قبيلة بني رشيد - الليل ياشعار منتدى عبس وينكم

يابو مشعاب مساك الله بالخير وعساك طيب شبكة عبس ليست ككل المواقع صدقني واقوله بكل صراحه الشعار اللي موجودين هنا ثلاثة ارباعهم شعار معروفين على الساحه ولهم صولات وجولات ماهم ورعان جايين يتعلمون الشعر ولاامنيتهم يلعبون طاروق واذا تبي تلعب لازم اي شاعر موجود يقوللك عطنا الطاروق عطه الطاروق حتى الناس تعرف من انت وتلعب معك من خلال مستواك الشعري وانت داخل بااسم مستعار لانعلم من خلفه هل هوشاعر ولاواحد يبي يسوي صجه ولجه وبعدين الناس اللي موجوده في منهم كبار بالسن ينامون بدري وانت تجي متاخر على العموم اتمنى ان تكون كاابو مشعاب اللي كون اسم واجبر جميع الشعار باانهم يلعبون معه اتمنى ان تلعب وتكون لك اسم وصدقني كبار الشعار في الموقع رايح يطلبونك قبل تطلبهم

ملاحظه : ليس من المعقول ان تسجل اليوم ويلعب معك العمده اوالمعزب مثلا والقسوره غريبه انه لعب معك ليس تعالي اوتكبر لاننا نعرف القسوره من الناس المتواضعين لكن صدقني انه من الصعب ان تلعب مع شاعر كبير بحجم القسوره بهذي السهوله عزالله جتك فرصه لاثبات وجودك ليس بالصلخ والذبح وانما بالشعر حتى يلعبون معك الشعار تقبل تحياتي ومروري بصدر رحب

اخوك بعيد الهقاوي