عزالله إني يوم حبيت / حبيت =ماكنت آحسب الحب هذي علومه

ضحيت , وأخلصت , وعطيت , وتفانيت =لو إن نفسي من عطاي [ محرومه ] !


الظاهر إني طحت وأنا ما سمّيت=ولا أظن لي من بعد ما طحت قومه

ما جت لي الدنيا ( على ما تمنيت ) !=حلمت : والأحلام شبه معدومه

عجزت :وأنا اللي الى قلت سويت=حظي فتر حيله وبردت عزومه

ياما قطعت من الدروب وتعنيت=وسريت ليل ٍ ما تشعشع نجومه ,

وكم ليلة ٍ روحي على كف عفريت=وأقول ( ما آحد ٍٍ ميّت ٍ قبل يومه ) !

ماتحت رجليني ياكود الدناميت=آطا الخطر .. كني معارض حكومه !

وقفت في وجه الظروف وتصديت=وقفة شجاع ٍ راس ماله : سلومه

وش عاد أخذت من المحبه وخليت=حب ٍ مضى وقته .. وبقيت رسومه

عليه أجرّ مع الونين / التناهيت=لا أخذت لي في جوّه الرحب .. حومه

ذكراه حولي .. كل ما أصبحت وأمسيت=رحل .. والأصعب من رحيله ؟ قدومه !

فديـت صـوت " رد لـي بسـمـة شـفـاي=من بعد لحظات الحزن والتجافي !!

يتصفح الموضوع حالياً : 6 (1 عضو و 5 ضيف) ‏مرزوق العجوني


اهــدآء لكــل زائـر

زيارتك تضفي على الركن تشريف=وشعورك الصادق ... له الأولويه
مابينـي وبينـك مجامـل : وتزيـيـف=عـلــى الـمـعـزه ... رابـطـتـنـا قــويــه

حلو نعيش " الحب " بقلوب الأطفآل ,!



وأحلى لو إن العمر كله { طفوله }