![]() |
|
رفقاً بقلبي ترى ما هيب محتاجـه
اصير ظامي وصالك بعد ما جعتـه ما ابيك للي حضورك فلة حجاجـه ابيك للي صـور فرقـاك موجعتـه (تخيلي فيه شخص ادمن على حاجه اذا فقدها وحـس الارض بالعتـه) |
ياخي ترى الحب كله نعمه مـن الله
يمر في الروح من ربي ومن ربـك ماهو بكيف البشر ياباهـي الطلّـه وانا اعترف ما اكرهك ..لكن ماآحبك |
مبداي واضح مـدام الله معافينـي
محبة اهل الوفاء والدين واتباعـه والضايع اللي يروح ايسار ويميني يبقا لعوج السنين الغبـر شماعـه دنياك تخلي من الوكر الشياهينـي جاء في محل الحرار البوم واتباعه |
لو ينتمنّى الكلام اللي نسولف به ابتمنّى قصيد ( مساعد ربيع ) |
ياللي بغيت النقد ومضيع النقـد منته بلا شاعر ولنتـه ابناقـد أنته كتبت النقد وبدافع الحقـد كتبت ولسانك من الحقد عاقـد وانا اليا جبت القصيده كما العقد اجيبها غصبن على كـل حاقـد |
اللي تطبل يالمطبـل كـل ليـل
طبلـهـا لاطبـلـت طبـلـهـا يسيل كحل العيـن والا مايسيـل يالدمعه اللي هلهـا مـن هلهـا ام الخلاخـل لاتحـط ولاتشيـل والشجره اللي مايضلـل ضلهـا بالله هـي زقـوم والا سلسبيـل والا الهبـوب تلفهـا وتفلـهـا قام العميل يحك جنبه في العميل وعيونهم تسـن الخـلال يخلهـا طاروقً قصير وطـاروقً طويـل ويفطن لها اللي دايماً يفطن لهـا ولاني على ذريتك يـآدم وكيـل (واللي عقدر روس الحبال يحلها) يارمز الاميل انت يارمز الاميـل اصحابنا ترسل لك وترسـل لهـا لاعاد ليلك ياهاك الرمش الضليل قمت تناعس والسيـوف تسلهـا وتقول ماشـال الحمـول الا شعيـل وشعيل حـول حملتـه ماشلهـا |
لوهداك الله واخذت البعد مـن بـاب المحبـه ماتغدتـك الظنـون .. ولاتعشتـك الطـواري اصبح التقدير سايد .. والمشاعـر مستتبـه واغتنت روحك واحاسيسك عن الخلق التجاري |
يازين لا يزعلك صدّي و هجراني ولا تنزعج يوم قلبي فيك عزّيته والله لو انّك تعاني مثل ما آعاني لتسوّي أكثر من اللي معك سوّيته عطيتك أجمل سنين العمر مجّاني وحبّيتك أكثر من أيّ إنسان حبّيته . |
.
