|
مشكور اخي كاتب على هذه المسابقه الرائده والشكر موصول لـ ملفي بن صالح على تقديمه الجوائز القيمه وايضاء الاعلامي عيد بن عبيد وعساكم ع القوة . |
الله يعطيكم العافيه فكرة ممتازة
وليتكم تحطون موضوع ثاني مخصص للقصايد المشاركة فقط بدون اي اضافه علشان يسهل على الجنه والمتابعين قراءة القصايد |
هلابك نادر بن مساعد
سعيد بمشاركتك |
هلابك ياكنق المشاعر لا مانع طالما انه مسجل عضو قلعة المجد والتاريخ ترحب بالجميع وياهلا |
هلا يا بركة الخياري
سعيد بتواجدك |
اخوي مبارك الشويلعي
يشرفني تواجدك ومتابعتك وياليت تشاركنا تحياتي |
هلابك غيم
سعيد بمشاركتك ويا هلا |
هلا بك ابو شامان بن خلف
يشرفني تواجدك ومتابعتك لاهنت |
هلا بك سرحان
سعيد بمرورك م وعن موضوع سؤالك موجود في المنتدى وشكراً لك |
صحيح احبك من زمـان الطفولـه يوم الشقا عن قرب الاطفال تايـب حتى المحبـة يـوم جتنـا خجولـه مستغربة؟ طفلين صـاروا حبابـب نضحك نسولف كل خافـي نقولـه والحب مخفينـه ..نخـاف القرايـب وكل"نشد غاليه وش هـي ميولـه وقلنا سوى..نخشى زمان العجايـب رعيـان نفـرح بالربيـع بْحلولـه لاقفى الدهر من جيّة الوسم هايـب نفرح بساعات المطـر فـي هطولـه وانضيق اذا مافـي سمانـا سحايـب وكان الفراق الليل لاعلن وصولـه ويروح ليلي بـس افكـر بغايـب والصبح كـل" كيـد ولـم ذلولـه وكل" على الثاني من الشوق ذايـب احيانا اركـب والذلـول معقولـه عجلان ..ماظنه عشـان الركايـب مع الفرح مـرت سنينـي عجولـه وكل" مشى في درب مثل الذهايـب لاصوت لاصورة ولاشفـت زولـه مدفون حي بدون قبـر ونصايـب والعنك ياشـي" يجـي بالسهولـه مصيـرك تواجـه وراه الصعايـب شفني؟ربحت الكاس قبـل البطولـه وشفني خسرت الكاس يوم الكسايب ماكـل شـي" لابغيتـه تنـولـه تمشي وترجع باخر الوقـت خايـب اخذت لي في نعمـة الحـب جولـه وتغيـر الواقـع بليـا سبـايـب واصبحت اعرف الحب عرضه وطوله وعرفت وش معنى الجروح العطايب حب الطفوله يوم وصـل الرجولـه تبدلت حالـه وشفـت المصايـب بس انت حاول قدر الامكان تولـه لوني على مركاي والـراس شايـب انت بخفوقي لـك ربـوع وحمولـه وابشـر بعـزك لوتهـب الهبايـب حاول معي بالحب لو شفت ضولـه ولا طيع شيطانك لعيـن الصلايـب انا انتظـر؟ لـو اليديـن مغسولـه وسلم على رمشك عطيب الضرايب وعـزالله انـي لاذكـرت الطفولـه ودي اعود طفل لو صرت شايـب |
هلابك اخوي محمد الراشد
سعدا بمشاركتك وبيض الله وجهك وتم الإستلام وياهلا |
!!! قصيدة المشاركه !!! (( أوراق الغلاء الضامي )) على ذكراك ومن لهفت عيون(ن) ودهالقياك تخيلتك على شاشة خيــــال الفكــر قدامي توقعت انها لحظة وصــــــال وصــــادقه وياك جمعت لك اروع اوراق الغلاءفي غفلةايامي قضيت الليل مع وقع الخيال ولالحقت اقصاك اقلب صـــــورتك فى نـــاظر(ن) غبتى ولانامي تهادى نظرتى مابين طرفك والهدب وشفاك تــلاشى بين وجنات الخدود ونحرك الزامي الهت فيك العيون وسطرت بهدابها ذكراك عساها تلتهي