بعض العلوم أشوفها واكبر وانا قدري جليل = وشخصيية الرجال تعرف نوب من كلمة فمه
مافي الجحيم الا الحميم ولا تدور سلسبيل = حنا كتبنا باالقلم لا تكتب إلنا ابمرسمه

بكره ليا منا طوينا البيت وأعلنا الرحيل=نعلن على سمع العرب بعض العلوم المبهمه

ياصاحبي بعض المواقف مابها ضل ضليل= اليوم حتى البدو يحكمها نظام العولمه

لا تحتري بكره ماعقب العصر حاصلك مقيل = الللي معك لا تذخره والعلم لا جاك افهمه
البرق في عرض السما والبدو ماصارت تخيل = إن طعت شوري لا تحث الذود والعفش احزمه

ماودنا نقدح زناد الحرب في خشم الفتيل= أخاف يلحق شرها راع الغنيمه فغنمه

الجم يارجال من يقدر يغطه بالنثيل=الظلم شين ولاتصير الظلم شحمه ولحمه

الحرب تنطحها الأصايل ما نذمك ياالأصيل = والشجره ام فروع معروفه ماهي نبت سلمه
إن عودت للجد ماذمك لونك فيك ميل = لكن واصل باالطريق وموترك سق وانهمه

أهل الكرم ماتجني الا التمر من روس النخيل= الله يعز اللي لهم في كل ديره ملحمه

وعز الله انك ياوسيع المعرفه ماأنت بخيل= واليا ذبحنا كبش مابيني وبينك نقسمه