|
|
الضيـقـه الـلـي مـالـهـا حـــل يـاسـعـود " " عافـت صـدور الـنـاس هــذي وجتـنـي مـوجــود احـيـانــا ً ولانــــي بـمـوجــود " " وكم طعنة ٍ من كف صاحب كوتني اشيلـهـا وانـــا ولـــد عـــود مـــن عـــود " " لـــــو نــظـــرة الـحــاقــد بــســـره لـفـتـنــي غديـت شوكـه بـس فـي حلـق مقـرود " " اخـــاف لا يـرقــى عـلــى جـــال مـتـنـي * * |
( موجود ) .. ب/ الواقع ولاني ( بموجود ) " " شـخـص ٍ وهــب عـمـره عـلـشـان ( غـيــره ) |
المـدرسـة والفلسـفـة مــا علّمـنـي بالحـيـاه ما علّمني بالحيـاه .. الا الخطـاء والتجربـه لـو أن ترتيـب ابـن آدم يعتـمـد عـلـى ذكــاه ماشفت بعض الناس هاليومين بأعلى مرتبه |
كفيّ على خديّ وعيني شاطحه كيف أستريح
تحوفني شـرد الظنـــون ولا حسبت أحسابها أشدّ عظمي وأتعزوى وأحتزم وآآقف واطيح واردّها فــي ذمتــي .. وأنا لهــا وأولابها لو كل شاعــر حاكمـن معنـاه والسانه فصيح ماشفـت كلــن لا طرقهـا هجــرس وغنــّــابها أمشـي بركـب القافلـــه وامدّ من فيض القريح وأسوقهـا وأحايـل المرقــاب ليــن ارقا بها أضحك ليا هل المطر .. واغنــيّ ليا هب ريح وأرمي على صفق الهبايب خنجري بنصابها أبحث عن الممنوع فـ الموضوع وأعدّ الصحيح حسب إجتهادي صبتها واقـول ربيّ صابها وأتابــع أحــداث الليالــي كلهّا .. حيل ولقيح وقمــر عربســـات اللــه أنــّه لا يهينه جابها يلـفّ فــي عرض السما ويدور فـ الجوّ الفسيح وأليا لقــط لــه سالفــه وأمخالفــه هذرابها لا واللهّ الاّ جــفّ قــاع البيــر والمايــح يمـيح دقــّت نواقيس الخطر مير العرب وش صابها كلــّن يـزوزي غـاربـه .. غربه بعد جاله نضيح وجمالها راحت تحـــكّ ظهــورها بـ أرقابها الغرب يرسم خطـّــته ويحــطّ ويشيــــل ويـزيح والشرق .. لو يزعل بهـا لابـدّ ما يـرضى بها حطّ العميـل وعاملـه .. واحوالهــم كلـــش منيـح وشعوب يعرب لاهيه فـ الكلمه وفـ اعرابها ؟ من سايــر الأيــام وردّ أعلومــها ماهـــو صريح يا اللي تراجع فهـــرس الأحداث فلّ كتابها وحكـاّمنــا .. آمنــت بالمعبـود نافخهــا المديح وأكثر ما يشغلها مقاس إبدالها وثيابها ! تصفنـّــا للحــرب .. وحـنــّا نستــعد ونستــريح وترتاح في ســدّ القصـور المحكمات أبوابها أهل الظفر وأهل الكرم .. راحت ذليـلٍ مع شحيح أثر الفضايح كلــّـها .. من سترها وحجابها تمشي على دين النبي وتلوذ فـ احصون المسيح والناتـج الحاهــا تــردّ المشكله لـ اشنابها هـذا حصيل أعلـومـنا .. والمسـجد الأقصى جريح خمسين عام وعلــّته لاامسى بها يصحى بها |
جهاز قلبي لو يصيح .. أقرب جهاز أقرب جهاز يــرســـل ولا يـسـتـقـبــل إلاّ ذبـــذبـــه فــــــي ذبـــذبـــه بينـي وبيـن أهـل الهـوى تشويـش وأصـواتٍ نشـاز تلعـبّ بـي الموجـات وأعــوّد عـلـى الـطـرق ألعـبـه أنــا عـلـى شــطّ الخلـيـج وشـــف بـالــي فالـحـجـاز مـمـنــوع يـقـربـنـي وأنــــا بـالـمـثـل مـمـنــوع أقــربـــه صعـب آصلـه .. رغـم العلاقـه والبطاقـه والجـواز دونـــــه تـهـاتـيــت الـوجــيــه الـذاهــبــه والـمـذهــبــه شـبّـاب ومطـفّـي وثــارٍ بـيــن نـــار .. وبـيــن قـــاز وأنــــا مـشـبّــب مــــا هــويــت ألاّ عــيــون مـشـبّـبـه يـاكـثـر مابـيـنـي وبـيـنــه مــــن جــبــالٍ مــــا تــهــاز لكـنّ .. يـا صـفـق الـهـوى ودّ الـهـوى وإلاّّ جـبـه أطــــرّز أشــواقــي واسـيّـرهــا عـلـيــه آخــــر طـــــراز وسـلـوكـهــا ســلـــكٍ يـجـاذبـنــي وســلـــك أجـــاذبـــه العـام قلبـي مـن حجـر .. واليـوم قلبـي مـن قــزاز ويــوم أنـكـسـر صـدّقـنـي وحـلـفـت لـــه مـــا أكـذّبــه يـاصـاحـبـي مـمـنــوع حــــبّ ٍ بـيـنـنـا وإلاّ مــجـــاز أبكـتـبـه فـــي لـوحــة الـعـشّـاق وأن مـــتّ أشـطـبـه كـسـبـتـنــي وأبـــشّـــرك نـــاجـــح بـتـقــديــر إمــتــيــاز دامــك عـلـى وضـــح الـنـقـا حـلـيّـت كـــل الأجـوبــه مــا يـجـرح الـرجّـال غـيـر أنــه مــن ارجــالٍ عـــزاز ويشيلـهـا مــن لحيـتـه ويحـطّـهـا فـــوق أشـنـبـه ؟ |
. يا سيدي للحزن طابع وعنوان عبره وتنهيده وصمت وحسايف احيان نقدر نكتمه لكن احيان على ضفاف الصدر ساعي وطايف حجم الخساره ما تقدر باالاثمان لو تمتلي منها الظلوع النحايف من شهر ذا القعده ليا قبل شعبان. وسيل الدموع لمحجر العين حايف وفينا على الشده من الصبر بلدان لو لافنا من مجهم الوقت لايف ما نبكي اللي ممتلي صدره ايمان والمستقيم اللي ذنوبه خفايف نحزن علي اللي عاش ما كنه انسان اللاهي اللي حزة الموت خايف ولو عم في شاسع سما نجد الاحزان وامسى على كل الاقاليم ضايف نجبر عزانا في بقا عز الاخوان |
.