بك عن خيال راح مادامي تنحى بك خيالك بعد ماطــال اللقاءوخفاك على ضوءالشروق اقراءحقيقة نشوة احلامي دريت اني اعيش اوهام قلب ماقــوى فرقاك شكى فى غيبتك جرح الزمــان وهم والامي حياتى ينحنى ضيم الليـــال وشقاء لرضاك يتوق لك الخفوق اللى شقى بالحب ونظامي حيــاتى كل مامرت على قلب العنـاء طرياك تجــدد بة صــوابة ونفتح بة جرحة الدامي حياتى كان تيارالغلاءوالشوق ساق اخطاك على نفس الطريق اللى تلاقت فية الاقدامي انا كلي امل وانت الامل يمي تجي برضاك لعلك في وصالك تحيي اوراق الغلا الظامي حمود البراهيم |
هلابك اخوي حمود البراهيم
سعدنا بمشاركة وبيض الله وجهك واستلممممممممممممم وياهلا |
بالتوفيق انشاء الله والى الامام اخي العزيز كاتب تحياتي لك واتمنى لكم التوفيق ان تحضاء هذه المسابقه باهتمام من قبل شعراء الشبكه ويعطيك العافيه أخوي كاتب على جهودك المميزه تحياااااااااااااااااااتي لك |
هلابك حار الفكر
لاشكراً على واجب وسعدت بتواجدك تحياتي |
من يوم عمرك عشر وانته بعيني كبيـر(000)وانا بعمرك وساوي في عيونـك بلـد صغار نمشي على الفطرة ونلعب كثيـر(000)واكبر طموحتنـا انـاء نسولـف بعـد صغار ماهمنا اللي حولنا ويش يصيـر(000)كلن يسولف على الثاني وياخـذ عهـد واسرارنا كلها متجمعـه وسـط بيـر(000)وسط الصدور اتجمع ماتسولـف لحـد اثنين ماكان فيـة اول ولا فيـة اخيـر(000) متساويـن بغلنـا بيـن ذخـر وسنـد والناس من حولنا اصحاب في كل خير(000)انقدر النـاس ونساعـد ونغلـي فهـد مشى الزمن هكذا حتى اللقـاء الاخيـر(000)يومة وصل بس ما عني وعنـة نشـد والموت كسر اشداد الوقت وارغى البعير(000) وكثرت سكاكينة اللي مـا تعـد بعـدد جلست اسولف مع الواقع بصدرن اسير(000) استيسر الحزن ذاتـة ليـن همـه ورد من يوم عمري عشر وانا بعينك كبيـر(000)وانتة بعمري تسوى فـي عيونـي بلـد |
هلا بك اخوي يوسف الأسود
سعدنا بمشاركتكم وبيض الله وجهك ااااااااااستلم |
السلام عليكم
يعطيك العافيه اخوي كاتب هذي المشاركه اللي لها بالغلا قـد ر ومقـام ٍ رفـاع=بكل المقا ييس ماحد حطم ارقـا مهـا ماحد تعلاّ سواها فوق عرش النـزاع=في عرش قلبٍ عجز يحتال بأحكامهـا تلعب بقلب ٍ طواه الشوق لعب الرضاع=يوم استحلت خفوقـي رزت اعلامهـا يوم انتشلني غلاها من سنين الضيـاع=ليلة ذبحني شعور الخـوف.. قدّامهـا يوم اقبلت قلت يالبيه و ا مرك مطا ع=اقفت ليال الحزن لا عادت ايّـامهـا جتني وهي مرهقه من قـوّة الأندفـاع=في يدينهاورده ودفتـر ومـرسامهـا جتني بجبروتها الطاغي وقلب ٍ شجاع=فـي كبريائهـا وحشمتهـابهند امهـا في طهرها في حياها زايـد الأرتفـاع=في ظعفها العاطفي في قـوّة الهامهـا جتني وانا اقاسي الشده ومر الصـراع=جت تشتكي جرحها يوم الزمن ضامها قريت بعيونها شوق وسفـر وانقطـاع=ملا مح الحزن اشو فه بـدداحلامهـا واقفت وانا جرحي الدامي يزيد اتساع=والروح عيّت تطيق الصبربصيامهـا |
هلا بك العريض
لاهنت على المشاركة ويسعدنا استلم وياهلا |
