|
|
مافيه داعي لكشف الاسم والصوره
الاسم معروف والصوره ما تعنيني ما جيت أدوّر لها لوحه وسبـّوره وأقول يا ام العيون الدعج شوفيني وأبني علاقات مكشوفه ومستوره وأنقز برقم الموبايل مع مضيفيني قصـّاد والشعر أحبـّه وأسبح بحوره والله يديم المحبّه بينه وبيني إليا بدعت القصايد جات مسروره تختال وأبحث وراها ما يسليني أحيان متواضعه وأحيان مغروره وفي كل الاحيان يا ربي تعافيني اقول لأهل الوجيه البيض مشكوره واقول لأهل الوجيه السود سبيّني ! |
: فرصهہ وراحت لككن نقول … خيره يا مآ خسرنا والبقى بـراس الأيـام ؟ مافيه كسـر إلا خِلـق لـه جبيـره ! . مير البلى وش يجبر كسور الأحـلام |
مابنى المجد والتاريخ صاحب جهل المواقف تبي اللي ينتحر دونها هامة المجد صعبة ماتجي بالسهل تنحني هامة الشجعان لعيونها |
_: جابتك الاشواق والا مثل دايم .. صدف
يا ليت .. الايام راحت بك على فالها ! بعدك عايش ولكن كأن : ( مالي هدف ) والوقت دوار و جروحي على حالها ! |
أنته, وهمسك, والشعر, وآخر الليل في دنيتي شَكّلتو اجمل رُباعي وْ مادام عندك باقي ٍ للسهَر حيَل! وْ مع نبضك الإحساس لازال واعي!: إسمح لي استغرِق معك بالتفاصيل و آغوص بحْر الحُبّ, وافرد شراعي |
الجادل اللي طولها گنّه الرمح
گل الرّغَد و الخيزران لجسدها ؟! هي بَسمةٍ يشقى بها الجمر و الصّبح و تغاار قطعان النّحل من شهدهاا / |
- هذا قدرنا نطيب و مالنا مِنّه يطالع الرجل ابوه و ينسخ فعوله اتعبني ابوي جِعل ابوي للجنّه لاجيت نصّه ولا ربعه ولا حوله |
عندك خبر إن الاصيل يبقى اصيل ، والنفس فازت بالأجر يوم الردي يغتابهاآ ..
|
يا نجم يا ساري علـى مسـراي تكفـى لا تبـان قّـل للظـلام يلبّـس الدنيـا عـبـاة ٍ ضافـيـه مليت أشوفك ممتلي بالنـور و تضـيء المكـان و نجوم صدري داخل أضلاعي حزينـه .. طافيـه يا أبن الحلال.. أرجوك طف النور في دربي عشان ما عاد أميـز فالوجيـه .. الخاينـه و الوافيـه ليه أخسر اللي طاح من عيني او أكسب لي رهان؟ مـا عـاد تفـرق .. و النتايـج كلهـا متكافيـه ما عاد أبي صدمات تحت اسم التجارب.. و أمتحان واحـد كفيـل بتعريّـة كـل العلـوم الخافـيـه الجرح واحد لو يجي .. من يد فلان او يـد فـلان يتشابه الهافيـن .. فـي فعـل الأمـور الهافيـه نفس الوجع/نفس الضما/نفس الخطا/نفس الجبـان نفس السؤال .. و نفس اجابات الشهـود النافيـه يا نجم خلك في محلـك مالـك و مـال الطمـان أقلط على صدر المعالي .. صحتيـن و عافيـه !! ما دام موتـك مستحيـل و فيـك للجـو اتـزان لا تنـزل الـوادي و تضربـك الريـاح السافيـه تدري لو أنك تسأل عيوني عن الحرمان .. كـان تشرح لك الحرمان فـي نظـرة أجابـه شافيـه حلمي كبير و سيدة حلمي مـن السحـر البيـان ما جابها الواقع و لا جتني علـى ارضـه لافيـه من وحي فكري صاغها الحرمان بعيونـي كيـان أعيـش فيهـا و أحتـرق لسنينهـا المتقافـيـه فأن كانها متفرده .. بأحساس و أوصاف و ليـان قصيدتـي متفـرده .. معنـى و بحـر و قافيـه بنت القصايد .. كل ما هب الهوى و الطـرق زان غنيت فيهـا ليـن اصحـي كـل فكـره غافيـه ما يكفـي انـي كـل مـا غنيتهـا ذاب اللسـان كنه يقول ان السكـوت أحيـان حاجـه كافيـه!! أحيان أخاف الموت بيديها و لا أشعر فـي أمـان و أحيان أحب المـوت .. لكـن المنايـا جافيـه ان سولفت في صدري الخايف من البرد أستعـان فيها.. و قامـت بيـن ضلعينـه تمشـا حافيـه فيها برود و ثلجها .. خلطة رحيـق و زعفـران تحالفوا فيها علـى هيئـة ( عصابـة مافيـه ) هذا يجيد الفلسفـه .. و هـذا يجيـب الأحتقـان و انا مع الأثنيـن نفسـي مـا تجـي متصافيـه وش عاد باقي!! بنت عز/و بنت شيخ/و ذات شان مثل البحر و امواجها بأسمـى المشاعـر زافيـه قالت : اذا مات الدفا .. من يثبت ان البـرد خـان في صحبته .. قاطعتها!!قلت : أسمعي يا وافيـه ! لولا الوفاء مات الدفا ..و اصبح يهون و يستهان و أجراحنـا بأروحنـا صـارت مهـي متعافيـه الشكر لو ماله وجود .. ان كان ما فيـه أمتنـان وأكبر جفا .. وش ياسعه غير القلـوب الرافيـه؟ يا غاليه .. رغم الوجع رغم التعب رغم الزمـان جيتك و قلبـي ينتظـر فرصـة حنـان موافيـه حطيني بصدرك واذا قال الزمـان: أظهـر و بـان خليني ابقى داخل ضلوعـك .. بخيـر و عافيـه انتي عطيني من غلاك.. أحساس وشويّـة حنـان وأعطيـك قلبـي.. والقلـوب أطباعهـا متنافيـه تدرين لو كان الدفا دولـه و فيهـا .. برلمـان !صرت الزعيم .. و قائد أحزاب القلـوب الدافيـه! لا زلت عادي.. رغم كـل البهرجـه و الهيلمـان صافي نوايا.. فـي زمـن مالـه نوايـا صافيـه ما هو خطا لو نفترق .. و يذوب شمع و شمعدان بس الخطـا لـو نجتمـع .. و قلوبنـا متجافيـه |
انا على نيتـي ، واللـي علـى نيتـه لو جمعوا له سـواد قلوبهـم بعثـره مانقصـوا مـن طموحاتـه وشعبيتـه ولاحركو من طرف راس الطموح شعره |
تقـدّم الدنيـا لنـا درس ٍ جديـد بـكـل يــوم والناس تسلم من غثا الدنيـا بحفـظ دروسهـا !! وعلى حسب حفظ المواجيـب وتعاليـم السلـوم نعـرف مقاسـات البشـر بالمرجلـه ونقوسهـا صيت الرجال الوافيّـه بأفعالهـا .. ولا ّ الرخـوم ينبيـك عنهـا : قـل نفعتهـا وشيـن نفوسهـا تطرد ورى الدنيـا وتكشـخ بالمواتـر والهـدوم مثل ( الحريم ) أغلب دراهمهـا علـى ملبوسهـا والإمعـه والشايـب الكـذّاب وضعيـف العـزوم ناس ٍ مع العالم بـلا هيبـه تدربـي روسهـا !! والبخل : خلاّنـه بهايـم !! لا تسـام ولا تسـوم لا شفتها ترفـع يـدك حمـد وشكـر وتبوسهـا على الصحن هم أول الجلاّس وآخـر مـن يقـوم يعيّفك حلـو الاكـل والشـرب طـول جلوسهـا ماهيـب للـلازم سنـد ولا ذخـر عنـد اللـزوم تمـوت ماسـرّك مهايطهـا وكـثـر فلوسـهـا وسوالف الخبلان .. رفعة ضغط وصداع وهمـوم فـلاوة ٍ تخطّـف علـوم الـعـرب وتحوسـهـا واجب عليك إليا حكت عن جملة حكاهـا تشـوم الهند مـا يـرأس حكومتهـا سـوى هندوسهـا وربع المصالـح والمجامـل خـوة ٍ ماهيـب دوم اقولهـا والتجربـه قطـع وريــدي موسـهـا وقت الرخا .. مثل الصقور اللي على المرقب تحوم فيّ ٍ يـذّري ساقـك الرمضـا وحـر ّ شموسهـا وإليا احتمت صكّات بقعا وامست علومـك علـوم اتلـوّي خششهـا وتجحـد خوّتـك وتدوسـهـا من عقب ما انت الطيّب وقدرك معـزّز ومحشـوم تصيـر اردى مـا خلـق ربـي ودم ضروسهـا أبعد عن الأشكال ذي .. بعد الثرى عـن النجـوم وش حاجتك في قرب رديـان العـرب ونجوسهـا ماهوب عيب إليا عزموك تقول يالربع .. معزوم ! العيـب : لارحـت لعزايمهـا وجيـت عروسهـا وخلّك فطيـن تعلّمـك دنيـاك درس بكـل يـوم والرجل يسلم من غثـا الدنيـا بحفـظ دروسهـا |
الناس تشره على الدمعه إذا طاحت ،
وأنا أقول الفخر لاطاحت الدمعه ، ماهي بدمعة خضوع لحاجةٍ راحت ، دمعة خشوعك بعد تكبيرة الجمعه |
مركب وهم ازرق وموج من الوريد الـى الوريـد رحلة لكشـف الـذات مابيـن الجهـات الاربعـة اول شعاع الشمس صحوة وآخـره جثـة شهيـد والبحر يبكي شايـل الجثـة علـى راس اصبعـه على امل قطـع المسافـة لكـن المرسـى بعيـد والريح تعـزف داخـل اعماقـي أنيـن الاشرعـه بدايـة الرحلـة جليـد ويمكـن آخرهـا جلـيـد والمرحلـة بيـن البدايـة والنهـايـة معمـعـة ايـدٍ تودعنـي هنـا وهنـاك تستقبلـنـي ايــد هيهات يستقبـل غريـب الـدار حضـن مودعـه امتعتي احلام وطموح وشي ومـن نـزف القصيـد لهناك تحملنـي تخيّـل شخـص تحملـه امتعـه في داخلي صوتٍ يقول ارجع وسافـر مـن جديـد يمكن تحصـل نصفـك المفقـود وتسافـر معـه ماينبنى حاضـر مجيـد الا علـى ماضـي تليـد وعذوبة آخر جـدول المـا مـن عذوبـة منبعـه وانا وحيـد وميزتـي فـي هالحيـاة انـي وحيـد احيـان يتبعنـي ظلالـي وان تراجعـت اتبـعـه يجوز ما ادري وش هي اهدافي ولا ادري ويش اريد بس اعرف انـي منفـرد لايمكـن اكـون إمعـه عندي يقيـن ان الحيـاة اضـداد والشـي الاكيـد ان احتكام الضيـق مهمـا طـال مفتـاح السعـه وان البشر بذرة قـدر مابيـن مـزروع وحصيـد وان القدر في ظرف لحظة يحصـد اللـي يزرعـة وان الخسارة حمـق متضـرر وحنكـة مستفيـد وان الفتـى يجمـع لعمـره وان عمـره يجمعـه وان افضل المعروف مايفرج بـه الكـرب الشديـد والخيـر درء الشـر واقصـاء المضـرة منفعـه عقديـن وانـا استعبـد الاحـرار واحـرر عبيـد في مملكـة فكـري وقدراتـي جيـوش موزعـه اعيش ما عاشوا ملوك الارض في ثـوب الزهيـد في زحمة الشارع وكني فـي سكـون الصومعـه فراستي تكشف قنـاع ابلـد ذكـي واذكـى بليـد المشكلة فـي هالزمـن حتـى للاصـوات اقنعـه |
: : المشاعـر ماتعبّرهـا الحـروف مايعبّر عـن هـواي الاالعنـاق يوم قلبي في مقدمـة الصفـوف لاجراح ولا عـذاب ولا فـراق اتلمّس عطرك وعينـي تشـوف كلّ مالـذَّ وطـاب وباشتيـاق اشهد انّك صدق كاملة الوصوف واشهد انّي عاشقك بلا نطـاق : : |
قال : اتـقّ الله فـي قلـوب العـذارى قلت : وقلوب اهل العوارض والاشناب!؟ وقلوبهـم تشبـه عقـول السـكـارى اللي ترنّح بـس مـن ريحـة اعجـاب |
اللي يسافرعن وطنه برغبته ماهو غريب يبقى الغريب اللي يحس بغربته داخل وطنه |
