.
.
أهديك كلي وانا كلي لمعاليك
وأهديك كل الورد وأحلى رحيقه

من قال ماحبك ولا ابيك وابيك
هذي خرابيط شاعر بحكم السليقه

مسّاك بالخير ياللي عن علومي نشدت
تنشد وتتعب عن علومي وتاخذ بها
لو المدايح تعز الشان فيك اجتهدت
لكن جهدك ومعروفك جميل(ن) بها
سويت فيني جميلك وأحفظه مازهدت
كلن ينام وعيوني نومها كبها
فعل الوفاء من يدينك طايله لك شهدت
ويمناك فـ.. الطايلة من شافها حبها
جدك سمّي المكارم وأنت فيها صعدت
والعز لك رايةٍ تشتاف في لبها
والله لو ان يميني تكتب اللي حددت
ماكان تلقى الفرايد عند من صبها
لكن يكفي عن التعبير شرحي وجدت
ان الكفو للمعالي كفو من ذبها

من يعرفك يحتار في وصف شكلك
لان الجمال اللي يداعبك مغرور
بالحيل احبك واعشقك .... اصلك
ميّت بحبك صدق ياسيّد الحور
علمتني عقب الجفاء كيف وصلك
وعلمتني كيف الصبر يلعب الدور
وعلمت روحي كيف ترتاح لجلك
يعني معك بشعور والا بلا شعور
يازين تفكيرك وياكبر عقلك
والعمر توّه يعني وعدة شهور
يابو الدلع هذا مكانك ونزلك
خل الضلوع تصير لك صف طابور
على الوفاء دائم ومديت حبلك
يرق الوفاء لاناض في خدك النور

.
.

الحب شجرة والحبايب تفيّت
في ضلها محلا بياضة جبينك