|
الناعمه لـو تبي وصف بسلامـتها
أنا قصيدي مع التوصيف مـتـذمـّر وهي من نعومة جسدها ومن نعومتها لو تضغط بيدك على جـلدها حـمـّر |
يمكن غريبة من عجايب طبوعي
لاصار همّي حيّ وأفراحي أموات يجي الكلام بدون قصدي وطوعي يبيّن الّي في حشى الروح يقتات |
أنا شعـوري معـاك يشابـه ظروفـي ومدري وش أسوّي بصمتي وبإحساسي ! أحيان أحس إنك أبعد من مـدى شوفـي وأحيان أحس إنك أقرب لي من أنفاسـي |
سلام يامدونتي وياموقعي العزيز ..
أبطيت عنكم ولكن الغلا باقي ..! |
عايش على فرصة عمر في حياتي ولازلت لي عشرين عام انتظرهـا إنسان في صدري تعيش أمنياتـي ياقلّهافـي داخـلـي ياااكثـرهـا |
ما كل مزيون يعسف طبعي القاسي كم ساد طبعي على سيد المزاييني إلاّ ليا قام حبّك يجبـر إحساسـي أنه يحبّك .. مثل ما أنتي تحبّيني ! |
قامت تفيض الأرض .. شعر وشواعير
يـارب ستـرك لا تقـوم القيـامـه طفـرة مواهـب جاهـزه للجماهيـر حطّوا لها أصحاب الفخامه .. فخامـه تفجّـرت مـا عـاد تحتـاج تفجيـر والله يعيـن مـدوّريـن السـلامـه بخشومهـم حبـوّا خشـوم الدنانيـر وكل ٍ رسم له فوق خشمـه علامـه هذا يدقّ الزير .. مـع سالـم الزيـر وهذا يغازل عيـن زرقـاء اليمامـه راح الفضاء كلّـه حمـام وعصافيـر وكم يفتن العصفور فاتـن حمامـه ! لا تعرضـون أحلامـنـا للتفاسـيـر والليـل عيّـا لا يفـسّـر ظـلامـه اللي ينام بخيـر يصبـح علـى خيـر واللـي ينـام بشـرّ يشتـم منامـه وأبـو عمامـه طيّرتهـا المعاصيـر ماهوب لازم فـوق راسـه عمامـه يمكن لا صلّع يصبح مـن المشاهيـر وينبت في راسه مثل ريـش النعامـه لا تشتكي لي يـا زبـون المخاسيـر الوقـت مـا نقـدر نغيـرّ نظـامـه ما يتبـع المنعـور غيـر المناعيـر خـل الهلايـم يتبـعـون الهـلامـه وأن جوك عميان البصايـر طوابيـر أكحل كريـم العيـن وأنـت بكرامـه وأنـا ليـا جانـي زمانـي بتكشيـر أرمي على وجه الزمان إبتسامـه !! |
مرت ثلاث اجيال جيلً بعد جيـل
والناس في كل النواحي تجـادل الا بشوفت نجمة الجدي وسهيل وان الملك فيصل سياسي وعادل |
| الساعة الآن +4: 08:40 AM. |
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
