قبيلة بني رشيد - سجل حضوررك ببيت شعــــر ...

قبيلة بني رشيد (http://ban3abs.com/aa/index.php)

- منتدى الشـــعــــر (http://ban3abs.com/aa/forumdisplay.php?f=57)

- - سجل حضوررك ببيت شعــــر ... (http://ban3abs.com/aa/showthread.php?t=1065)

مرحبا ..
.
.
الملامح قالت اللي كنت أخاف انه " يقال "
التزمت الصمت لكن ؛ سولف الوجه الشحوب .

لا إنشدوني عنك اقول : إن مالك بقلبي مجال ..
والبلا لا صدقوني ...قالت عيوني : كذوب !

^_/

البعد شيّـب خافـق ٍ ميـت فيـك !!
والى مشى خطوه عثر فـي عصاتـه

مشكلتي / إن قلبـي يحبـك ويغليـك
ومشكلتك / انك شخص عايش حياته

كثر الجفا .. نار .. وحطبها تغليييـك
خف الحطب .. لا تزيد نار الشماتـه

يضيق صدري كل ماهبت علي من الجنوب
نسايم ماملت طعوني وقلبي ملها

.
.
.

صاحبي أتعبوني وأنت صدرك رحيب
........................ أشربوني جمايل - واتركوني / ضما .

مابقى بالأوادم صدق يالله نغيب
.................... وش نبي بالحضور اللي غيابه نما !!

ياصاحبي لا يطول الهرج في كل حال
البيت واضح ومجلس بيتنا ياسعك

ماهوب لازم آردّد لك تعال وتعال
إن جيت يامرحبا , وإن رحت ربّي معك !!

مآكآن ، وجه إلمفآرق ، طيّب / وسمّت
بس كآنت ( إفوآه ، عذآلي ) مشآفيـح !

سكّر من عـيوني / الدنيــآ ... اذا قمـت
مآعندي ، لـ / باب دمعاتي ، مفآتيـح ..

غنيت بك صوتٍ لقلب الهوى ميلاد
و نغمة غرامٍ ذاب في لحنها وجدي

أشوفك مطر هتان لا برق لا رعاد
من الوسم يبعث بالصحاري زهر ودي

يتنفس الليل من ضيق الزوايا كلام ..
............................. والوعْد يفرش على رمل الاماني حصير ..

الحلم ينصب على بيدا ظروفي خيام ..
.............................ويضمني من - شتا الواقع وصيف المصير -

استصغر الحزن رغم اني اعيش فظلام ..
.............................مثل القمر واقعه مظلم لكنه ينير ..

احاول اعكس طموحي في عيون الانام ..
.............................واكحل الحال لو انه زماني ضرير ..

حملت نفسي من الدنيا هموم وخصام ..
.............................وصار الامل في عيوني مثل/ كف الفقير ..

اللي ليا طاح دمعه ، والاسى فيه قام ..
.............................يشوف نفسه وسط عين المزكى كسير ..

قالوا لي صغير لا تحمل زمانك ملام ..
.............................جاوبت قولوا لزماني : لا تعارض صغير ..

تمر الامال في عيني مرور الكرام ..
.............................شرواة صحوة ضمير بصدر مابه ضمير ..

واليوم سقت الطموح ونظرتي للأمام ..
.............................واللي تبقى علي افرد جناحي واطير ..

هنا ترفرف من افواه القصايد حمام ..
.............................واشم للعز ريحة زعفران وعبير ..

غيري يقول المطر ناتج من الاصطدام ..
.............................وانا اقول السحاب اتعبْه /طول المسير ..

يبغي يخفف من حمول الظروف الجسام ..
.............................وارخى جفون العنا وانهل دمعه غزير ..

مثلي بعد ما اختنقني (الصمت ) صغت الكلام
.............................نثرت منه الكثير .. ولي تبقى كثير ..