قبيلة بني رشيد - أمريكيون يضعون كاميرا في قبر مسلم فانظروا ماذا وجدوا....

السلام عليكم ورحمة الله وبركاتة

اخواني هذي الاخبار كلها خرابيط ومافيها اى شئ من الصحة والله وانا اقرا الموضوع احس انى اقرا سيناريو فلم هندي

يااخوي انت والاخوان اللى رادين على الخبر كأنهم متهولين من الموضوع

اولا الامريكان لوبغوا يشوفون عذاب القبر يشوفونة في مقابرهم ويحطونة مع واحد من موتاهم ماله داعي يحطونة بقبر مسلم

وبعدين الميت اللى حفروا قبرة ماتقولي متي دافنينة قبل يوم والا ساعه والا اسبوع

والمقبرة اللى الحبايب يحفرون القبر وجايبين معداتهم مافيه حارس للمقبرة

وشلون ثبتوا الكاميرات لما حفروا القبر وبعدين امريكان وباليمن يعنى اغسل ايدك يكونون بروحهم لازم معاهم احد لان السائح باليمن مايقدر يمشي خطوة الا معاه يمني مثل الدليل معاه

وصراحة اكثر شئ ضحكنى الكاميرا المحروقة وريحتها الذكية اول مره اسمع عن ريحة ذكية انا خابرها زكية يمكن قصدك ريحة حلوة مادري شلون الكاميرا محروقه وتطلع منها ريحة حلوه يعنى مافية ريحة حرق

طيب قرروا اعلان اسلامهم طيب هم ماشافوا شئ من عذاب القبر الكاميرا محترقه من شنو خافوا من الكاميرا المحروقه اللى ريحتها ذكية جدا ياعينى على ذكية جدا

ومن شدة الخوف واجسامهم ترتعش عالم واحد قرر ياخذ الكاميرا

ياعمي ياليت الواحد قبل لاينقل اى خبر يوزنة بعقلة ويشوف هذا الخبر مفبرك والا صحيح

قال رسول الله صلى الله عليه وسلم قال : إن العبد إذا وضع في قبره وتولّى عنه أصحابه إنه ليسمع قرع نعالهم . قال : يأتيه ملكان فيُقعدانه ، فيقولان له ما كنت تقول في هذا الرجل ؟ قال : فأما المؤمن فيقول : أشهد أنه عبد الله ورسوله ، قال : فيقال له انظر إلى مقعدك من النار قد أبدلك الله به مقعدا من الجنة ، قال نبي الله صلى الله عليه وسلم : فيراهما جميعا . رواه البخاري ومسلم .

زاد البخاري قال: وأما المنافق والكافر فيقال له : ما كنت تقول في هذا الرجل ؟ فيقول : لا أدري كنت أقول ما يقول الناس ! فيُقال : لا دريت ولا تليت ، ثم يُضرب بمطرقة من حديد بين أُذنيه ، فيصيحُ صيحةً يسمعها من يليه إلا الثقلين .

يعني تسمعه الدواب ويسمعه من كان قريبا من المكان إلا الإنس والجن .

؟