عزى الصدر دبك البوح واجهز مع التبجيل على الصمت مع طاري حبيب ٍ لفى ذكره على مهجة ٍ /من طبعها ترفض التقليل بساحة خيال ٍ فيه الامواج تعتكره تضيع بسما ذاك الترف فيه والتدليل تدور بعينه بيت واحد وتبتكره بناجيه/يسكن وآهل القلب له تآهيل ولا اعاتب النسيان لا صار يفتكره ياوجه الصباح /اللي على ساقته تهليل معك شاعرٍ ما فاق باقي على سكره مع احلامه اللي مالها بالحشا تاويل تنفس شعور ٍ جاب طيفك على فكره رسى في ضفافٍ شب لك بالدجا قنديل تعاطف له الافكار ويسوق لك بكره يحوم الفضا مع غيبهك ما رضى التبديل يسوم الثريا : وانت لاجيت تحتكره |
اسرتني في غرامك وانت قلبك صخر .والشوق يقفي ويقبل بي على منهلّك انته سمايه وفكري فيك حرٍ شهر لا ضاق صدره من غيابك رجع يدهلك يوم المشاعر دعتني لك عبرت النهر لين انكسر منك مجداف اللقا وانفلّك وجفت ينابيع قلبي لين مات الزهر والحظ دونك تعثر واحسبنه سلّك اللي خفا من مشاعر قلب واللي ظهر ما شي ملكي لحالي جتك منك وإإلِكّ انا ملكت الشجاعه واعترف لك جّهر اني متيم بحبك وانت وش تمتلّك؟ تغيب ساعه تغيب ايام ولا شهر ترجع وتلقى الضلوع العوج تستقبلك ما به تغّير على خبرك سهر في سهر وان مر طيفك بعيني قمت ادير الفللّك قطفت في غيبتك ورد وشربت البحر وطوعت حرف القصيد وجيتك اكبر ملّك شف كل حساد حبي فيك ماتو قهر والحق على قلب منك وفيك ذاب وهلّك |
احدٍ خياله لا كفح يبعد الحوم
عدى على روس الجبال النوايف واحدٍ خياله بس في غرفة النوم هافي ولا يبري الجروح الطفايف |
يـاحـظـرة الجـزلـيـن يــــا حــظــرة جــنــاب الـمـنـتـدى ويـا حضـرة المبـدع ويـا حـضـرة جـنـاب المشتـبـه وياحضرة الي مـا انطـرب للبيـت لاجـاء بـه ردى ويــا حـظـرة الــي كــل بيـتـن هــزل لا قـيـل اطـربـه ويا حظرة الي ضيع المسحوب في طرق الحدى ويـــا حـظــرة الـــي يــرفــع الـمـكـسـور ولا يـنـصـبـه لحـظـه مـعـي جـبـت الخـبـر وافــي وهــذا المبـتـدى الشـعـر بـحـر وكــل شـاعـر لــو بـغـى مــا يـشـربـه الشـاعـر الــي مــا يـقـدم جــزل لــو يـتــرك ســـدى مـــا زاحـــم الـشـعـار بـالـسـاحـه ولا مــــس اشـنـبــه اول نـدى مـن خـاطـري يــا صاحبـنـا واخــر نــدى الشعر شيخـآ لا احتمـى الميقـاف يعـرف منسبـه والي على قانون ذيب ان كـان مـا هـرول عـدى اخــر زمـانـه ضــاع بـيـن الـنـاس والـعــدي اتـعـبـه الشعـريـثـمـر بـالـمـطـر مــاهـــو بـقــطــرات الــنـــدى لا تضلـمـون الشـعـر دامــه بـيـن نـاســه واعـربــه ســلام مـنــي يـــا جـبــال اطـويــق وجـبــال الـهــدى ســلام مـنـي يــا ضمـيـرن مستـتـر جـيـت اعـربــه يالشامـخ الـي لـو تـروح الـروح مــن شـانـه فــدى لـبـيــه يــــا عـيـنــه ولــبــى الـكـحــل لاجـــــا مـذنــبــه اهـديــك شـعــر ولـجــل عـيـنــك بـتـصــدى لـلـعــدى وصـافـي الـذهـب لـوكـان غـالـي بالمنـاجـم نجـلـبـه اهـيــم فـــي بـحــر الـخـيـال بـفـكـرتـي لـبـعــد مــــدى شاعـر وترجـم لـك شعـور الشعـر واختـار اغذبـه ان كان حرفي لا كتبتـه ضـاع مـا جـا لـه صـدى اقسـم يميـن بصـادق الا حسـاس مـا عـاد اكتـبـه |
إن مدحنّـا مامدحنـا غـيـر أســود الغـابـة لو عيال الذيب ترقصّ مع عيال الجنّي |
