كل ماغابت خْيوط الشمس واقْفت في سماها=وأسدل الليل الظلام اللي علـى الأجـواء يعمـي
تنـطـحـه لـهـفـة خـفـوقـي فـرحــة الأم بضـنـاهـا=وأتـعـلّـل مـــع سـكـونـه بهـجـتـه تـســري بـدمــي
مع ظلام الليل أنا لي قصة(ن)ماحد(ن)قراهـا=يـافـديـتـه لادعـيـتــه قــــال لــــي لـبــيــه ســمـــي
كـم يسامرنـي وكـم خفّـف علـى نفسـي عناهـا=لــو كشـفـت أســرار قلـبـي كلـهـا لــه مايـهـمـي
كـم طلـبـت الشـمـس تتـأخـر ولايظـهـر ضيـاهـا=لأجل أسامرليلي المعتم وافضفض جور همي
كم تشاكت له هْمومـي وافتحـت خزنـة خفاهـا=وكم مسحت دْموع عيني لاظهر صبحه بكمي
أنتـظـر رابــط قصـيـده يـشـرح الـخـاطـر صـداهــا=وأنتظـر بـيـتٍ يـلـم أشـتـات حــزن القـلـب لـمـي
وأنتـظـر ذيــك الـبـروق الـلــي يـنـوّرنـي سـنـاهـا=وأنـتـظـر ذاك الـسـحـاب الـمـرتـكـم والمـدلـهـمـي