مع اني ادري انت ماعنـك تجنيـب
كنك موصينـي وقاضـب وصاتـك

رح واترك بقلبي لك أربـع معازيـب
معزتـك طاريـك حبـك غـلاتـك
وإن شفتني أجمع شتاتي .. ماهو عيب
باكـر مـع الأيـام تجمـع شتاتـك

وإن شفتني شايل جـروحٍ معاطيـب
باكر يصير الجـرح أبـرز صفاتـك
أكبر مصيبه فـي زمـان العذاريـب
إنّـي أحبـك وأنـت حبـك لذاتـك

الطيب لـو إنـك تجازيـه بالطيـب
ماكان تالـي الوقـت هـذي سواتـك
يا صاحبي لا صرت أغلا الأصاحيب
لا تزعل بكيفـك وتطلـب رضاتـك

أنـا حبيبـك مبعـد الشـوح مانيـب
من ضيّع جهاتـه .. يـدور جهاتـك
إن كـان ماعديـت روس المراقيـب
ماني كفو أصـلاً أنـام فـي عباتـك

شفني مقدر عنـد عكـف الأشانيـب
مانيب مـن تومـي عليـه بعصاتـك
رح للفراق إللـي تركنـا مصاويـب
شمّت اعداتي قبـل تشمّـت أعداتـك

الله معك .. رح وين مـاودك تغيـب
هذي حياتك .. وأنت حـر بحياتـك