ياحي هالنظره وياحي هالقد=وياحي سودٍ ما يقاوم هدبها
يكفيك شر الحاسد الحاقد اللد=ويكفيك من شر العيون وسببها
ما كن خصرك من غذاء يدك يمتد=كنه تعدى يم غيره طلبها
شيٍ شكا جوعه وشيٍ شكاالضد=متعزلٍ وحقوق بعضه سلبها
متناسقٍ متضاد معزول منشد=متقاربٍ متباعدٍ من عجبها
كن إبعضه يسأل وبعضه له يرد=كنه مسافات التباعد حسبها
مثير مغري ما عنه غضه وصد=كل العيون ان مر فيها جذبها
ياود حالي حظ من كنت له ود=الا ياحظ اللي نسبه لنسبها
لو ان فيها يجمعه عاشر الجد=حظيظ لو ما شافها ولا قربها
تعد باسم لله يامايس القد=يحفظك من شر العيون وسببها

سلام يشرق مثل نورالشمس جلاي الظلام =يضفي شعاعه فوق وجه الأرض محدن يحجبه

يالله إني طالبك وانت حاضر ما تغيب = تغفر ذنوبي ونفسي عسى ما تعوقها

لوتكثر نجوم السماء مـا ينمـدح غيـر القمـر=هذا الدليل الواضح اللـي يفهمـه حتـى البليـد
الصقر لو حجمه صغير أجل مـن قـدر النسـر=وعذب الغدير يشابهه كذب السراب بصـدر بيـد
والفطنة بعقل الحكيم تزيـد عـن باقـي البشـر=وعنوان الإنسان الذِّكر والطيـب للطيـب رصيـد
والكلمة اللي ما تواجـه بالنحـر تحسـب غـدر=وأطباع خلق الله تفاوت والتقـي اهـو السعيـد
وأصل الحياة دروس وأخبـار ومحطـات وعبـر=والناس ما تُجمع سوى ياغير في يـوم الوعيـد
بس الأكيد إن العمر محسوب لـو طـال العمـر=وما يلفـظ الإنسـان قـول إلا يسجلـه العتيـد
النار تحرق والبطل مـن يمسـك بيـده الجمـر=واللي يقاوم مسكت الجمر الحمـر بأسـه شديـد
وإن ما قدرت ولا أنت قادر أومـن بيـوم القـدر=خلقـت بالدنيـا وحيـد وتنتهـي منهـا وحيـد
يعني تراك آخر مطـاف العمـر مسكنـك القبـر=يالله لطفك يا عظيم الشـان يـا الـرب المجيـد