كل الكلام الي تقوله محايد = بس المهم اني رضيت بنصيبي
حبك بقلبي كل يومن يتزايد = ماتدري انك باحبيبي حبيبي

لو ان شرهات الليالي لها عون = ان كان ماشره زماني عليه

تجمـّل يـا زمـن واضحـك بـ وجـه التـايه المحـروم=خذيـت اللـي خذيتـه وش بقـى وبـ تاخذه ثانـي
هنـا وسـط الحشـا فـي داخـلي كـان الغـلا مرسـوم=تـرعـرع داخـل القـلب الرهيـف الطيـب الحانـي
هديتـه صـادق الإحسـاس فـي عقـد الوفـا منظـوم=حفظـته داخـل القـلب وحضنتـه وسـط الأعيـاني
سقـى الله ليـلـة البـارح هـواهـا يشـفـي المهمـوم=سـرت بـ أفكـاري لـ ذكـرى الحبيـب اللـي تمنـاني
بعـد مـا راحـت أيـامه بقــابي حزنـي المكتـوم =تـمنيتـه يجـي ويشــوف كيــف غيـابه أشقـاني

تعـال وشـوف لـي دمعـه أبـحبسهـا إليـن ألـقـاك =لعلـّك تمسـح الدمعـه ويغيـب الحـزن وأشـجانـه
أنـا يـا صاحبـي مـدري .. ذكرتـك يـوم جيـت أنسـاك =وذكـرت إنـك رحلـت وقلـت : هـذا الـحب وأحزانـه

الايالعالـم المجهـول حدثنـي عـن المجهـول
انا احس الحياه اسـرار والعالـم تعيـش ابهـا
انا اكتب فيك شعري واتسـأل وانتـه المسئـول
عـن الفكـره وشاعرهـا وقاريهـا وكاتبـهـا
تعبت اطرح سوالاتي وافكـر مالقيـت احلـول
ماغير اطرح سوالاتي علـى نفسـي واجاوبهـا
لياقلت الخيال احلـى يامـر الواقـع المعقـول
اصدق نظرتي وارجـع الـي الواقـع واكذبهـا
تضاريس الحياه ارمال واجبال اووعر واسهـول
سرحت ابها بامان وخفت يوم اني سريت ابهـا
مشيت امع الطريق اللى يبذ الرجل عرض وطول
طريقً شـاب راسـي منـه وامثالـي مشيبهـا
طريقً فيه عز النفس يشهـر سيفـه المسلـول
وقال النفس ترضـى الـذل ماتـدرك مطالبهـا
ليامنك بغيـت العـز قـل للشامـخ الغرمـول
انا شم الجبال اللي علـى متنـك رقيـت ابهـا
وانا شاعر مشاعر والمشاعر ماعليهـا اقفـول
ليافاضـت تسابـق ساعـة الوقـت وعقاربهـا
تمر اثقل من اللحظه على اللي ينتظر مرسـول
لكن اسبق مـن العبـرات يـوم انـك تحسبهـا
وقلت ارجوك يكفي لاتزيد الشرح شرح ايطـول
انا كل الامور اللـي تشيـر الهـا مجـر ابهـا
انا سباح بحرٍ فيه مـن هـول القيامـه هـول
سلاطيـن المعانـي فيـه مرسيـةً مراكبـهـا
بحر في عمقه الاهوال والفاعل مـن المفعـول
لياحصلت سلامه منه حض اللـي يفـوز ابهـا
بحر في عمقه اللؤلؤ على كف الصدف محمـول
تجارة رابحـه فالبحـر جابتنـي وجيـت ابهـا
سنين اجمع من اللؤلؤ واعد الحول بعـد الحـول
وصفيتـه علـى يمنـاً بدهـن العـود اطيبهـا
ونظمته عقد في جيـداً وراه يسبـح المجـدول
وقدمـه مزنـةً غـرا وبـرقً فـي جوانبـهـا
وفوقه بادياً مبـدا القمـر مبـداً عليـه ايحـول
شعاع الشمس في يوم امس لحظه قبل مغربهـا
هذا وصفً تحلابـه عشيقـة عاشـقً مذهـول
يعيش ابحبهـا وايهيـم فـالارض ويهيـم ابهـا
يجاذبني هواها وايتجاذبها شـرف واووصـول
شريفـه فـي مذاهبهـا عريبـه فـي مناسبهـا
تسال العالم المجهول مثلـي والجـواب ايقـول
لياجاوبتـك اول شـي بامكـانـك تجاوبـهـا
وانا اقول الله الباقي وغيره كـل شـي ايـزول
هذا سلم الحياه اللي يعيـش ابهـا يمـوت ابهـا

كم راحلي فوق البيسطه وكم ماراح الي = لو ترجع ركاب اليالي ورا رجعتها
انا عرفت ان انت مانت الحبيب الاولي = خلاص لاتروي عروق الغلا قطعتها

صبحية البرد شينه.. وأنت بلحالك
كنك على كثر ناسك عايش بمنفى

بالذات لاجف دمع.. وسال في بالك
والله لتبطي تبي تدفا.. ولا تدفى

شوف أحوالي ودبر حالي وأفهمني == لا تتعذر لي بظروفك تحرجني

ثالث موعد راح وعدى ما شفناك == حاول مرة قبل الموعد تذكرني

يا منوّة الـمشتاق يا عطــــر الانـفـــاس
يا منتق الخفــــــــاق عن كل ضـــــــــايم

جيتك ترى ماهمـنـــي بعد وأرمـــــاس
ولا ردنـي عن جـــيــّتـــــــك لوم لايــــــــــم

لــو الـبَـرَدْ لامس يـديـنـك وجرّب =طعم الدفا ماعاش في يوم بارد
ولـو البخـت حـسّ بـ وجـودي وقــرّب=ماعشت بالدنيا حزينٍ وشـارد
ماغـبـت أنــا لـجـل أبتـعـد وآتـهــرّب=لكن على ماقيل كل شيّ وارد