ذقــــت كــــأس الـمـحـبــه والــهـــوى والــغـــرام والـــحـــلا والـــمـــرارة مــــــن طـــعـــم كــأســهــا وإحـــتـــدنـــي بـــــــــوادي دون واد الـــهـــيــــام الـــقــــوي ربـــنــــا الله , لاقـــــــوى بــأســـهـــا وإحـتـريـت الـصـبـاح ونـــاح ورق الـحـمــام أبــنــي أحـــــلام يـهـدمـهــا عــلـــى سـاســهــا نـاس مـن بعـد ناس.وعـام مــن بـعـد عــام والـــدهـــر مـــاتـــرك لـــــــلأرض عـســاســهــا والـحـقـيـقــه مـــــــع الـتــقــديــر و الإحـــتــــرام تـــزعـــل الـــلـــي بـــرأســـه حـــطـــه بــرأســهــا ينـحـف الجـسـم مـاسـبـب هـشـاشـة عـظــام فــتــنــة مـــاهـــي بـفـتــنــه مـــــــن أســاســهـــا والـضـمـايـر مـابـيــن شـعــورهــا الإصــتـــدام جـــوف بــطــن الأمــــان وتــقــرع أجـراسـهــا دون أحـلــل حـــلال .و دون أحـــرام حـــرام مـــا أدري الـريــح ويـــن يــهــب نسـنـاسـهـا لاطــــعــــم لـــلـــشـــراب ولاطــــعـــــم لــلــطــعـــام كـيـفـنــا مـــــا أحـــــرق الـبــنّــه بـمـحـمـاسـهـا تشـتـب الـنـار وأصــل الـنــار بـــرد وســـلام نـزغـة إبلـيـس صـعـب نـحــس بإحسـاسـهـا نــنــزل ونــرحــل ورأس الـجــمــل فـالـخـطــام نـضــرب أخمـاسـهـا ونضـربـهـا أسـداسـهــا لــكــن آخــــر كــــلام الــلـــي عـلــيــه الــكـــلام قــدمـــك الــجـــره وكـــيـــف الـــقـــدم داســـهـــا كــيـــف نــدفـــع ثــمـــن بــضــاعــةٍ مــاتــســام إنسـهـا وإنــس عـمـلـة نـــاس مـــن نـاسـهـا شخص الحب شخصيا ً تشوف إنفصام وكــيــف صــلــب الـعــظــام يـلــيّــن يـبـاسـهــا لاتـخـلـيــه يــنـــدس مــثـــل رؤوس الــنــعــام إكـــشـــف الــخــطــوة بــخــطـــوه وبـقـيـاســهــا الــمـــحـــبـــه لــيــالــيــهـــا لـــــيــــــا الــــــحــــــلام تـعـمـل أعمـالـهـا وتــجــزي مــــن أجـنـاسـهـا أنــظــر لـعـالــم الـعــالــم عــلـــى خـــــط عـــــام مــــــن لـــبـــن زبــــــدة الـــزبــــده ولـحــاســهــا حـــط قـوسـيــن لا لاحـظـتـلـك حــــرف هــــام وتـأجــد الـلــي حـــرم عـيـنـك مـــن نعـاسـهـا |
قــلــيـــلـــه الــمــوهـــبـــه وجـــــودهـــــا فــالــشـــعـــرّ وأنـــا أحــمــد الله وجــــدت الـشـعــر والـمـوهـبـه والله سـبـحـانــه لـــــه الــحــمــدّ ولــــــه الــشــكــرّ أبــــا أطـلـبــه وأشــكــره وأبــــا أشــكــره وأطـلــبــه وأعــاتـــب الـنــفــس لاتـخــطــي قــبـــل تـعــتــذرّ قبـل الخـطـأ . والـعـذر .تمـنـع حــدوث الشـبـه وأنــــا خـيـالــي جــمــع بــيــن الـشـعــر والـــــدررّ للـشـعـر مـكـسـب مــــدام إن الـشـعــر مـكـسـبـه خـيـال(ن)يــدور دوره فــــوق ســطــح الـقــمــرّ عـاقــل ضـمـيــر .وضـمـيــر الـعـاقــل يـخـاطـبـه وأبـعـد جـمـيـع الـهـقـاوي حـســب بـعــد الـنـظـرّ عـشـان أنـبّـه بـهـا الـلـي مـــا إنـبـتـه ..ينـتـبـه والــنــاس ذاقــــوا مــــن الأيـــــام حــالـــي ومـــــرّ الــلــي مــشــط لـحـيـتـه والــلـــي فــتـــل شــاربـــه لابــــد أثــــار الـخـطــر تــرســم عــلامــة خــطــرّ وإن كـــــان مـنــكــوب حـــــظ الآدمـــــي يـنـكــبــه زال بهـلّ الخـيـر خـيـر وفــي هــل الـشـر شــرّ الــخــيــر نـــقـــرب مـــنــــه والـــشــــر مـانــقــربــه ولـيــا بـقــى فالـحـيـاه أيـــام(ن) أدهــــى وأمــــرّ الــبــاطــل أجــابــهــه بــالــحــق لـــيــــن أغــلــبّـــه بــعــد عــبــرت الـشـعــر عــبــر بــحــوره عــبـــرّ مــانـــي بـمـحـتــار كــيـــف أقــــــرأه وألا أكــتــبــه كملـت (رحلـة عمـر).. مـن ربـع رحلـة عـمـرّ وأبـــــا أجـتــهــد وأبـــــذل الـمـجــهــود وأزيـــدبـــه وبكـل خـطـوه عـلـى الــدرب الـصـواب أستـمـرّ طـيـر السـمـاء فالسـمـاء والـذيـب فــي مـرقـبـه أقــولــهــا مـــــــن ثـــقــــه وأفـخــربــهــا وأفــتــخـــرّ والـكــذب مـــا أصــدقــه والــصــدق مــــا أكــذبــه مـــــن دورة الــوقـــت كـــــل مــجـــرب ومـعـتــبــرّ عــنـــده حـصــانــه وثــقـــل الـــوقـــت مـايـتـعـبــه ألا مــــــن الـــمــــوت والـمــيــعــاد يـــــــم الــقــبـــرّ والــعــالـــم الله .