يسخفني الدمع دمعك صار يسخفني=لا من بكيتي وشفتيني ولا جيتي
دخيل ربك ترا حبك يشرفني=لا ترحلي دام با قصى القلب حليتي
موت الاماني الصغيره مايخوفني=الموت موت العروق ان كان صديتي

زين اتصلتي .. وزين انك ذكرتيني=وانا احسب انك على الهجران عزمتّي
البارحه وامس .. ضاق الكون في عيني=ما كّن فالارض حيٍ بعد ماقمتي
الله يروّعك .. ضنيتك نسيتيني=والا .. تعلمتي الصده وعلّمتي
ماهوب من طبعي ارجي من يخليني=من صدّ .. ابختار دون موادعه .. صمتي
مير الله اسكنك في قلبي .. واخذتيني=حتى تكلّمت .. وانت ماتكلمتي
غلاك عانيّه يمشي في شراييني=خلي جروحي ووناتي ووهمهمتي
لوعات الايام تبعدني وتدنيني=لاعاد تبطين حتى في مكالمتي
تعالي وريّحيني واتركي فيني=شي احتفظ فيه منك .. لو تكرمتي
شيٍ يذكرني اللي بينك وبيني=وانسى ماكسرتي البارح وحطمتي

انا غيابك ورب الكون يخنقني= بس انت قلي بغيابي كيفها اعصابك

الهوى لا مر مابين الحبيب وبينه=ماذكر غير البريد الوارد بجواله !
وده انه يرسل لمغليه ( دمعة عينه )=كم شعور بيرسله مايستطيع ارساله !
وكل مافلت شريط الذكريات .. سنينه=يذكر ادق التفاصيل بغياب وصاله
يذكر حروفه .. وعذره وارتجاف يمينه=ويذكر ان يساره .. اشغلها مع سلساله
متجه للشمس .. ويعاتب خُطا رجلينه=وكل مايبعد عن عيونه .. يطول ظلاله !
والصبر صدر الحزين ان راحو محبينه=لجل يلقى له رفيق اليا جلس .. بلحاله
والا انا صابر لجل واحد ولا اعرف وينه=بس اعرف اني بخير .. ليا جلست قباله
اعشقه في ثورة شكوكه وفي تخمينه=واعشقه مشتاق ماله خلق ضايق داله
اعشقه في كل حالاته مع مغلينه=لين همت فمجمل الحالات حاله حاله

بقول لك شيّ .. خله بينك ! وبينـي =الكون في غيبتك .. ماهوب ياسعني

جيتك غريب .. ولمحت بعينك بلادي=ومن يوم غمضتها .. حسيت بالغربه
وياك كل الليال .. اعياد ميلادي=انت اول انسان كل دروبي .. بدربه