: : يامكحّل الرمش .. يامتخمّر الشفّه يامروّق الجوّ .. يامستوطن اجزائي يامدلّل الروح .. يامستثقل الخفّه يامخفف الدم .. يامسترسل إحيائي يامعطّر الليل .. يامتوازن الكفّـه يامكيّف العقل .. ياممطر ألف بائي يامطفّي النور .. يامعشوشب اللفّه يامورّد العِدّ .. يامتفهّم اجوائـي من غيبتك و الهنا مامدّ لي كفّـه وفقدت انا قيمة أشيائي من اشيائي : : |
اغلى ثلاثٍ عليهن حفيت اقدامي
الخوّه الصادقه والدين والسمعه ! اللي بصدري من الشرهات لايامي ضجيج حجاج ترجم في ضحا جمعه |
يفتح لگ ( ٱلخٱفق ٱلمشتٱق ) فـ گتٱبـھ
صفحھ ۆ يگتـب عليھٱ شۆق گ ٱلٱتي : ٱلصبح نعمھ .. ۆعين ٱلصبح : جذٱبــھ ۆشلۆن أجل لٱغدى ۆجھگ صبٱحٱتي |
كان النحل من رحيق الورد مشبعها
وأنا شموخي من أحلى شيّ جوّعني وليا تعانق خجلها مع تواضعها عانقت ليلٍ على مسـراه شجّعني |
لا صار مالگ في الجمايل طماعھ
وش خانتگ في عالم الحي والميت لو لا المراجل والوفا واالشجاعھ ما تفرّق / الرجال .. عن ربة البيت |
يا الله عليك ولا على خلقك ولطفك يا لطيف
أرجوك عيبي تستره وأدعوك ذنبي تغفره جمّلني ولبسني التقوى من الدين الحنيف وأجعل حياتي من رضاك موفقه وميسره الحمد لك والشكر لك والفضل لك ثوبي نظيف ما دنـّسوه اللي تمد كفوفها وتشبّره قريحتي حيّه وقافي يرسم الحس الرهيف أفرد جناج الطير وآخذ منه ريش المحبره وأن عرضوني للشتايم والظلايم يا منيف الشجره اللي ما لحقها الرمي ماهي مثمره من جاني ودمّه ثقيل .. اردّه ودمّه خفيف ومن جاني ودمّه خفيف .. أضحك معه وأطيّره ! ومتوحّش التغريد لا قابلته يعوّد أليف وأن كان عنده مرجله طلّعتها من منخره أقدر أردّ المخطيه بالمخطيه ماني ضعيف لكنّ أطوّفها وأقول العفو عند المقدره يكرم كفيف العين ولا كرمت يا العقل الكفيف الآدمي لا صابه جنون البقر صار بقره !! بعض العيال اللي يكافينا البلا ماله وصيف محسوب من ضمن الرجال وفيه من طبع المره يغار واليا غار ثار وجاك بالهرج اللفيف ما يكشف الثرثار بين الناس غير الثريره الحرّ من حقّه ليا عــدّا على الضلع المنيف وإلاّ الغراب غراب لو يرفع ويرخي منقره !! |
انا العميق البسيط الي يثير الجدل
وانا الفطين الذهين الي على نيّتي "اعرف اهرول واعرف اجمح واعرف اهذل" ولا اعرف احدد غيابي ولا جيّتي ..!! |
ياللي عطيتك منحةٍ تسكن بها بيـن الكتـوف لاتطري الفرقى ترى الأخـلاق منهـا قافلـه أضحك معي وأنثر على سمعي تفاصيل الحروف شاعرك يبغا وقفـةٍ تستاهـل الميقـاف لـه البرد قارس والبلا مايعرف لـفـرك الكفـوف محتاج جفن فراش والآخر يكون لحـاف لـه خلك معه وأنسى التعب دام التعب فيه مْخلوف وش فايدة وقته معـك دام المشاعـر جافلـه |
•
ضحيت باشيا كثير وفدوه لراسك وحتى علي بخطاك يسابقك عذري وشلون تمطر على غيري من أحساسك وبقاع صدري جفاف وخابرك تدري |
أنا ماني اكبر منك لكني اخبر منك
وفرق العمر لا شي مع فارق الخبرة يجي يوم تطلب فزعتي فيه غصبا عنك وأدلك على المخرج واعلمك بالدبرة |