بيض الله وجهك ياكاتب على الفكرة وانا اشيد باالجنه شعار عمالقة
وانا والله ودي اشارك بس عندي قضايا تخبرون قاضي الاحزاب العبسيه وخاف ان العمده بعد راسي يزعل علي ههههههههههههههه |
المرتكز
تشرفنا بتواجدك يمكن يحتاجونك اللجنة بالمسائل الشرعية هههههههههه سعدت بمتابعتك والله يالعمده هذا ؟؟؟؟؟ تحياتي |
السلام عليكم ورحمة الله وبركاته اتقدم بالشكر الجزيل لإدارة شبكة بني عبس على ماتبذله من جهد ملحوظ في كافة المجالات. . . كما اشكر الأخ الشاعر/ كاتـــــب ، على طرحه لهذا الموضوع وعلى متابعته الدائمه . كما اشكر الأخ رجل الأعمال / ملفي صالح الرشيدي ، على دعمه لهذه المسابقه وهذا الشيء يحسب له ، ويستحق عليه الشكر والتقدير. . . والشكر موصول لأعضاء اللجنه جميعاً وعلى رأسهم شاعرنا الكبير العمده : ناصر خنيفـــــر ، وعسى الله يحفظكم جميعاً ويرعاكم . . . وهذه مشاركتي .. مع تمنياتي للجميع بالتوفيق . . . . للشعر دور .. وله مواقف .. وحزه=دوره إيبين بالامور العسيره والشعر لامن جاه شي(ن) يهزه=ياقف .. عسى في وقفة الشعر خيره ونفسي تراها ياالخوي مشمئزه=غير كلامك .. واعطني شي غيره ولاعاد تنشدني عن علوم غزه=العين تدمع .. والايادي قصيره وحنا العرب .. ماغير كشخه .. ورزه=وكلن على امريكا يدربي سفيره كلن يبيها تحترمه .. وتعزه=مع انها ساس الامور الحقيره هي تدفع اسرائيل .. وايضاً توزه=يديرها .. واحيان تبغى تديره ثورن يدفه ثور .. واخر يكزه=متجمعين(ن) كلهم في حضيره وحنا مابين اكياس عنبر .. ومزه=ناكل .. وغزه بين نار .. وذخيره ولا نزعج الحاكم .. ولا نستفزه=وكلن امير .. ويشتغل له بديره وياصاحبي ياابن الرجال الاعزه=ترى سواليف السياسه خطيره !!! لاعاد تنشدني عن علوم غزه=غيّر كلامك واعطني شيء غيره . وشكرا لكم . . |
مرحبابك اخوي عبد الله المظهور
سعدا بمشاركتك واشكرك على الثنا ولكن لا شكر على واجب استلم وياهلا |
[justify] يابعد كلمة لا على كلمة الا اخواني اشاركم تشجيع لكم واتنازل عن الجائزه مقدما البارحـه يـوم اول الليـل ولا قريت في راي الحديث ابن ماجه قريت مانـي بالـرواه اتسـلا لكن لقيت القلب دينـي علاجـه كلا لمن يغفل عن الديـن كـلا لو انتهج كل العلـوم انتهاجـه واللي على روح الخلايق تـولا ان الحياه بليـل والله سراجـه ان الهدى نور الحيـاه وتجـلا مثل الشروق بطلته وابتهاجـه لو فيه من غلة يديـه استغـلا بالدين وادابه على شان حاجـه مايدري ان النفس خيـط تـدلا وفي منتهاه يواجه اللي يواجـه اما على نـار الجحيـم يتصـلا يجهل ليامنـه دخلهـا خراجـه جل من تعالـى ماعليـه نتعـلا لكن يامخلوق ادع ربك وناجـه وانت برجـاه وعزتـه ماتـذلا وان حاط بك هم عليه انفراجـه لابـتـلاك بنعمـتـه لاتبـلا حي تسبب ضيقتـه وانحراجـه حاول بالاخلاق الحميـده تحـلا الكبر عرش ابليس والكذب تاجه سلام ياشيخ ليا جيت هـــلا شيخ تنومس نظرا في حجاجه مشعل كما جدي الكواكب تعـلا شوفه علاج الي وشوفي علاجه يابعد كلمـة لا علـى كلمـة الا الاوله تنفي والاخرى احتجاجـه قلها عساك بضلهـا تستضـلا العمر عود فيه عدل وعواجـه وين القصيد ومحتمين المخـلا وفلة حجاج اللي عقدبي حجاجه تقبلوا تحيات
