لابسٍ جلد ذيب وداخلك قلب شاه=ماتعرف الذياب ولا مراقيبها

من يصوت بجنب الظلع يسمع صداه=وأنته اذنيك صمّا كيف توحيبها

من شراء الموت ماباعه بسوق الحياة=مير لك سالفة عندي وابا اجيبها
انقض الفتل والبيت الخطام امعناه=الملاعب مصاعب وأنت تدريبها

الهوا لو يهب ويعكس الاتجاه=ياخذ آخف خلق الله ويوميبها


طاولتني على الطالة عيال الرعاه=الله أكبر على الدنيا وأعاجيبها

الله انزل عليكم سلطةٍ من سماه=وأنت من فوق الأرض وش تسويبها
طوّل الله عمر شيخاً يذري ذراه=كان يمناك طالت وسع بجيبها