مسافه الوقت بين العمر والرحله مسافة الصمت بين الحرف ووراقي تنبت عبث بين ضلعين الوله طفله تكبر مع الوقت صمت وتترك الباقي |
: مابي أعيشك جرح وأستقبلك طيف
أبي مصيرك يرتبط في مصيري ! دام الشتاء برده كسر خاطر الصيف خل البرود اللي بـ قلبـك لـ غيري ! |
الطيب نعرف دهاياه وصناديده
ونعرف عزاز النفوس ونعرف الخمه ثوب الفخر زادني بالعز و آزيده ويزهاني الثوب من كمه إلى كمه. ☺ |
لو للبحر شرهه على عاتي الموج
ما ترجع أمواجه لـ حضنه وتلقاه عظيم يا بحرٍ بـ الأصداف ممزوج يفداك يا صادق سرابٍ كذب ماه .!! |
زيتّيّة العين ياملحي ويازيتي
من وين هالزيتي الخدران من وينه ؟ مدري مع الأخضر الداكن تقهويتي والاّ حلفتي على العشبي تقهوينه |
ياعامنا اللي فات واللي فات مات
مهما المعاني ما تترجمها الجروح إرحل ولا لك في محيطي ذكريات الا رحيل اللي غلاهم مايروح http://t.co/tX8qnqi1 |
بصفتي أن ماعندي مدونه
وبصفتك أن أكثر وآحد يتحملني وبصفتي أن هالأبيات جازت لي وبصفتك أن مدونتك هي الأجمل بعيني خذ هالأبيات بس ماأعرف شاعرها ودي أحبك بس خايف أعاني القلب فيه اللي من الحب يكفيه وشلون أجيب لخافقي هم ثاني وأنا بقلبي واحد ومبتلي فيه الحب الأول خذ حياتي وحناني لامابقى عندي أبد شي أعطيه يحسب عليه جيتي بالثواني و يا ويل ويلي لو أفكر أخليه مأساه وحده بالمحبه كفاني وشلون أنا قلبي أزود مأسيه أحب مره ثانيه وش بلاني مجنون وإلا عمري اليوم مابيه |
إقتباس:
أقول أضافتك ياصديقي جعلت مدونتي المتواضعه كبيره بعيني بسبب وجود معرفك وأبياتك الرائعه . كل يوم تعال يا ابو فيصل . |
الرحيل اصعب محطات الغلا وتذكرة حجزٍ مؤكد للسهر وانتظار وغربه وهم وبلا وشوق واحساسٍ احر من الجمر |
ريح المطر يحيي جميع الذكريات والبرق يعرض لي صورها فالمزن ياكثر شوقي للسنين الماضيات اليا طرت لي سالت دموع الحزن |
. . يا صبح قلي على طلعتك وش باقي مليت دور الحزين و قصة الضيقه من روحت و السهر يستوطن احداقي و اللي بقى عن مطيح الدمع ( تدنيقه ) |
أرفعـي راسك دقيقـه وافهميني
الطفولـه كلهـا حـب وصداقـه لا تغيـب الشمـس وانتي تكرهيني الفـراق المحتمـل مـر ٍ مذاقـه جبت لك ورده وذبلـت فـي يميني وكان ما تكفيك ( ورده ) جبت باقه .... |
سحابة القلب عيّت لا تهلّ الغرام والشمس من خلفها .. والظلّ من دونها تنظر لها العاشقين بنظرة الإحترام اللي تبيّن مشاعرها من عيونها لوّ أنّها تبرق وترعد غلا يا سلام لاعاد تنشد عن أرض الحبّ وشلونها ! |
http://www.adab.com/photos/test/410.jpg هزي الهندول يمه امتلت روحي رماد ! ولحفيني سالفه من دون أرض ولا شجن ! ماعشقت من القصور الا (ارم ذات العماد).. وما نويت اللي نويت من العمار الا عدن ! صدقيني ما سهرت اكتب حكاية شهرزاد.. لا ولا هذا الصبا ولا الصبا هذا لمن ! انتي قلتي ما يموت اللي على ارض الجهاد.. و ياما قلتي لا تنام الا تحت راسك كفن ! |
| الساعة الآن +4: 01:30 PM. |
|
Powered by vBulletin® Version 3.8.2
Copyright ©2000 - 2024, Jelsoft Enterprises Ltd.
