صُبّي غرامك في بساتين روحي
حتى تبوح الروح بآخر قصيده
بانسى شقاء عمري ودامي جروحي
وابدأ معك قصة غرام ٍ سعيده
لحظة عرفتك صار شِعري يفوحي
بأحلى الوصايف يالغزال الفريده
ياجود عشته في زمان ٍ شحوحي
ياقلب ينبض والخلايق بليده
يالظبي الأعفر فيك غاية طموحي
ياسيدة هالقلب في يوم عيده
عليك قلبي من عنايه ينوحي
يطيب بك وان زاد نازف وريده
لو ينشرح عِشقي تطول الشروحي
يعيش به جدٍّ و يورِث حفيده
ماهمنّي من جاء ومنهو يروحي
مادام سِيْدَ البيض يزهى القصيده