صورتك في خيالي..
ماتفارق عيوني
تسكن إحساس روحي
أنت ياكل غالي
بين نبضات قلبي في خفايا ظنوني..
تحت ضي المشاعر ماخذن كل بالي..
الشجون الطويله وإحتراقي وجنوني..
ودمعة العين تشهد والسهروإبتلاني..
"ياحبيبي المدلل" أعشبت بك شجوني.. وأنورت يوم أشوفك ياضنايه الليالي..
دون كل الخلايق أنت والله فتوني..
إبتسامتك فرحه مالها أول وتالي..
الحياة دون شوفك
قاسيه بي تخوني..
وكل فرحه يتيمه ترتجيك الوصالي..
وبك عظيم البلايا يوم أشوفك تهوني..
إنته يالغالي روحي وأنت حالي ومالي..
ياسحاب المحبه من فراقك بكوني..
الوله والتولع.. وإشتياقي..وخيالي..
من يساويك قلي في حياتي وكوني..
يامروي ظمايه..
ياهناي وظلالي..؟؟
رغم بعدالمسافه دون شوفك ودوني..
صورتك في عيوني وارفه بالجمالي..
ياعيوني خيالك
مايفارق عيوني..
تسكن إحساس روحي..أنت يابعدكل غالي..

أفا ياجرح لا تبكي ترى كل الجروح تطيب ترى كل البشر يخطون ونتحمل خطاياهم
بكينا واندفن فينا حزن أصدق من التكذيب... بكينا بكل مافينا والعذرمنهم... لقينا ناس فيهم قلب وناس فنونها التعذيب_
ولكن مانقول الا أه ولا نتعب مسامعهم وسافرنا فراق الهم لقينا الهم فينا عيب ووصلنا مسيرتنا وكل قلوبنا معهم نخبي أجمل الأهات ولا ترتيب لها ترتيب وتاخذنا سنين العمر ونتحمل خطاياهم كذا ياجرح هالدنيا سهولتها من التصعيب حلاوتها في قساوتها ولكن عيب نعلمهم تأنبنا ضمايرنا ولانلقى سوى التأنيب مصيري أو مصير اللي بيخطي لو يجاملهم صحيح قلوبنا تعبت ولا كن أجمل التعذيب عذاب أغلى البشر لاصرت تتعذب لراحتهم