صحيح محتاج وصلك مع مساء(ريبك)=واعن حرفي لــ/اجل ترضين /وانسابك
من يوم غبتي عن الانظار اهذريبك=من كثر مااسهر مع الاطياف واقرابك
حرفي وانا بْخير واحساسي مشاريبك=وتبيقن دايم بعين الحب واحبابك
دامك لدرب المحبه نور واسريبك=والشوق لولا غلاتك ماشغل ابوابك
كلي قصايد ونزفي حرف تعريبك =احاول اظهرك دون الشك ينتابك
صمت المواجع يضج بْحال تغريبك=والوجد كافر ودينه بسود اهدابك
الحب في معمل اضلوعي تجاريبك=فيحان /ومعادلة حبك/وطلابك
اقري حروفي على مهلك وتقريبك=والناس تقرا وهجسي دام يزهابك

تـرى البكآ سآعآت ؟ هو طب وعلآج= لاصرت غآلي ! وإجرحك شخص غآلي ..

جعل السحاب اللـي مقاديمـه بـروق=يمطر علـى نجـد وعمـوم الجزيـره
ذيك الديار اللي بهـا الزيـن والـذوق=باشعـاري وعـذب القصايـد جديـره

يا داعي الشوق يوم انك تنادينا = باسم قديم الغلا والبحر و الدانه
ارجوك فينا من الذكرى ما يكفينا = نسيت نفسي و حبه صعب نسيانه
شف رسمنا اللي تعبث فيه ايادينا = لوحه تعبر عن حروفي بوجدانه
كان الامل.. يفتح الابواب لاجينا = وامشي على الهون واقطف ورد بستانه
يازين هاك النهار انور ليالينا = ويا زين ورده وياسمينه و ريحانه
هنا..ضحكنا وسولفنا.. وغنينا = وهناك.. يوم الحنايا منه رويانه
مع سجة الوقت..روحنا وسجينا = والوقت يمضي بنا وندور ميدانه
عدنا.. على وعدنا وماعاد يمدينا = اليوم طار الحمام.. وهاجر اغصانه
خل الاماني وذكرانا تسلينا = خل الهوى لا تكلم ينطق لسانه
شف كيف رحنا وخانتنا هقاوينا = وشف بحرنا وين لولوه و مرجانه
وشف قصرنا اللي بناه احساس ماضينا = مهجور.. تطرق هبوب الريح بيبانه