الـيـوم ولا عمـري شكيـت مفـارقـه بالـحـزن واللـوعـه عرفته شيخ شمل الطيب في ربعـه وبـاق القـوم رفيـق الدلـه الـلـي مــن ورى بـغـداد مصنـوعـه حفيد أهل الخوي وأهل النقى من تنصر المظلوم دعوجٍ ترسـن الباغـي بحبـل و سـار فـي طوعـه وأنا سبطه و هـو جـدي ولا يمـدح وسيـع كمـوم بسلـم اللـي يعـرف أن القصيـد يشـح موضوعـه عمـد كـل القصايـد لــو تـوقـف كنـهـا المكـصـوم يغالبـهـا القلـيـل مــن الفـعـول و بـاقـي طـبـوعـه نعم صالـح بأخـو عليـا تعـزوى واحتضنـه غيـوم تطـاول بالصفـات اللـي تعجـز مـن لحـس كوعـه على نـاره ضحـى يومـه وغيـره مطبـق الجاثـوم علـى صـدره لـو الديبـان حولـه مـا لـهـم فـوعـه تكامـل بالشجاعـة و الكـرم ومعـاون المهـضـوم شهد له من غدى بيـن العـرب كلمتـه مسموعـه عريب جدود صلـب زنـود راعـي فـود يـوم ودوم و أنا اشهد بأن كفه وسط طاسـة طيـب منقوعـه ليا مـن سـل سيـفٍ بالخطـاء ينكـس عنـه مثلـوم بفـضـل الله علـيـه و مــن يسـلـه يــده مقطـوعـه و طيبـه نثـره بيـن العـرب خافـي علـى المعـلـوم و تباشـر بالجزالـة مـن يــده فــرده و مجمـوعـه علـى طاريـه اقلـب سبحـة افعالـه و انـا مهمـوم علـى اللـي ردد الحكـي القـديـم بتـالـي اسبـوعـه أبسأل من يموت و هـو مثـل جـدي علـم وعلـوم يبـي يبقـى و يسقـط مـن يعيـش بسامـك دروعـه علـيـل مــا يـعـز و لا يـذلــل مـثــل طـيــر الـبــوم ربـى وســط الخـرايـب للبـشـر يــا قــل منفـوعـه و ختـمـه مـثـل مبـداهـا وشاعـرهـا نـفــى لـلــوم شهـادة حـق فـي رجـلٍ وجــت للـنـاس مطبـوعـه |
| الساعة الآن +4: 12:38 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
