وهبتـك .. اكثـر مـن اللـي كنـت تتوقّعـه=واقـل ممـا توقعـت انـي آخـذ .. خذيـت
ادركـت بـإن اجتهـاد القـلـب ماينفـعـه=ان ماوفا الحظ ماانت بمهتنـي .. لـو وفيـت
وآمنـت بـإن الـقـدر لاحــل مانمنـعـه=لو تقضي العمر كله في : ( لو اني ) و ( ليت )
( قلبي ) و(قلبك) و(انا) و(اياك) كنا .. اربعـه=و(رحت) وخذيت (الثنين).. ووحدي اللي بقيـت
الوحـده الموحـشـه والـصـده الموجـعـه=غيبوبه.. تشوفنـي صاحـي وانـا ماصحيـت
ياشامتين اشمتوا ( يازيـن هـرج السعـه )=فرحتوا بجرحـي الدامـي وانـا ماشكيـت؟!!
مااوجعني انـه زعـل وانـا عجـزت اقنعـه=اوجعنـي انـه رحـل فجـأه وانـا مادريـت
لو قال : برحل .. بقـول : ابوابـي مشرّعـه=حنـا بـدو بـس نـدرك قيمـة [الايتيكـت]
ماابيـه لـو شوقـه احـرق قلبـه ورّجعـه=قسّتني الوحده .. وطحـت ووقفـت وقسيـت
بعتـه بعـد عزتـي صاحـت وقالـت : بعـه=مثل ماعاطفتي اّول قالت : إشـر .. وشريـت

غلطان من قال المراجل .. توافيـق=والمرجله ، بحرٍ صعيـبٍ مخاضـه


ولا كل مخلوقٍ .. نمـا فالمخاليـق=يزرع على بيد المراجل .. رياضـه


رجلٍ ، وصوفه من وصوف الغرانيق=ورجلٍ ، على الصعبه يقود انتفاضه


تنقش كفوفـه .. قيمتـه فالمعاليـق=ونفسه على (والنعم ) ، تلعب رياضه


الله يبيّض ، يا(خـويّ المطاليـق )=وجهك ، وهو بالفعل بيّـن بياضـه


ذيبٍ مكانك .. فوق روس الشواهيق=يوم ان غيرك .. رابضٍ في رباضه


الله ، بلانـي بالنجـوم المطافـيـق=والوقت هـذا .. كثّـر الله مراضـه


حتى الرجال اللي عطونا .. مواثيـق=راحوا مثل مدحت .. ورشدي اباضه

نقر العصافيـر .. فـي شبّاكـي المغلـق=ادمـى مناقيـرهـا .. مـاهـد شبّـاكـي
تحـاول تثيـر ثاراتـي ..عشـان ازلـق=وانا ، بفضل القوي رب السمـا ..واكـي
ماهوب انا اللي من علوم الضعوف .. اقلق=لاوالله الا ورودي ..تـذبـح اشـواكـي
لو كنت طلق الكـلام .. سكوتـي الاطلـق=ماودي اكبّر الشكـوى .. علـى الشاكـي