ادفنونـي حـي بثيابـي يصيـر اللـي يصيـر = دامهـا مـا صارحتنـي وارحمـت معشوقهـا
مـا بقالـي مـن غلاهـا لا قليـل ولا كثيـر = مـا بقـا الا جرحهـا , وطعونهـا , وفتوقـهـا
علموهـا ان الغـلا والـراي الاول والاخـيـر = رايهـا وان السنيـن اتسوقـنـي وتسوقـهـا
وعلموهـا انـي اذا حبيـت حبيـت بضمـيـر = وعلموها ان هامتي فـوق السحـاب وفوقهـا
وعلموها لا بتعدت انسـان مجهـول المصيـر = والتفـت ودمعتـي بيـن الشـفـاة اذوقـهـا
لا تناظرنـي بعيـن الحـزن وفـوادي كسيـر = ولا تجاهلنـي وقلبـي ذايبـاً فـي شوقـهـا
تنتظرنـي بيـن لآمـال والحـلـم الصغـيـر = وتذكر انـي كنـت بيـن فوادهـا , وعروقهـا
جـادلاً يقضـي تغليهـا علـى هيبـة لاميـر = والله ان تبقـى معوّجـة الضلـوع طروقـهـا
ووالله ان تبطي وهي تبطش ورى الضلع القصير = ووالله ان ابطي وانا افتك مـن ورى معلوقهـا
فتنـةً والله خلقهـا مـن حريـراً فـي حريـر = القتل فـي ضربـة الحربـه , وفـي منطوقهـا
كـن ربـي ماخلقهـا الا مثـال لزمهـريـر = عبـرةً لنـاس فـي الدنيـا مايبـرى , عوقهـا
ضاعت علوم العـذارى يـوم مرتنـي تسيـر = وضاعت سلـوم الرجـال , وقدرهـا , وحقوقهـا
زهـرة فوقيّهـا هـازل وتحتيـهـا بخـيـر = ويـل حالـي مـن هزالتهـا , وكبـر عذوقهـا .!
شدت من اقصى الضلوع وروّحت منها عصيـر = وانزلت فاقصى العيـون الساهـرات وموقهـا
مستحيل اتطيح مـن عينـي ومنزلهـا كبيـر = يعني امـا فـي وسـط عينـي , وامـا فوقهـا

سحايب مزون المطر شفتها فوق=تولع الخفاق من يوم شافه
قلبي مع طق المطر ساقني سوق =وأرسل مع الجو الرومنسي إعترافه
الجو ممطر بس انا فيك محروق =ظنيت لكن خاب ظني حسافه
كنت أحسب إن سيل المطر يطفي الشوق =وأشوف أنا الاشواق زادت كثافه
ياويل قلبي لاغدت غيم وبروق=هو شي واحد بس أنا اللي أخافه ..؟
أخاف لازااد المطر زاااد هالشوق=وجيتك مع سيل المطر وإنجرافه

لك الله يامشيّد ف.. الحشا بيتك وهـو بيتـك=تغانم لا تلاعبـه الهبايـب وانـت ماتـدري .!
مع ظرف الحياة اللـي حدانـي مـا تناسيتـك=وقدرك مانقص عندي وانا ادري مانقص قدري .!

يا برد وجه ( الوداع ) ويا ثقل دمّـه !=ويا صبر ( عيني ) على تلويحة ايديها
والله لو الزمن , والوقت له :- ذمّه ؟=ما حال بين ( الهنوف ) وبين غاليها .!