بــمــوعـــد مـــوتــــه .وبـســبــبــه وإن راح عـلـم وخـبـر وإن جــاك عـلــم وخـبّــر الـكــون عـــن مـشـرقـه يـــدرون أهـــل مـغـربـه والـــلـــي بــــــدرب الـمـحــبــه والـــغــــرام إنــعــثـــرّ عـيـنــه تــهـــل الــدمـــوع الــلـــي تــبـــل إهــدبـــه والــلـــي عــلـــى خــاطـــري مـنـتـظــره ومـنـتـظــرّ صـــبــــرت والــصــبـــر مــــر.ومــــرّه الــتــجــربّــه يـالـلــي مــــرور الــكــرام اتــمـــر مــتـــى تــمـــرّ؟ أنـــا عـلــى الـــدرب وأنـتـظـرك مــتــى؟ تـمـرّبــه دورّتـــلــــك مـــــــار مـاعــيــنــت جــــــــرّه وأثــــــــرّ والمشـكـلـه حـيــرة الـصـاحـب عــلــى صـاحـبــه الله عــســى غـيـبـتـة مــاغـــار غـيــبــة ســفـــرّ الــغــيــبــه الــــلــــي تــــــــرده بــــعـــــد مـاتــغــيــبّــه كــــم حــالــه تـصـيــب كــــم عاشق.ولاتـسـتـقـرّ حـــــــــالات مــعــتــدلـــه و حـــــــــالات مـتــقــلــبــه كم عاشق (ن) فاقد(ن)له غايب ..ولاحضّر مـــــن عــقـــب مــاهـــي رديّـه.حـالـتــه. طــيــبــه الحـمـل حـمـل الـظـهـر والـحـيـل حـيــل الـظـهـرّ مـــــدري يـــبـــا يـطـيـحـبــه وألا يـــبـــا يـقـومــبــه ياثـقـل طــول الصـبـر. يـاطــول لـيــل الـسـهـرّ فـــــأيـــــام مــتــبـــاعـــده وأوهـــــــــــام مــتـــقـــاربـــه والله يـعــيــن الـعــيــون الـــلـــي تـــهـــل الــعــبــرّ دنيـا....(وفـالـنـاس).نـاس بناس.مـسـتـذنـبـه ماهيب غصـب ورضاء.ماهيـب طاعـه وأمـرّ ألاجــــنـــــون الــــغـــــرام حــســابــهـــا تــحــســبـــه عـلاه أبـا أضحـك بـدون شعور.وأبـكـي قـهـرّ وأظـــن يـــوم الــزمــان يــمــر مــــا أحــــس بــــه تـأثـيــر غـيـبـتـك فــــي كــــل الـجـســد مـنـتـشــرّ إرجـــع وأبـــا أعـطـيـك قـلـبــي وإخــــذه وعــذبّــه |
تــراودنـــي افــكـــار وجــمـــل واخـــتـــلاط شـــعـــور بــعــد شــــحّ طــــول الـخــيــط وانـعــاجــت الابـــــره فــيــا ربــــي ألـجـمـنـي قــبــل نــطــق فــاهــي زور و لا تــتّــخــذ مـــنّـــي لـــهـــدي الــبــشـــر عـــبــــره احـــب القـصـيـد ولا اكـتــب لـخـاطــر الـجـمـهـور بسـيـط . وعـلــى فـالــي . ولـــي بـالـزمـن خـبــره ياكم ( اميّ ) اولى بالشهاده من ( الدكتور ) وياكـم مـن( صغيَـر ) سـن بالعقـل ( يـا كـبـره) اغـنّــي . وانــــا مـانـيــب رايــــق . ولا مــســرور تــــمــــرّ الــتـــجـــارب كــــــــل عــــاقــــل وتــخــتــبــره تـعـلـمــت اشــيـــاء مـــــا ابـيــهــا لــكـــن مـجــبــور حـــدانـــي عـلـيــهــا الـــوقـــت .او قـــلّـــة الـــدبـــره تعـلـمـت اجـامــل نـــاس تـآقــف مـــع الـحـنـجـور عــلــى شــــان خــاطـــر نـــــاس واغّــيـــر الـنــبــره لكني نظيف احسـاس . مااعيـش فـي هالـدّور ومثـل ماخبرنـي (الصـدق ) بـاقـي عـلـى خـبـره رحــاة السـنـيـن تـــدور . وتـــدور . ثـــم تـــدور و وجــــه الــزمـــان يـــــدور . ويـواجــهــك دبـــــره ابــــو كـــــفّ مـــــا يــقـــدر بـكــفّــه يــغـــط الــنـــور وابــو شـبــر مـــن دون الحقـيـقـه قـصــر شـبــره رفيـق الحَسَـد.. عـن كــل كلـمـة قـفـى مشـكـور ( مسـامِـحْـك ) كـــلِ لــــه ذنــوبــه . ولــــه قــبــره يكـفّـي علـيـك مــن الحـمـل( كـبـدك الـمـمـرور ) وعلى حملك ( انت براسك ) .القاع يـا صبـره مـع ان ( التسامـح ) للاسـف لـه كـذا منـظـور ( عـفــا الله عــنــك ) وكــيــف تـعـتـبـره إعـتـبــره |
آحبّها و اودّها و / الحقيقه !
