كلك ذوق النمر..

تميل أيامنا .. والوقت مايل=وحنّا نميل .. يا خفّاق .. ميلا
،.،
ونعرف ناس .. وإنوادع خلايق=وأتسيل إدموعنا .. عــ / الخد سيلا
،.،
ويخذلني قريب .. ولا تأثــّـر=وأنا .. ماعاد بي لــ / الجرح .. حيلا
،.،
وأنا .. لو هو نخاني ما جحّدته=نهاري فدوته .. وأفداه .. ليلا
،.،
ولكن وش نقول .. و وّش نخلـّـي ؟؟=وأردد بيت .. جيلا .. بعد جيلا
،.،
( ســ / تذكرني ... إذا عاشرت غيري :-=وتبكي عشرتي ... زمناً طويلا )

تقهويتك وله ... لوما تقهويتك بصفر دلال=تهيلتك هواجيس .. وقصائد حب منثوره
اهيجن لك .. بطرقٍ .. غار من مسحوبه الموال=حديت اغلى مغاتير الغرام .. وجتك منحوره
حبيبي ... عاشقك معذور والله لو يجيه هبال=اليا صار العشق شيخٍ يسير العاشق بشوره
احبك ايه احبك ياغنى عمري وراس المال=لك بقلبي بساتين .. ومشاتل حب ممطوره
لطيفك من سموم القيض في عين الوله مقيال=واذا قصّرت .. يعذرني .. ترى كلن وميسوره
أهلّي بالجروح اللي غدا صدري لها مدهال=واقلّطها بروحٍ من رداة الحظ مقهوره
واداري حيرة العبره.. واكابر واقهر العذال=واذا طرّوك قدامي .. نخيت وقلت .. أخو نوره
انا والله لزومات العواذل والرجال رجال=وهل الأمثال قالوا .. يبخص القناص بطيوره
ماحد يقدر يعلّق في خيوط العنكبوت جبال=ماحد يقدر يهدّ ديار لك بالقلب معموره
يجونك ناس والدنيا .. معاك ريال تسوى ريال=واجيك ولا معاي الاّ... قصايد حب منثوره

هـلا بالخيـال اللـي عـن العيـن ماقـد غــاب=على رووس رمـش العيـن شلتـه وخاوانـي
خـيــالٍ لـيــا مـنــه حـضــر حـضــروا الـغـيـاب=وأحــــس بــوجـــودي فـــــي حــيـــاةٍ تـحــدانــي
هـو اللـي ليـا منـه حضـر كــلٍ جــرحٍ طــاب=وهــو الـلــي لـيــا جـانــي مـــا بـيــه يتـعـدانـي
أسـلـي بــه الخـاطـر لـيـا مـــن وجـــدي ذاب=وبديـت أتضايـق واكــره الـنـاس مــن دانــي
مــن البـعـد والغـربـه ومــن فـقـدي الاحـبـاب=وبــعـــد الأهـــــل والـــــدار وأفـــــراق خـــلانـــي
عـــزاي الـثـقـه فـــي واحـــدٍ طـالـبـه مــاخــاب=عـسـى الله يرجعـنـي عـلــى خـيّــر لـوطـانـي
وحياةٍ بعدهم عشت فيها على الأعصاب!=مـاعــاد أتـعـودهـا . أن كــــان الله أحـيـانــي