مالك ومال الهرج يامدور الهرج=الهرج كبه .. وش ورا الهرج حاجه .؟
لا يكثر التهريج والهرج والمرج=والحق بيّن .. والسماجه سماجه .!
اللي يشد السرج .. مايعرف السرج=واللي فتح له باب .. يجهل خراجه .!
حنا نشل الخِرج والداب ف/الخِرج=والمشكله ف/ الدرب .. قبل إنعواجه .!
اللي يشيّد له من السالفه برج=واللي يّطَفّا ف/ الغداري سراجه .!
لا والله الا الوضع ف/الموقف الحرج=والله يعين المستحي ف/إنحراجه .!

جربت احبك ، وجربت املك احساسك=وجربت انادي مشاعرنا ، بـ اساميها
واكون في غربتك ، احبابك وناسك=والحاجه اللي عيونك سولفت فيها
كلامك اللي يذوب ان خالط انفاسك=دموعك ان ما لقيت دموع تبكيها
حاولت احقق لك اللي يدور في راسك=والظاهر احلامنا لازم نصحيها . ,

البارحه كني وحشته و سير=و كني لمحت إنسان أحبه وجيته
أشر يقول إللي هنا مـا تغير=و أشرت أقول إللي ذبحني نسيته
مـا كنـه إلا طـار قلبـه و طيـر=قلبي من أمس أتحسسه ما لقيته