مرحوم ياشيخ(ن) عمامه خواله=ياعل قبر(ن) ضم جثتك للسيل
احب رجلينه واقبّل انعاله=مليان راسه طيب ماطاب تمثيل
بالمرجله (...) دايم لحاله=من جاه يبشر بالسعد والمعاميل
اليا اعجزو عن قولة الحق قاله=اصدق رجل شافت اعيوني بهالجيل
ياكثر ما ناصف خويه حلاله=ماعمرها ملت امتونه من الشيل
وحيد ماغير الله احد ارتكاله=واليا نووه ابشر ماشره اقليل
يمناه بالفزعات تسبق شماله=يفزع محبه مايدور محاصيل
من عقب موته حالت الكل حاله=عَجْزت عقب موته اتوفـّي مناديل
قبل لايفرح في مراجل اعياله=اختاره الله شيخ كل الرياجيل

الله يرحم موتانا وموتا المسلمين
ولعل قبورهم للمرآهيش مدهآل
اللهم أمييييييييييين
//

ياهاتف الليل لا تمسي ولا تسري =مقدار ما سألك عن كامل تفاصيلك
اقول وتقول لكن ماحدٍ يدري = صبحك هو الصبح ولا من طرف ليلك
الغايه اني سمعت الصوت من بدري = قدام تقلط على ضوي معاميلك
اما تواريت ماقللت من قدري =ولا تراكم سحابك وانحدر سيلك
ايوالله انك مغيث وبالحيا تحري = واني لي ايام بس ارعاك واوميلك
ألتاع قلبي وهايم وانفرا ستري =والحزن يكسي حروفي يوم اغنيلك
مابين شرد الهجوس وفلسفة فكري =تسعين ميقاف تقبل لي وتقفيلك
ان جيت اقدم لها ماياسعه عذري = مرت على مهجة الساري تفاصيلك

فيني جرى نهر الهوى جريت السيل =و أنا أنقلك من غبّتي لي ضفافي
يا اجمل ثمر يجنى ما بين المحاصيل= لولاك محصول المحبه .. عجافي
ودي بشوفك ليل يا فتنة الجيل= والليل ضافي وأنت بالزين ضافي
تحت القمر نجلس سوى مثل ما قيل= واحكي معك .. واصارحك بالخوافي
وادللك وأنته تجيني بتدليل= ونذوق ينبوع الهوى عذب صافي
قل تم .. وأنس القلب جور الغرابيل= هذاي جيتك .. والمواجع خلافي