كلّ المشاعر ما توصّف غلاها حبيبتي و الوصل ما له / طريقه ! إلاّ تحمّل للجروح و شقاها قلبي رهين الثانيه و الدقيقه ! يشقى و روحه ما يهوّن بلاها وأنتي على وصلك نفوسٍ تعيقه ! لكّن بموت ولا حصلّي رجاها |
حـــوريــــة الــبــحـــر الـعــمــيــق أنـــــــا الــخــيـــال وأنــا السـكـون وصـاحـب الـظـل الطـويـل قــــضــــيّــــةٍ لــــلــــحــــب مــــــــــــا فــــيــــهــــا جــــــــــــدال لا تــــقــــبــــل الــــتــــأويـــــل والــــــحـــــــل الــــبــــديـــــل إجــــــابـــــــةٍ لا تـــنـــتـــظــــر طـــــــــــــرح الــــــســـــــؤال هـــل فـــي ملاحـمـهـا بـحـصّـل لـــي مـقـيــل يـــــا مـسـتـحـلّـة روضــــــة الــقــلــب إحـــتـــلال هـــل لـــي بتـحـقـيـق الــوصــال المسـتـحـيـل يـــا دوب يــــا دمــــعٍ عــلــى الـخـدّيــن ســــال ذكّـــرتـــنــــي بـــأبــــشــــع تــفـــاصـــيـــل الـــرحــــيــــل لــلــدمــع فــــــي عــيــنــاي رقـــصـــة وإحــتــفـــال وأنــــــــــا إنـــكـــســــاري إنـــكـــســــارات الــنــخـــيـــل هــــــــــــلاّ غــمــرتــيـــنـــي بـــعـــطـــفـــك والـــــــــــــدلال حـــــتـــــى أجـــــازيـــــكِ بـــنـــكــــران الــجـــمـــيـــل ! هـــــــــذا هــــــــــو حُـــــبـــــي ولا فـــــيـــــه إحـــتـــمــــال أُحــــب أن أُعــشـــق ولا اْرضـــــى بـالـقـلـيـل وإذا عــشــقـــتـــكِ صـــــدفــــــةً هـــــــــــذا مـــــحــــــال فـــتــــذكــــري كــــــذبــــــي وتــمــثــيـــلـــي الــــهــــزيــــل هلاّ أصطنعتي القبح في حَرمِ الجمال حــــــتــــــى أرى نــــفــــســــي بــــمــــرآتـــــي قــــتــــيـــــل صحيـح أحـب الحـب وأخـاف الـوصـال وتــــــــــرددي لا يـــــهــــــدم الـــحــــلــــم الــجـــمـــيـــل فـــــإذا وجـدتـيـنــي مــــــع قـــصـــص الــخــيــال فـتـذكّـريـنـي , صـــاحـــب الـــظـــل الــطــويــل |
ياسمـي المـاس واللـول وانــواع العـقـود ياكريـم النـفـس يالـتـرف يــاذرب المـقـال الغلا ماهوب ينقص..(حـرام انـه يـزود) والصبر مثر بحالـي وطـال الصبـر طـال والوعـد طــول والايــام ماتـوفـي الـوعـود كان مايوفيه عذب اللمى صعب المنال بلغه حبي .. وربي ..وخلق الله شهـود الخسـاره فـي فراقه..وشـوفـه راس مــال |
طال الزمان وجرح الايام ماخاط ينزف وعيا لايوقف نزيفه |
ياآبو مساعد وقفت بي على الشاط الموج عالي والسباحه مخيفه تعبت ماباقي من الجهد قيراط دفيتها لين ابركت في النصيفه في رحلةِ مابين تموز وشباط عنوانها واضح بصدر الصحيفه راحت سدى باسباب تفريط وافراط واستنزفت دم القلوب النظيفه لوكنت من شيد حضارات الانباط فوق الجبال الشامخات المنيفه ولو كنت بالحكمه منافس لسقراط باح الكلام , وصدرتبي امعيفه طال الزمان وجرح الايام ماخاط ينزف وعيا لايوقف نزيفه الياطرى لي شخص غايب , تنساط كبدي ,,وقلبي مايهود رجيفه لكن دنيا خاتمتها ضعيفه ماتصفي الا مع منافق وخراط ومعوقِ باقي لجده خليفه رزقه حرام ولايجي غير نقاط وغير النذاله مالقى له وظيفه يجعل يلقطهم من القاع لقاط ومن الغضب تنزل عليهم قذيفه تضرب جماجم روسهم ضرب مخباط لين الوليف يقوم يلعن وليفه |
يـالـغــالــي الـــلـــي كـــنـــك بـقـلــبــي اتـــويــــق جــرحـــك كـــريـــم .. و ذكــريــاتــك كــريــمــه أنـت و انـا .. نشـبـه حـضـارات الأغـريـق الـــقـــوم راحــــــوا .. و الــحــضــاره مـقـيــمــه |