. لاعاد عرفك ياشبيه الظبي يأخوه الشقيـق ياوجد حال اللي حواله ماعـرف تنسيقهـا ضيعتني ضيعة فصيح زلّ وأغواه الصديـق! يبـي يوفقهـا لكـن مالله قسـم توفيقهـا بيني وبينك لوّ يشح الوصل ويجف الرحيـق ماجف قلبي من شفق شمسك ومن تشريقها |
جروحك اللي بقت .. تعالي اخذيهـا
البارحه موّتوني فيـك واحيّونـي !! والموت ماهو من الفرقـا وطاريهـا الموت لاطاحت عيوني من عيوني !! |
بين السهر والليل والشعر والطرس
والجرح والاشواق والورد والتوت واسلوبك الناعم .. وتفكيرك الشرس ابفقد انفاسي على ايديك وآموت |
لي صاحب ٍ ما ربطني في طرف كمّه
ألاّ غرام ٍ فـي عينـه قـرّ ميزانـه لو كنت مانيب واحد من بنـي عمّـه الحب كل البشـر ناسـه وعربانـه ! يممّت لـه خاطـري واليمّـه اليمّـه أشيل حمل الغـلا بإسمـه وعنوانـه دايم يطيّرني .. وشـمّ الهـوى شمّـه وأن طرت ما أوّقع ألاّ بين حجّانـه ! يقول شعر الغزل مـا تلتفـت يمّـه وقصايد فـالمصايـب مالهـا خانـه رغم أنه أكبر مصيبه وأكبـر مطمّـه أزريت لا أكتب قصيدة حبّ من شانه والله لو يستحي شعـري علـى دمّـه ما كان عيّا عليـه يكوسـر ألحانـه |
جيتي غريبه .. وابتعدتي غريبه
والاغرب ان طعونك الخضر هيّ هيّ صحيح ! ماكنتي بقلبي حبيبه لكن ماهو معناه .. مانتي ولا شيّ |
ان جيتني / مالك الا طيبة الخاطر ..
ـــــــــ .. وان رحت / هذا الفراق وهذي ظروفه .. |
هلا بأغلـى منـادي للغـرام وسيّـد الأحبـاب زهمني واصبح لحاله في قلبـي سيّـد وباشـه أدوّر من كلام الحب لعيونـه مـا لـذّ وطـاب وأسوقه من مشاعر صادقه ماهيـب غشاشـه يبادلني وابادله المحبـه مـن غـلا واعجـاب صحيح ان المودّه فـي قلـوب النـاس نباشـه ليا قال انت شاعر قلت وأشعر بأنـك الاسبـاب وسلهم لي خجل واطلق من رموش الحيا ارماشه |
أبرك ضيوف الهوى وأغلى مساييره
ريحانةٍ تقطف اللهفه مـن أعماقـي ماهيب من قوم ( أبو دقه وتسكيره ) من قوم ( لاحاسبت ماتاخذ الباقي ) !! |
مابين وسْع الخيال وضيقة الواقع
مدري يموت الشعر وألا معازيمه |
غريب ماسوّت امريكا لعينك حصار
وانتي عيونك بها تخصيب يورانيوم |
يا وجودي يا وجودي يا وجودي والله انا مانقول الا الحقيقه مالعب في حسبة الشعب السعودي كله الاّ شعب لبنان الشقيقه |
كلّها يومين .. يا اطوال العمار وكان ما جينا على الظّن ( العفو ) ..!! البلى مدري .. اليا زحنا السِّـتار وقتها .. نكسب : ( أفا ) وألاّ ( كفو ) ... ؟!!؟ |
يا حبيبي والمواصل عز .. والفرقـا مذلّـه
لا تعلّقني .. وميّز في شموخي وانكسـاري والله اني يوم جيتـك والمشاعـر مستقلّـه ما دريت انك تسحّبني .. وتعطيني كبـاري! لين ضاعت صورتي بين الجريده .. والمجله مير جعل الله يعين الحظ فـي رد اعتبـاري |
وقف دونها لا بعث حيـه عقيـم الشـور
حجرها الحجوري وانسلب راي شا يبهـا طلبت الوصال وقال عطني حليب اطيـور ياخوك الطيـور الطايـره مـن يحلبهـا |
لها كل هتان الغلا من خفوقي لين
توقف ركايب رحلة العمر يامناحي |
كل مافكرت بأزعل منك واعتب واتضايق
ضاقت الدنيا علي وجيت لك زعلان راضي ! |
كيف تبخل والعطايـا فـي يدينـك
دامنـي مشتـاق يـاراع العطايـا ان قطفت الفـل يزعـل ياسمينـك وان ضميتك عاد وش يروي ضمايا |
جيبوا لنا احساس منصف وانتباهة صدوق
صدوق مهنه ولا هو بالضّـروره صديـق يشوف برقٍ تشوفه عين يسكـن عـروق ما يعترف غير بالثنتيـن هـذي طريـق |
( أبنســى..ولا أدري كيف تنسيــني الايـام ـــ
ـــ وأبســلى ..ويا شري ليــا نــاحت الــورقـا..) |
البارحه فالجبيل وعقلي صرفتـه للكويـت
وامسيت لو هي في يدي مامسيت قبل آصلّها ماقدر اوصف لك شعور البارحه مهما حكيت لكن عليك اعظم سلامـات الشفـا وآجلّهـا |
الا يالله ياللي كل آياتك تنبـّـي عنك ..
