شفت شكثر لحظة لقانا بها خير=حتى الرياض استبشرت في لقانا
هلت عليها راهيات الشخاتير=واروت صحاريها بمزنة وفانا

اليا التقينا بشر الناس تبشير=ان السحايب تنتعش من هوانا
علمهم ان الهادرات المعاصير=تروي صحاريهم وتنعش سمانا
تضفي على جو العشاشيق تغيير=يتبدل الخافي وتكشف غطانا
نرسل ويستقبل ولا فيه تشفير=يطلب ونعطي وان طلبنا عطانا
ياخذ من شفاتي دروب ومشاوير=والقى على حضنه بداية شفانا
اتعب مع انفاسه واشم التعابير=نمسح وروده ويتخاطف عصانا
ننهي لقانا ماجلبنا المخاسير=وكلن ينظف مابقى من خطانا