لـلـســاعــي اشــــــرب ذل الايــــــام يُـــمّـــه مــا ظــن يـصـفـى جـــو الايـــام ويـــروق انــــا الـيـتـيـم الــلــي مــــلا الــدمــع كــمّـــه مـــا كـسَّــر الـخـاطـر ولا كـسَّــر الـطــوق وانــا النحـيـل الـلـي نـشـف نـبـض دمّـــه من حمل صعب وشايل الحمل مطبوق اطــــرد ســــراب الــمـــا ولاقْـــــدرت الــمّـــه يـمــه كِـــذِبْ مـــا كـــل مـطــرود مـلـحـوق لــــو كــــان بــاقــي عــنـــد الايـــــام ذمّـــــه كـان ارتفـع حظـي مــن الـقـاع لا فــوق ولـوكـان هـــذا الـقـلـب مـــا شـلــت هـمّــه مــا شـلـت هــم الغـيـر والقـلـب مـحـروق يــمـــه وقــلــبــي كـــيـــف يـــنـــزاح غـــمّـــه لا صــــارت الأيـــــام مـــــا عـنــدهــا ذوق هــذا الـسـحـاب ابـعــد ولا عـــدت اهـمّــه كيـف السـمـا تمـطـر بــلا رعــد وبــروق اذكـروانـااحْـبِـي شــامــخ الـغـيــم اضــمّـــه كنـت احسـب الدنيـا تساهـيـل وشــروق والــيــوم مــــا صـــــارت حـيــاتــي مـهــمّــه وشلـون الـمّ الريـح فــي شــنّ مـخـروق مــازلـــت احـــــارب مــــــر الايــــــام يـــمّـــه يـالـيـت يـصـفــى جــــوّ الايــــام ويــــروق |
مهما يجيك من الخطأ من رفـيـقك
حـاول تـغـاضـى والـخــطـأ لا يـجـي مـنـك ترى رفيقك لـو وقـف في طـريـقك مثل الرصيد أن (قل) وأن (زاد) في البنك |
(الا يالله كـان اللي ) بـقـالي يـشــبـه اللي . راح تـعـوضـنـي بـمـوت مـايـســرّ قـلـوب عـدوانـي ورب الـغـيـث عـمـر الارض . مـاخـانـت عـرق فــلاح ولـكــن السـنـابـل خـانـت الفـلاح واغـصـانـي وانـا يالريم , يالريم..!! يالريم!!! لا لاح صـباح مـن الظـلام المـسـتبـاح .. وضــّوّت اركـــاني اجـي .. يالريم هااااك البسيييط . المتعب . المرتاح واروح المـسـتـبـد المستجـيـــــــر بـظــل حـرماني تعـبـت بـراحـتـي.. مدري . ! (تنطّـحـت التعب مرتاح) سهوت بـ (سجدتي ) مدري..سجدت بغفلة احزاني هـنـا يالريم. واللي سقاك من السماح اقداح اذرّ الشـعـر بعـيـــون الســهـر وترمّــد اجـفـانـــي ق ص ي دي يا صـدي ق ي ياقـصـيدي والغــلا . ذبّـاح عـلـيـك الله تـذكّــــرني بـذنـــبـه ليــن يـنـسـانـي سـريـتـك مـامـعـي غـيـر الـظـلام وحـسـرة المصباح ضـويـت ولاهـقـيـت انـك تـخـيّـب هـقـوة الـعـانـي قـصـيـدي .. والسهـر مـوحـش بدونه والدروب اشـبــاح دخـيـلـك عـدّنــي لاول طـريـق الـصـبـح واجـفـاني احـبـه كـثـر .. ماعـطـره بـ( ثـوب الـذاكـره) فــّواح احـبـه كـثـــــــر مـا تـنـــبـش طـيـوفـه جـرح نسـيـانـي احـبـه كثر مـايـزرع غـيـابـه بالظـنـون رمــــاح كـثر ماوحشته قامت تـمـخـطـر وسـط شـريـانـي احـبـه كثر ماياما.. يـقـول ان ( الجمل ) لاطـــاح تـرا"المجني عـلـيه"..اللي عـليه يراضـي"الجاني" وهـنـا يالريم واللي وهـبـك مـن الـدمـوع سـلاح شـربت من الغـــرور ولارويـت ســـطـور وجـدانـي امـانـه لاغـدت بيـن.. الفرج . والصـبـر . والمفتاح انا!!.. مـن ويـن؟اضـيـع ليـابغـيـت اضـيـع والقاني |
اغيـب وابعـد وانشـغـل واحــاول انـسـى مانسـيـت ماتنـسـى ذكـــرى السـنـيـن الـلــي مـعــك قضيـتـهـا حـاولــت كــــم مــــرة وكــــم مــــرة ولــكــن مـاقـويــت حـتــى لــــو ان ذكــــراك مــامــرت عــلــي مـريـتـهـا ان كـان عنـدك حـل قلـي سـو كيـت وسـو كـيـت فـــــي ذمــتـــي مــاعـــاد بــــــه ســــــواه مـاسـويـتـهــا وشـلـون وانــا كــل ماتـطـري عـلـي مــت وحـيـيـت لــــو أن مــعــي قــــدرة عــلــى نسـيـانـهـا نسـيـتـهـا بغـيـت احــب ايميـنـك الليـلـه وخفـتـك واستحـيـت لـــولا الـحـيـا والـخــوف خـــذت ايمـيـنـك وحبيـتـهـا ابـك انـت مستولـي علـى قلبـي وعقلـي كمبلـيـت تـــقـــول كــنــهــا نـــامـــت بــحــبــك ولا صـحـيـتــهــا حتى القصيد اكتب وتطلع صورتك في كل بيت كــم مــن قصـيـدة فـيــك لا عـــد الـشـعـر عديـتـهـا ماهـو بسيـط فــراق مــن بنـيـت حـبـه بـنـي بـيـت مـرتــاح مـــن صـبــك لسـيـسـانـه ومــــن تثبـيـتـهـا ويـروح فـي لمـح البصـر ويضيـع مـنـك مابنـيـت وســود الليـالـي عـقـب بيـتـك تدخـلـك فــي بيتـهـا وان قـلــت هـــذا