ياعبيد انا خابرك ورع لهالحين = داوي بغبات الجهل وظلماته
لاشك علمي لك محبه وتفطين = تسمع الوالد وثبت وصاته
وصاة مخلوق يعرف القوانين = مافات عمره بالجهل والهياته

عند وجهك ياقصيدي لاتضيـق=والله إل تارد على العد القـراح
انت وضعك غير يالحر الطليق=يامسريني على خـف وجنـاح
توّني ماجيت في نص الطريـق=بالشعر لبّست للكلمـه وشـاح
من هواجيسن لها ضوح وبريق=محتميها بالسيـوف وبالرمـاح

خلاص لاعاد يطري لك تكلمني=النفس طابت من اشكالك وعفناها
بعض السوالف على النيه تعلمني=وبعض المواقف من الدنيا عرفناها

لا واهنــــــي الطيــــــــــــر لا ضــــــاق يا ذيــــــــــــب =يتـــــــــــرك طــــمـــــــان الارض للـــــــي نزلهـــــــــا
يرقـــــي بــــروس النايفـــــــــــــات المراقيـــــــــــــب=بجنحـــــــانه اللـــــــي لا تضـــــايق فـــتــــلـــــــهـــا
ما يربــــــطــه بموطـــــن حيـــــاتــــه تجاريــــــــــــب =لا شانــــــــت الديــــــره يــــــــــــدور بـــدلــــــهـــــا

الحب مايروي كبـودن معاطيـش= والنفس لاضاقت على الله تعتـاش
القلب فيه من الطـواري نواتيـش=والعقل من صكات الايـام منـداش
لي صاحبن لا راح والله ما عيـش=كنه مصوبنـي بطلقـات رشـاش

لاباس ياشاكي من هموم دنيـاه=فل الحجاج وخل صدرك شمالي
ياذيب من قبلك شكينـا المعانـاه=لاشك هذا الوقت مر(ن) وحالي
يامـا بكينـا مــن حبـيـب فقـدنـاه=عقـب المحـبـه فرقتـنـا الليـالـي

غلطتي اني على النيه مشيـت=ما حسبت حساب دورات الزمان
كنت لاهي ما توقعـت وهقيـت=ان بعض الناس مافيهـا امـان

الله يجمعـنـا وتصـفـي المشـاريـب=ونخسر الوف ولانخسر ولانخسر اصدقانى
يامـا خسرنـا مـن خيـار الأصاحيـب=يالله تصبـرنـا وتجـبـر عـزانــى
مـن ينكـر المعـروف ماينكـر العيـب=هـذا ردى الرديـان مـاهـو ردانــى

احلى سنين العمر راحـت هدايـا=لك يامجازي بالردى راعي الطيب
لي في حياتك ذكريـات وخفايـا=تبقى ولو باكر غزا راسك الشيب
ولا الوفـا مالـه بقلبـك بقايـا=عند الذي مثلك اظن الوفا عيـب

لاتحسبيني عقب فرقاك ماعيش=من لاحسبلي عادتي ماحسبلـه
حتيش لو بينتي الصد حتيـش=لاني بلا عنتر ولا انتي بعبلـه

يامحمـي المنشـار بالنـار خـلـه=جـروح قلبـي حاميـات مكـاويـه
مابي مرض ياعيد لاشـك علـه=من غير شفي ماطبيـب يداويـه
ماطيب لو تحمى المخاطر ابمله=انـا بـلا قلبـي علـى فقـد غاليـه
الصاحب اللي عنده القلـب كلـه=علمي بدور العافيه قبل اخاويـه
واليوم مدري وين حروة محله=فاتن ثلاث سنيين ياعيد نرجيه

يامن سكنت اجمل زوايـا كيانـي=ياما على نفسي عشانك تحاملـت
مرات احس انك معي شخص ثاني=ومرات احس انك حبيبي وما زلت
لاتفرح انك دجت بيـن المحانـي=لو ماتخون الذاكـره مـا تسللـت
عشان ماضيك الجميل وعشانـي=حاول تشيل من الوفا ربع ماشلت
ماني على خبرك حبيبـي ترانـي=حتى عن اصغار الاماني تنازلت

ما للعمر في بعض الايام قيمه=لاغاب عنك من تعزه وتغليـه
تصبح حياتك في بعاده سقيمه=ويفز قلبك كل ماجاك طاريـه
دام المحبه تمطر الوجد غيمه=وصل الحبايب عهد لازم نوفيه

مـا يستريـح اللـي ابقلبـه طـواري=كـد قالهـا راعـي المثـل بالتذكيـر
نـاس ايحطـون الدراهـم مصـاري=يا طيبهم لـي جـا حسـاب الدنانيـر
شفـي هنـوف مـا لحقهـا مـزاري=ومطهره عن درب الاجنـاس تطهيـر

أثر الوفا ينباع عنـدك ويشـرى=ماكنت اصدق فيك واليوم صدّقت
يامشتهي فرقا المواليف حـذرى=تبعد وأنا من سكرة الحب مافقـت
لاطافت الفرصه تحريت الاخرى=وتروح ماكني عليهـا تشوقـت
ساري لو إن الليل مافيه قمـرى=اشيل من حمل الهوى فوق ماطقت
لاصار حظ أقشر والأيام قشـرى=مافيه أحد عاقل يلومك إلياضقـت