قبيلة بني رشيد - إهداء : للمقيمين على قارعة سفر !!

احبك من هنا لاخر محطـات الغـلا لهنـاك
أحبك كثر ما يهوى رضيع الصـدر غفوآتـه

احبك يابعد كـل الحـروف وعلّهـا تفـداك
أحبك يابعـد بيـت القصيـد وكـل غايآتـه

أحبك يابعد عمرٍ قضى منـي علـى ذكـراك
أحبـك يابعـد مـن داج بالدنيـا بخطوآتـه

أحبك يادفى برد السنين اليا غفـت بحمـاك
أحبك يا امل عمـر الوحيـد ويابعـد ذآتـه

أحبك يابعد قلبٍ نـزف كـل الغـلا لرضـاك
أحبك يابعـد كـل العيـون ونـزف دمعآتـه

أحبك كثر ماتبـرى جـروحٍ لامسـت يمنـاك
أحبك كثر مـا يلجـا فقيـر الحـال لسكآتـه

أحبك بس لو تعرف وش اللي بالحشا ينخاك
وربي لو كشفت اللي بقلبي!!مـت لرضآتـه

أنا وشلون ابين لك غـلاك ولهفتـي للقـاك
انا وشلون اعبر لك عن اللي بيـن طيآتـه

أنا لو قلت لك ببعد وابرحل وانتحي وانسـاك
لسانـي!! واعرفـه لازّل ياشيّنـه بزلاّتـه

تعال ارجوك شفني من رحلّت وعبرتي تنعاك
تعال وضمنـي ياحـي ذا الطـاري وضمآتـه

تعال وداوني ,,واللي خلقني يالدواء بشفـاك
يقولون الجمر طب المريـض بحـر كيآتـه

تعال وخل عنك الصد والهجران!! مايزهـاك
حلاتك توصـل اللـي يـم دارك زاد جيآتـه

أنا والليالي وابيات القصايد في امـل لقيـاك
اقول الشعر والليـل الحزيـن يعـدّ نجمآتـه

نعزّي نفسنا ننطر تسابـق لهفتـك وخطـاك
نقول ان الخطى تقصر ولا تسبـق للهفآتـه

أماني عاشت بصدري اغاني داخلي تهـواك
تموت ان غبت وان رديت عاش الليل وابيآته

أنا مقدر على بعدك على صدك على فرقـاك
يموت بغيبتك قلبٍ نزف لـك حـر حسرآتـه

دخيل الصبح في وجهك دخيل الليل لا غطّاك
دخيل رمشي لاسيّر علـى خـدك بسجآتـه

أحبك من هنا لاخر هنا لاخـر هنـا لهنـاك
احبك لعنبو حـي الرضيـع وحلـو غفوآتـه