مدري
ادور انا وانت مثل السبت والجمعه
ياقربنا
والصحيح أنا بعيدينيي

ياصبـاح الـورد يالوجـه السموحـي
ياصباح أنـدى.. مـن أنسـام الريـاح


ياصبـاح الحـب يالطـرف الذبوحـي
لـي بحبـه تـلّ قلـبـي واستـبـاح


أنورت دنيـاي بـك يـا روح روحـي
والعنـا.. مـن شوفتـك يالـحـب راح


هكـذا وجـه السعَـد برقـه يلوحـي
يرسم الفرحـه علـى وجـه الصبـاح


كيف لا شفتـك بصبحـي ياطموحـي
وانت لـي شوفتـك بهجـه وارتيـاح


والله انّـه كـنّ تتضمّـد جـروحـي
كنّ ما قـد حـل فـي قلبـي جـراح


جعْـل همّـك لـلـزوال وللنـزوحـي
دوم تبقـى فـي سعـادة وانـشـراح


أنت وحـدك بـس متمّلـك صروحـي
وشوفتـك (فـردوس) مافيهـا مـزاح




صدّق أن الصبح لـو بالقـول يوحـي
كـان صـرّح للمـلا سـر الصبـاح


صدّق انّ يقول انا استجمع وضوحـي
مـن نقـى خـدود الملثـم بالوشـاح


يامنـى عينـي ويـا طـرّآد نوحـي
قافـي اتعـذر ويطلـبـك السـمـاح


مابقى الاّ آجـر لـك نغمـات بوحـي
واختم ابياتي لصبحك بْ ( أمّ ) ( وْآح )

إهداء لزوجتي الغاليه
رزقني فيك ربي من دعاء ناسٍ يحبوني =وقف حظي على حيله بعد ما طاح متساوي

اهداء اللي بالي ؟




صاحبي لاعذبـوك النـاس صيـح
وأخـذ ماقلتـه وحطـه مانشيتـك


كان خايـف بيتـك بقلبـي يطيـح
أحطب ضلوعي ودعمّ سـور بيتـك


انت أول وآخـر الحـب الصحيـح
تسقى عروقي غلا حتـى أرتويتـك


في لسانك تقلـب الشعبـي فصيـح
وفي هدوئك صحوتك تشبه مبيتـك


نظرتـك إشعـاع للكـون الفسيـح
وضحكتك ترسم ملامـح أوبريتـك


خطوتـك تعـذب الهـم وتـزيـح
كل ماتمشـي بأحاسيسـي مشيتـك


جيت لك من غربة أيامـي جريـح
وأنت صحيت المشاعر يوم جيتـك


تدري وش يفرقك عن غيرك صريح
لجل هذا بعـت غيـرك واشتريتـك


تدري وش عذّب خطاي إنك تبيـح
غلطتي وتقـول ياعمـري فديتـك


تدري ليه الهم غـادي لـه فحيـح
شافني لاطحت من همـي نصيتـك


كل ماهزت غصون الشـوق ريـح
ألتفـت وألقـاك وأفـرح لا لقيتـك


لو يكون الوقت في وصلك شحيـح
لاتفكـر يـوم فـغيابـك نسيـتـك


ليلـك المجنـون فينـي يستبـيـح
كل شـوقٍ داخلـي حتـى سريتـك


أجلـس بقلبـي وخلـك مستريـح
دامني بالحب والشـوق أحتويتـك


أنت مايكفيك مـن شعـري مديـح
قبل تقرانـي باحاسيسـي قريتـك