واقــعــي رضــيــت ولا مـارضـيــت يـالـيـت نـفـسـي تـقـتـنـع بـالـلــي حــصــل يالـيـتـهـا مـن حظـي العاثـر تخيّـرت ابعـد الـنـاس وهـويـت والــوقــت قــاســي والـسـنـيــن الــعـــوج ماهـمـيـتـهـا ياليـت عنـدي علـم وش بيصيـر لــي ولا يالـيـت ثــنــيــت رجـــلــــي مـــــــن بـدايــتــهــا ولا عـنـيـتــهــا قلـي وش آنـا مستفيـد مـن الفـراق ووش لقيـت غـيــر المـشـاكـل والـهـمـوم الـلــي عـلــي جريـتـهـا ولا تـعـال انـشـدك وش خلـيـت عـنـدي ماخـذيـت حـــتـــى الــســعــادة خــذتــهــا مـــنـــي ولا رديــتــهـــا مـاعـاد بـاقـي كــون نـــار جـمـرهـا مـنــه اكـتـويـت وان شفـتـهـا بـتـمـوت ويـمــوت الـجـمــر كـريـتـهـا وان احسبنـهـا سالـفـة خلـصـت مـنـهـا وانتـهـيـت وارتــحــت مــــن كــثــرة عـنـاهــا واثــرنــي بـديـتـهــا ذبـحـت نفـسـي وبـيـدي حـفــرت قـبــري مـادريــت وجـــروح صــــدري كـلـهــا مــــن خـنـجــري لقـيـتـهـا وتبغانـي انسـى؟ والله ان امــوت وانــا مانسـيـت ماتنـسـى ذكـــرى السـنـيـن الـلــي مـعــك قضيـتـهـا محبـتـك بتعـيـش فـــي صـــدري وتـبـقـى مابـقـيـت فـالـقـلـب زارعــهــا ومــــن دم الــعــروق اسقـيـتـهـا |
سرى هم ولفى هم ونسى يسـري ! لوى عنق الظلام ونوّخ الخاطـر !! ندهت الليل قعّدته علـى حجـري ! ورضّعته أسى امس وغثى باكر !!! تصّبب ياقلم بنت الـورق تغـري ! وانا اللي بي كثير وصفحتي عاقر !! تعال انحت على وجه الورق قبري ! اواري به ملامح وجهي الطاهـر !! تجي ساعه اضم من الوله شعـري وساعه العن الأشعار والشاعـر !! تعبت استر خطاي وٌإلبسه عـذري كرهت ارث السنين ولعنة الحاضـر تعرّي يالقصيده واهتكـي ستـري ! تهادي في صباك وحسنـك السافـر ابي لاعانق شفـاه البشـر ذكـري يلوم اللي يلوم ويسخـر الساخـر!! انا اللي بعت ليدين الزمن عمـري انا المغدور في حلمه وانا الغادر !! شربت من الشقى لين امتلى صدري هـمـومٍ مالـهـا أول ولا آخــر سكتّ ولا نفع صمتي ولا صبـري تعبـت ولا عليهـن كلّهـن قـادر اعرف الصبر لا يلهي ولايبـري ! واعرف الوقت لامنّه جرح كافر !! واعرف ان التعّري للبشـر يـزري ولكنه يريّـح صـدري الزاخـر !! ابا اعلنها كذا من مـا درى يـدري انا هالحين خاسر ويش انا خاسر !! |
من كثر ما شفت ضعفي حطه الله قوه
وعقب لوعات الزمان إلحفظ سدي قااوي واه مـن همـن علـى قلبـي جديـدن تــوه كــل مــا يقـبـل عـلـي اللـيـل جـانـي ظــاوي |
.
لا تقـارب غيـب روحـي يـا جديـد الخـوه حافظـن سـدي ولــي قلـبـن علـيـه يــلاوي لو بـدى لـك ضـوح علمـي لا تقـارب نـوه فـي زهازيـم السـراب وتحسـب انـك راوي حبـل ظنـك عـن خفايـا قلـب مثلـي طـوه ماعـرف قبلـك نديمـي ويـش قلبـي نـاوي لا شكيت ولا بكيت وما بدى لـك سـوه ومـن جرحـه الوقـت يلقـى بالزمـان مـداوي فقـد غالـي وانـت وظـروف الـزمـان وســوِّه اجتـمـع هــذا وجـمـره والبصـيـر الـكـاوي حـطـهـا حـــدر الـخـفـوق وحـرِّقــت بـعـلـوِّه كـيــة الـمـبـغـظ ولا والله طـلـبـتـه يــــااوي من كثر ما شفت ضعفي حطه الله قوه وعقب لوعات الزمان إلحفظ سدي قااوي واه مـن همـن علـى قلبـي جديـدن تــوه كــل مــا يقـبـل عـلـي اللـيـل جـانـي ظــاوي |
اناوالمزهريه والتحف وغبار مكتبتي
ملل في غرفتي لين اصبحت سجني وسجاني هنا وهناك واحد دفتري واوراق صاحبتي مثل بعضه ما دام ان الفضا سقفي وجدراني سواليفي خرافة مرتبك تتبعثر اجوبتي غبا لاملت حروف الهجا من لثغة لساني تفاهه والقلم عاف الورق من عقم موهبتي كتاباتي سخافة بالعيون اللي تحداني حنونة طيبتي واذكر نصحتك ليه ما تبتي تجردتي سجدتي والنشيد المضحك ابكاني انا والا انتي المذنب .. انا .. لا انتي اذنبتي تعبت احكي وانا اقول الغلا لا يطب وجداني على فكره حنانك ما يوكل عيش واعشبتي وانا ليه افرش عيوني طريق لكل من جاني ياليتك ما تعطرتي