لو ل الشعر قلب وسواليف وعيون=حلف يتوج حضرتي ل الصداره
ماهو عشاني آكتب البيت موزون=إلا عشاني شاعره وبجداره
وشعر النسا موجود مبطي ويدرون=لو غيضهم آسدل عليه الستاره
وإعلامنا مابين صاحي ومجنون= ما عاد نعرف ليلته من نهاره
وختامها مني ل وكالة يقولون=ترا ( ..... ) في بعضكم خساره

تمر السنين وكل ذكرى ليا مريت=لها حشمة الشيخان ., عند الفداويه
رفيق الطفوله سج عني . ولاسجيت=وليا سج قلت اكيد . راح لبنى خيه
لاجا الصيف .تشتت ياكاره التشتيت= بيروح ل قطر . . وانا بروح السعوديه
مشاويرنا واحلامنا ماتعدّا البيت=ورغباتنا بزمه ,. وغتره ., وطاقيه
طموحاتنا مع فارق السن والتوقيت=ب نشري (صفر) ., ونحطها فالنعيريه
قدك راعي ابرستيج وزقرت وايتيكيت=تمدنت بين الفخفخه ., والرفاهيه
ثلاث سنوات تشوف رقمي . ولارديت= ليا شان هرجي فيك ., ماشانت النيه
حزنت بغزاره وانكسر خاطري وابكيت=عروقٍ تحب الوصل ., وتحب طاريه
تصديت ل جموع الشماميت . ماصديت=لجل كل ذكرى فالحياه الطفوليه
ختام القصيده . رح فمان الولي . وان جيت=علي الحرام انك خوتك . نارها حيه