قبيلة بني رشيد

قبيلة بني رشيد (http://ban3abs.com/aa/index.php)
-   منتدى الشـــعــــر (http://ban3abs.com/aa/forumdisplay.php?f=57)
-   -   قصيدة تهنئية إلى الاستاذ فهد الماطر والاستاذ جمال الماطر مع التحية (http://ban3abs.com/aa/showthread.php?t=82864)

جمعان خلف 18-06-2010 12:08 AM

الاخ ابو ريماس 0

شكرا لك والف شكر على كرم المتابعة
تحياتي لك

عايض بن صالح 18-06-2010 08:43 AM

إقتباس:

اقتباس من مشاركة جمعان خلف (المشاركة 1740781)
إهداء إلى الاستاذ / فهد الماطر والاستاذ جمال الماطر
وإلى أسرة الماطر كافه على راسهم الشيخ / سعود بن سعود الماطر



بسم الله ابدا واتعوّذ من بليس = ورمي بوجهه سبعةٍ من حجاره
وعلى النبي صليت وقت الغطاليس = وسجدت لله ركعتين استخاره
واخترت من فيض الفكر ضمّرٍ عيس = حمرٍ مدربهن على كل غاره
في وسط راسي مبعدات المراميس = اضفن على وجه المفكر وقاره
سريتهن لاهل الكرم والنواميس = ونوختهن قدام بيت الاماره
امارةٍ ماهي بمارة هلابيس = ميراث جد ولاكسبوها استعاره
عيال ماطر مبعدين المناطيس = العايضات أهل الظفر والجساره
ماتحصي افعال النشاما كراريس = لو يجمع الباحث رسب بختباره
ومن يوم جتني دعوته قلت لابيس = أنا وماملك جيت رهن الاشاره
من شان شكري ماختفي بالكواليس = وماحط من بيني وبينه ستاره
حضرت ابارك للرجال المعاريس = في ليلةٍ فيها الفرح شب ناره
في محفلٍ ناجح بكل المقاييس = يديره الماطر ونعم الاداره
هذا فهد بحرٍ من الطيب ماقيس = في كل حالاته يزود بغزاره
والنجم الاخر من صناديد فريس = جمال حاش المرجله في جداره
نوادر احرار بمواكر قرانيس = والحر الاشقر يعجبك في طياره
في مدحهم كرست الافكار تكريس = واخترت فيهم من جزيل العباره
لاذعذعت بالراس بعض النسانيس = وداعب جهازالفكر حرف الاثاره
وقام يتدفق من شموخ الاحاسيس = طاروق يفرض هيبته واعتباره
يستاهلونه مبعدين المراميس = والمدح ماهو باآل ماطر خساره

تحياتي للجميع
جمعان خلف الرشيدي

صح السانك ياجمعان خلف

على هذه المفردات التي ماتستغرب من شاعر مثلك

وآل ماطر يستاهلون الطيب

برق الوسم 18-06-2010 11:14 PM

شاعرنا القدير / جمعان خلف
صح الله لسانك ...
قصيده وافيه من وافي ...
تحياتي لك ...

مبارك السوارج 21-06-2010 03:34 PM

صح السانك يا الشـاعر الكبير : جمعان خلف الرشيدي بو خليفه ولا هي غريبه عليك هالجزاله يا بو خليفه ونعم بالممدوح والمادح وتقبـل مروري اخوك : مبـأرك رشيد السوارج


الساعة الآن +4: 08:18 PM.

Powered by vBulletin® Version 3.8.2
Copyright ©2000 - 2025, Jelsoft Enterprises Ltd.
هذا المنتدى يعمل على نسخة في بي بلص