|
هلا هلا وغلا
بابو حامد يسعدنا ويشرفا مشاركة مثلك وشرواك وبيض الله وجهك على الطيبة والطيب مايجيب إلا طيب وماهو قصوراً بالمشاركين 0 كلاً بدرب الطيب قد هب ريحه اما التنازل عن الجائزة يااااابو حامد لو تصير الرابع والله لترمي اللجنه ههههههههههههههههههههه مداعبة انت وافي وياهلا |
بالتوفيق انشاء الله والى الامام اخي العزيز كاتب تحياتي لك واتمنى لكم التوفيق ان تحضاء هذه المسابقه باهتمام من قبل الادارة والاعضاء وتحياتي لكم ا |
الله يعطيك العافيه ياخوي ياكاتب وبيض الله وجهك علي الموضوع
|
مشكوريــــــــــــــــــــــــــــــــــــــــــــ ـــــــــــــــن
علي المـــــــــــــــــــــــــــــــــــــــــــــــ ـــــــرور |
اخي العزيز كاتب تحياتي لك واتمنى لكم التوفيق
وعسى خالي ابو عباد على القوة |
هلابك اخوي حمدان
سعدنا بتواجدك |
هلا بالنمر
وجودك يشرفني وياهلا |
هلا بعظيم الشوق
مرورك يسعدنا والله يعافيك وياهلا |
هذي المشاركه ارجو ان تحوز على رضاكم اخوكم/عــــامر الصـــيعـــري باسالك من انت وانا من سهاء == جاوب سؤالي كيف ماتذكر لسم جـــوب انـا انتــــه وانته لي اناء == بضبط اسمي انت وانا لك اسم شخصين صارو شخص في داخل حشاء == مهما يجي من الوقت ماحسو الم جوبـــــت يـــاربي تحــــفضني لنا ء == وانسى ورق شعري وخطات القلم عجل وشف صدري ودقق بالعـــطاء == انضر وشف قلبي باسمك مـــرسم وانضر هنا ضلعي على اسمك يحتماء == وانضر هنا كبدي بشــــوفك تبـــتسم وانضر هنا معلاق صــــورتك اعتـــلاء == بجنب الريات الي تقايــــس بالنسم جول على صدري بنضره من شفاء == شف هالحشود مبايعه لك بالحكم صاحو الحشود بصوت واحد ياهلاء == امـــر وحــــنا بـــلاوامـــر نـــلتزم جوب وقال اهدو وهذا اول نباء == قال البدايه والملك تحت الحكم انا الخدوم الي على عرش الهوى == وانتم ملوك الحاكم الي لكم حكم لازم شعار الحكم يظهر في السما == اول اوامر نــتـــحــد نرفــــع عـــلم شخصين صارو شخص في داخل حشاء == مهما يجي من الوقت ماحسو الم |
اخي المشرف الله لايهينك تعدل مشاركتي عيت تعدل عندي
بيدك يالنشمي |
اشكرك اخوي كاتب وكما اشكر رجل الاعمال على تقديمه الجوايز القديه والتشجيعيه
والتنافسيه الشريفه ولكم تحياتي |
اانتظرو الشاعر جابر ابن حيان
وقصيدته الموسميه |
مشكوراخوي كاتب على فكرة المسابقه .. والشكر موصول للأداره والداعمين ... اتمنى كل التوفيق لشعراءنا المشاركين وللجنة المسابقه |
كنق المشاعر
سعدا بمشاركتك استلم واتمنا للجميع التوفيق |
راشد رباح
سعدنا بمشاركتك وياهلا |
هلا بابو عبد الله
وانا اشكرك على مشاركتنا |
| الساعة الآن +4: 07:40 PM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