تجلّـت مقدرتْـك .. لمن عرفك وشاف آياتك .. عرفتك يالعزيز اللي تعز وعز جاهي منك .. وسقت الرجل يمـّك طالب ٍ عفوك ومرضاتك . |
يارب عفوك وسترك والطف بحالي
رحمتك هي راس مالي وانت خالقني الطف بروحي نهار الحشر ياوالـي وجنبني النار يامعبـود وافهقنـي عنها تراني ضعيف وعفوّك أمالـي وإرضاك عني غنيمه يوم تعتقنـي ياررررب |
الشعر والشاعر ومفهوم السعاده يا وليد
ما تتفق اراء خلق الله علـى تفسيرهـا يقوله اللي جرب اللوعات فالوقت الشديد والله يصبرني على شر السنين وخيرها لو ان قلبي لا نصحته بالنصيحه يستفيد لكن قلبي لا نصحته قال دوّر غيرهـا !! |
أنا والعذول اللي يقول إتركه وإنساه سوات المريض اللي يحاكيه متعافي ؟ |
ياراس راسي وين قرص البنادول تعبت من كثر الحكي والوثايق واللي ماهو معقول ماهوب معقول تبقى الحقايق في عيوني حقايق مانيب عن رزق المخاليق مسؤل رزق الخلايق عند رب الخلايق دام الشنب في ساحة العز مفتول الروس تكرم والعلايق علايق |
ظـاهـره مؤسـفه :-
ألا يـجـد النـاس لـذة الضـراعـه إلى الله ودعـائـه إلاخـلـف أبـواب غـرف الـعمـليـات أو حـول أسـرة المـرضى أو قبـل مـوسـم الأمتـحـانـات... |
يا حبيبي سمّ .. سمّ الله عدوّك
آمر وقلبي يطامـر بالمحبّـه الغلا يسمو سموّه مع سموّك والمودّه مع جنابـك مستتبّـه |
سمّ الزمان الضيم , والقلّ , والضيق وسمّ الفراق افراق صلفين الاشواق وسمّ الحرار املازمتهـا المسابيـق واكبر غبينه!! يقصر الشوح مسباق !! |
ياخوفي ان الزمن غيّر مفاهيمـك وادخلك بعد انتصاف العمر في كمه امست مغاتيرك بـذمة مجاهيمـك واصبحت ماعاد تلقى شئ للذمـه |
صاحبٍ حط في عمري ( مساحة غرام )
كيف ( يطعن فؤاد ) وليه ( ينكر جميل ) راح والحقني ( الحسرة ) وكثر ( الملام ) .( حسبي الله علي الدنيا ونعم الوكيـل ) |
انشد التاريخ والتاريخ .. يِعـرف مـا يِعـرّف واخذ نبذه .. تقنعك منّـا الـى يـوم القيامـه ان وقفنا .. مـا وقفنـا الا مواقيـفٍ تشـرّف وان جلسنا .. ما جلسنا الا على فراش الكرامه! |
يتصفح الموضوع حالياً : 15 (1 عضو و 14 ضيف)
أهلأ بكم يا زوار وفي متابعتكم شرفتمونا واتمنى أن تجدون مايسركم . |
الساعة الآن +4: 01:13 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.