تكفون خلوا هالقسم بس لثنين=واحد غلو عيني والآخر كذلك
واحد بعيد الدار في حروة الصين=ويشر على قلبه يقول ان ذا لك

قلبي بقلبك نبض ماهو بـ (ضيفك ) =دايم على طول العمر في حياتك
من فتحت عيني على شوف طيفك = قعدت أقلب داخلي ذكرياتك
نعم !! أحبك وانت ماهو بكيفك = تزعل وقلبي ضايعن في شتاتك
من ( بردك ) اللي طال خذني لـ ( صيفك )= لا صرت أقرب شخص منك لذاتك

تغيرت فيني ..[قناعات] .. من يوم
(راس) السنه ( حلقته) إبحلم بكره

صرت أعرف المعدوم والشبه معدوم
وصارت بعد عندي عن الناس فكره !

بالامس ياما كنت ب (الحب) ملزوم
واليوم أنا يـ أحب من قلب يـ أكره

مافيه ، حاجه تستحق إني .. (ألوم)
بالذات لامن صرت ماني بـ (مكره)

اذا ذكرت .. اللي ينسيني .. ( النوم )
أغمض (عيوني) على صوت ذكره

لذا .. أنا ماعاد أفكر .. [عن اليوم ]
هالحين .. أنا أفكر علشان [بكره] .!

أبنسحب ! يمكن مع الوقت تشتاق ..=وتمطر لي البهجه ويزهر زماني ..

انا مـ اعرف ان البطا كان لـ ( إفراق ) ..=بس اعرف انك صرت ( إنسان ثاني ) ..

خطاك السؤ ياللي ما عرفنا السؤ من شفناك= عسى عمرك مديد و وضعك الصحي يطمنا
قسم بالله لو لي مقدره شلت المرض ما جاك=فتحت فجوج صدري له طريق وقلت له منا