دنيا بدونك شفتها اطلال واشباح=في غيبتك كل البشر غادروها
عليك اجاوب نايح الورق لاناح=ناس اقتلو اصغارها وحطموها

لو في يدي مفتاح باب السعادة=وإلاّ مفاتيح الهنا لو بعض يوم
والله لا إبعد عن زماني سواده=وإنه فلا يبقى من الناس محروم

عـزّاه صـرنا نلتقى مثل الاغراااب =عقب الـغـلا كلن بوجهه يصدى

انــا مثل الذي تايه وينظر من بعيد سراج =فلا نوره وصل دربى ولاملقاه دفانى
تعال اصير لك شاطى اذا حزنك يصير أمواج= تعال وخذ فرح قلبى اذا قلبك بدا يعانى

تدري وش اللي رفع بالحيل مقدارك=وخلاك تسوى جميع الناس بعيوني
وخلاني انشد عن اول واخر اخبارك=واللوم منهم على حبك يلوموني
واقول للي يحاول يكشف اسرارك=تبطي عضم ماكشفت اسرار مضنوني
انه على الصدق دوم يسير مشوارك= بيضت وجهي وخابوا من يعذلوني

الله من ليل سهرته لحآلي =يوم السمآء غيمه يغطي نجومه
نآمت عيون اللي من الهم خآلي=مآهو بمثلي يحترق فـي همومه
هم يهدم نآيفآت الجبآلي =الليل طوّل وأزعجتني حلومه
مآيسهر إلآ من فقد شوف غآلي= يرعى خيآله طول ليله ويومه

أقول ابهرب من جنونك واهون=أعرف هروبي من حياتك وفاتي
وإن كان شفتك في ظمايه تفنن= ما عاد يجدي يا عشيري سكاتي
با أقولها في عالي الصوت واعلن= عطشانلك يـــا دجلتي ويا فراتي

أعذب حديث اللّي بلا صـوت وشفـاه=همس الغرام اللّي من الـعـين للـعـين

وين أنت يامطول الغيبه على أحبابـك
ياحبـي اللـي عيونـي دوم تنتظـره

ياحبـي اللـي عليـه طـول غيابـك
ماجا خبرمنك والغايـب معـه عـذره

عليك هاض الخفـوق اللـي تغنابـك
في غيبتك شوف محبوبك نفذ صبـره

من كبر شوقي عليك أمـوت وحيابـك
ياكبر شوقـي عليـك اليـوم ياكبـره

في يـوم ميـلادك تهاديـت الأقـلام=قلت أكتبك حرفين سطرين بيتين
ولا ّ قصيـده تسكـب الحـب بـ إبهـام=بـس الحقيقـه مـا توفّـي دواويـن
لكن تعالي واسمعي صـوت الإلهـام=أبختصـر كـل المحبـه بـشطريـن
يـدوم حبـك بـ المعاليـق مــا دام=دمي يسافر فـي دروب الشراييـن
والله يعيـد اليـوم أعـوام واعـوام=ويا جعلها أيامك بعد عمـري سنيـن

تصدق عاد من جودك صار للدنيا وجود=في الحياة اللي معاك والالقاك
زايد فيك الغلا فوق الحدود=ما يساويك بغلا شخص سواك
اكتبه شعري عسى شعري يجود=بالحروف اللي حلاها من حلاك
كل حرف ما بلغ وصفك حسود=تصدق عادلعنبو قاف عجز يلحق مداك

ياطير ياطير ياطيـر السعـد ياللـي تـرف الجنـاح
لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح
وأظن مافيـه ديـره فـوق وجـه الأرض ماجيتهـا
مانته بمثلي تجي وتروح مايصعـب عليـك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانـه الاقـدام عنتـنـي وعنيتـهـا
في ماض الأيام أشوفه قدم عيني في المسا والصباح
واليوم حتى العلوم اللي تجيني عنـه مـا أوحيتهـا
وليا نشدت العرب ماحـدٍ يعلمنـي عنـه ويـن راح
وأتعبـت نفسـي وبالنشـدة كثيـر النـاس بذيتهـا

عادي جداً .. إنِّي الليله ( عليل ) ..=" الحزن " .. يحْسِبني واحد مِـنْ هَلَـه !!
ومو غريبه .. لـو تِمَنِّيـت الرحيـل=البقاء.. أحيـان يعنـي .. البهذلَـه !!
في غيابك .. ما لَهَا الضيقه / مثيل ..!=وربِّـي اللِّـي مـا يشـاءهـ يفعـلَـه
مِنْ يلاقـي لدنيتـي هـذي بديـل ..؟=خـل يجيني أي شخـص .. أبَدِّلَـه

إمداك تنسى الزعل وتقول سامحني=من بعد ذاك الخطأ ودك تراضيني
قدامهم كيف جاء لك قلب تجرحني=أدميت قلبي بكلمة وأدمعت عيني
أيّاني وأيّاك با اسلوبك تمازحني=حاسب كلامك إذا ودك تحاكيني
وأن كنت ولهان أو ودك تصالحني=تعال وخل السوالف بينك وبيني
عندي خبر بينهم تمشي وتمدحني=وهذا الذي بالغلا لو غبت يكفيني
ما ابي اصارحك ولا ودي تصارحني=لكن إذا طـــال صـــدي لا تجافيني