يا ابنا رشيد اللي على العز والطيب = أمانة ٍ معكم تودون ردي
للصاحب اللي ما جهل بالمواجيب = اللي بميقاف الشرف مستعدي
هذاك ابو توتو زعيم اللواعيب = أقولها لو كانت الناس ضدي
ينقض كلام اللي يشذ العراقيب = ويثبت كلام الطالب المستجدي
يملك عصا موسى وشلفا تراحيب = من دون حقه ما يجيك امتعدي
مثل الذهب غالي ولابه عذاريب = ثابت على طول الزمن ما يصدي
سلام مني له على حسن ترتيب = تسليمة ٍ تنصاه رغم التحدي
أمنزهه عن جملة الشك والريب = ومبعده عن خايب ٍ ومتردي
الشمس تشرق فوق الاوتاد واتغيب = وانا منام الليل غير بمهدي
ما فادني فالوقت كثر التجاريب = الوقت بيح يابن الاجواد سدي
وأقفت ركابي عن عدود ومشاريب = غصب ٍ ولا هو يالبناخي بودي
وأحترت بين أني أودي ولا أجيب = وبلشت في ناس ٍ تجيب وتودي
وحفظت الي كلمة ما تلقى بها عيب = قد قالها لي فالدواوين جدي
يقول لا صاحبت عكف الاشانيب = أحفظ مقامه لو يغيب ويصدي

صباح الخير يا دار ٍ بناها عاد ابن شداد = ويوم ٍ كمل أبناها كتب للبيع يا شاري
على الاطلال لو تبكي عيوني ما لها نشاد = أجي للدار وأعود وأنا محتار بفكاري