بعطر ولا تخضبتي ياليت أقدر لو بورد الحدائق أدفن أحزاني رحلتي لاخر حدود الربيع هناك وش جبتي فتات الخبز والغيم البكر مر وتعداني بغيت اغير اطباعي واشيلك ذنب برقبتي حضنتك والقصيد اثمر قبل لا تورق اغصاني سلامات تطولك معشبه للغيم وان غبتي تظلين اخضري قبل الحياة تبدل الواني هداياي المطر والغيم يضحك من ملاعبتي خوي الغيم واسافر معه كنه من اخواني قصيدي يطرب التفاح يثمر تحت طبطبتي زرعته حب للعصفور قبل اهديه جنحاني يغرد كني العصفور بين اشجاري ونبتي اريد النجم يكتبني قصيدة حب واقراني مع اني ما ملكت الا قلم يلهث بمكتبتي رسمت السجن لعيوني فضا واغتلت سجاني |
طول غيابك عن هوى الشرقيه
وسبب غيابك صدمة الأجوائي حر ن شديد وازمتن فعليه وضجه عميقه سببت ضوضائي تعبت اجاوب لحن هالقمريه في نومة العالم بعد غوغائي قمرية غنت لحن ما زيه تعزف لحنها والهدف إغوائي جاوبتها باللحن والحنيه وارسلت من قلبي غلا واضوائي ولاجلك زهمت الساحه الشعبيه ونورت فيها بفكرتي وأرائي ياحي راسك يالغلا ياحيه انفاسك أجوائي وريقك مائي يادرة مثل الذهب محميه ذكرك ضرب بين البشر أصدائي ياعين حر نظرته ماريه غيضي عدوني واعدا أعدائي بالنظره الجذابه السحريه من هولها نرفع لك الألوائي انا خزينة صدري الحريه وانتي لعبتي بقلبي المستائي صفيتي حساباتي المغويه فنانةٍ في عالم الاحصائي حتى جعلتيها صفر بالميه بعده توغلتي بوسط أحشائ |
قلبي اللي وسط صدري من غنايم غيري قسـمـة الله مــع حبيـبـي قفـلـه ومفتـاحـه كــــل مـاحــاولــت ارده يـخـتـلــف تـدبــيــري ماشعر اصلا لاسترديته بـ.. طعم الراحه |
http://www10.0zz0.com/2013/03/14/10/841081613.jpg سطح البحروالجو صافي,على الشمس روعــة زراقـــه مـــع زراق الـسـمـاا غـيــر جـيـتــه لـحـالــي لـيـلــة الـبـارحــه وأمــــس أكـتــب عـــن أحـــداث المـقـاديـر تـقـريـر مامعـي غيـر الـشـااي للخـاطـر العـمـس وقـــافٍ يـثـيـره هـــادي الـمــوج والـطـيــر, |
سبحان من ميزك عن كل الازوال الشعر منصاع لك .. واللي يقوله بالله سلم لي على حبة الخال والا على رمش العيون الخجوله |
واهني اليدين اللي تصافح يدينك واهني العيون اللي تطالع عيونك ليتني بين يسراك استريح ويمينك واترك ازعاج قلبي يندفن في سكونك |
من لاتجيبه فـ الظّروف الحميّا .!!!
لاعاد ترجي من ورى خوّته .. خير |
لـ اللي بغى يزعل .
.. قلتي انّي نجم يسطع في سماء الشعر نوري والحقيقه ماهو إلاّ نورك انتي .. يافريده انتي الشّاعر لانّك انتي من حرّك شعوري ولاّ انا لو لا غرامك .. ماكتبت وْلا قصيده ايه صح لسانك حبّك لإحتفائه في حضوري وعانك الله فـ الجديده .. عانك الله فـ الجديده |
الشّـــــعر .!!!
الشّعر مهما يعتلي بـ المشاهير ..!! يبقى شـعر .. ماهو صحيح البخاري . |
.. هذا جدى الشّاعر .. تناهيد واوراق بين الخيال وبين بعض .. الحقايق يكتب معاناته .. وتفرح بها اذواق يصنع من جروحه .. فرح للخلايق . |
الشوق كلمه تحتها خطين
كلمه وخليها على .. بالك الشوق ريشه والورق خدّين بروازها .. من ليلك الحالك |
انــا مـــن الـلــي مـجـدهـم يـرفــع الـــراس قــبــيــلــةٍ يــــــــا حــيـــهـــا مــــــــن قــبــيــلــه يشهد لها التاريخ غصبٍ على الناس وتـشـهـد لـهــم قـــب الـخـيـول الاصـيـلـه وافـعـولـنــا مـاهــيــب هــــــرجٍ بــقــرطــاس افـعـولـنـا ضــــرب الـسـيــوف الـصـقـيـلـه لا ثــــارت الـهـيـجـاء ودقــــن الاجــــراس يـــامـــا قـطـعــنــا مــــــن خــلــيــلٍ خـلــيــلــه |
لـــو الـخـطـاء بـيــن خـلــق الله جـــزاه الـصــدود مــاعــاش فــــي هـالـزمــان الاّ عــيــال الــحــرام عـشــت الـغــلا فـــي شـبـابـه لا تخـلـيـه عـــود! والـعـود مـــا يـطـلـب الله غـيــر حـســن الـخـتـام |
| الساعة الآن +4: 01:49 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
