يا أطهر مخاليق ربي وش تبي بالذنوب=ماواحد قال خاف الله في هالبشر
مشكلتي اني معك بالحالتين مغلوب=الوصل مامن وصل والبعد عنك قهر
والمشكله قلبي اللي عنك عيا يتوب=ان قلت خله يدور ويلقى لك عذر
العمر يفداك يركض والزمان محسوب=والصبر بكذب عليك ان قلت فيني صبر

عز الله ان الضيق يذكرني / بخير ..!=ما غبت عن بالـه وطريـاه مـرّه !
كل ليلـةٍ يلفـي وضمـن المساييـر=لو كان مالي منه يا كـود شـرّه .. !
اقـدرّه واروح معـه بـ/ مشـاويـر=ابعد مـن حـدود الفضـا والمجـرّه
واغيب فـ/ همومي ومن دون تفسير=اصحى على دمعه ، وغصّه ، وحرّه !
شف كيف دمعـي حرّرتـه المقاديـر=من عقب ما كان بـ/ عيونـي مقـرّه
وشف كيف في صدري قصيد وتعابير=ولا اقدر اقوله ، ولا اقدر اجرّه !

العذر لـ سنيين الزمن و الأحبـّـه=والعذر لـ اللي ينتظرني ولآ جيت .......!!
أروح من غبـّـه وأعوّد بـ غبـّـه=وماجت ْ لي الدنيا .. على ماتمنيت ......!!
لو الغياب يقلل من المحبه ....؟؟=ماشفت لك مخلوق يبكي على ميت ْ ....!!
وليآ ذكرت اللي لـ الإحساس طبـّـه=قعدت أقلـّـب ذكرياته .. و سجــّـيت ...!!
وإن هيـّـض الخفاق والشوق صبـّـه=قعدت أغني : ( ليت مايوم حبيت ) ...!!
بكيت من سبـّه ومن دون سبـّـه= و ضحكت من جور الليالي وغنـّيت ..!!
يدعيني اللي فات .. ياقلب ( لبـّـه )= وإن ضيـّـق الخفاق رحت وتعديت ...!!
ياقلب خبّ الشوق ياقلب خبــّـه ..!=على الوفآ .. والصدق مبطي تربـّيت .!!